កាលពីខែវិច្ឆិកាឆ្នំមុននេះ ក្រុមហ៊ុន Huawei បានប្រកាសចេញនូវកុំព្យូទ័រ Desktop ដំបូងបំផុតនៅក្នុងប្រទេសចិន ហើយពេលនេះកុំព្យូទ័រនេះ ក៏ត្រួវបានក្រុមហ៊ុននេះបង្ហាញចេញនៅក្នុងទីផ្សាររបស់ពិភពលោកផងដែរ។ នៅថ្ងៃនេះ យោងតាមការបញ្ជាក់ក្នុងទំព័រ MateStation S desktop ក៏មានការបង្ហាញខ្លូនរបស់ម៉ាស៊ីនេះ នៅលើវេបសាយផ្លូវការរបស់ក្រុមហ៊ុន Huawei របស់ប្រទេសម៉ាឡេស៊ីផងដែរ។
ក្រុមហ៊ុនចិនមួយនេះ បានធ្វើការឌីស្សាញរូបរាងថ្មីទៅលើម៉ូដែលថ្មីនេះ បើសិនយើងធៀបទៅនឹងកុំព្យូទ័រ MateStation B515 គឺមានអាប់ដែតច្រើនផងដែរ។ ម៉ាស៊ីននេះ មានវិមាត្ររទំហំ 93x 293x315.5mm និងទម្ងន់ 4.2kg។ នៅលើកុំព្យូទ័រនេះមាន Wi-Fi និង Bluetooth 5.0 ហើយផ្នែកខាងមុខរបស់វា គឺមានរន្ធដោត USB-A និង USB-C connectors រួមជាមួយនឹងរន្ធដោតកាសស្តាប់ 3.5 mm headphone port ផងដែរ។ ផ្នែកខាងក្រោយវិញនោះ គឺមានរន្ធ USB-A, HDMI, Ethernet connectors ជាដើម។
កុំព្យូទ័រ Huawei MateStation S នេះ ប្រើប្រាស់នូវបន្ទះឈីប AMD Ryzen 5 4600G processor និងមានរ៉េមទំហំ 8GB 3200MHz DDR4 RAM និងមានម៉េមូរី 256GB solid-state drive។ សម្រាប់កុំព្យូទ័រ Huawei Mate Station S នេះតម្លើងមកជាស្រេចនូវ Windows 10 និងទ្រទ្រង់នូវមុខងារជាច្រើនដូចជា Huawei Share និង multi-screen ថែមទៀតផង។
Mate Station S នេះ មានអេក្រង់ទំហំ 23.8 អ៊ីង បង្ហាញរូបភាណកម្រិត Full HD (1920 x 1080 pixels) Huawei monitor។ ម៉ាស៊ីននេះ ក៏ទទួលបាននូវវិញ្ញាបនបត្រ TUV Rheinland International សម្រាប់ការពារភ្នែកផងដែរ។ បន្ថែមពីនេះ វាក៏មាន Mouse និង Keyboard មកជាស្រេចផងដែរ។ សម្រាប់តម្លៃរបស់កុំព្យូទ័រ Huawei Mate Station S នៅមិនទាន់ដឹងនៅឡើយទេ៕