មកទល់ពេលនេះ ក្រៅពីស្មាតហ្វូន ក្រុមហ៊ុន Huawei ក៏មានដាក់លក់នូវកុំព្យូទ័រជាច្រើនផងដែរ ជាមួយនឹងម៉ាកយីហោរបស់ខ្លួននោះ គឺ Honor។ ក្រុមហ៊ុននេះ បានត្រៀមខ្លួនក្នុងការបង្ហាញនូវកុំព្យូទ័រលេងហ្គេមដំបូងបំផុត របស់ខ្លួននៅក្រោមឈ្មោះថា Hunter Series ដែលប្រើប្រាស់នូវ Intel ដែលព្រឹត្តិការណ៍នេះ នឹងធ្វើឡើងនៅថ្ងៃទី 19 ខែសីហានេះ ក្នុងការបង្ហាញនូវកុំព្យូទ័រជំនាន់ថ្មីរបស់ MateBook X ដែលបង្ហាញខ្លួននៅឆ្នាំ 2017 កន្លង។ នៅក្នុងការបែកធ្លាយថ្មីនេះ បានបង្ហាញថា គឺជាកុំព្យូទ័រ Windows ដែលភ្ជាប់ជាមួយនឹង Pressure-Sensitive Trackpad។
សូមជំរាបថា បច្ចេកវិទ្យាននេះ គឺមាននៅលើកុំព្យូទ័រ MacBooks យូរមកហើយ គឺកាលពីឆ្នាំ 2015 កន្លងមក គឺមានភ្ជាប់ជាមួយនឹង Pressure-Sensitive Trackpad មានឈ្មោះហៅថា “Force Touch” ដែលក្នុងនោះ ក៏មានការប្រើប្រាស់នូវ Vibration Motor ផងដែរ។ ក្រុមហ៊ុននេះ ក៏ប្រើប្រាស់នូវបទពិសោធន៍នេះនៅលើ Home Button នៅលើស្មាតហ្វូន iPhone 7/7 Plus, iPhone 8/8 Plus និង iPhone SE 2020 ដូចគ្នា។
នៅពេលនេះ យោងតាមការទម្លាយចេញពី 看山的叔叔 នៅលើ Weibo បាននិយាយថា សម្រាប់កុំព្យូទ័រ Huawei MateBook X 2020 នេះ នឹងក្លាយជាកុំព្យូទ័រដំបូងបំផុតដែលដំណើរការនូវ Windows ហើយនិងមានភ្ជាប់ជាមួយនឹង Pressure-Sensitive Trackpad ហើយវានឹងមានឈ្មោះហៅថា Free Touch។ អ្នកទម្លាយនេះ នៅមិនទាន់ច្បាស់នោះទេប្រសិនបើក្រុមហ៊ុននេះ នឹងប្រើប្រាស់នូវ linear motor ។ សម្រាប់ Hardware វិញនោះ ក្រុមហ៊ុននេះ នឹងប្រើប្រាស់នូវ Synaptics ZPad ដែលមានការបង្ហាញនៅក្នុងព្រឹត្តិការណ៍ CES 2019 ផងដែរ។ ជាមួយនឹងមុខងារ និងWindows Precision Driver នេះ សម្រាប់ Trackpad នៅលើ MateBook X 2020 នេះ នឹងក្លាយជាម៉ូឌែលដ៏ពិសេសបំផុតនៅលើទីផ្សារ៕