ក្រុមហ៊ុន ASUS ទើបតែបង្ហាញវត្តមានរបស់កុំព្យូទ័រ ProArt Studiobook Pro 16 OLED (W7600) និង ProArt Studiobook 16 OLED (H7600) ជំនាន់ថ្មីដែលនេះគឺជាកុំព្យូទ័រប្រភេទ 16-inch ដ៏ខ្លាំងក្លាដែលមានការពង្រឹងទៅលើបន្ទះឈីប ក្រាហ្វិកកាត និងសមត្ថភាពដ៏ខ្លាំងក្លាជាមួយនឹងភាពធន់ក្នុងការប្រើប្រាស់ ហើយកុំព្យូទ័រនេះពិតជាសក្តិសមបំផុតសម្រាប់អ្នកជំនាញ។ កុំព្យូទ័រ Studiobook Pro 16 OLED និង Studiobook 16 OLED នេះប្រើប្រាស់នូវបន្ទះឈីប enterprise-grade Intel® Xeon® (W7600) ឬ top-of-the-range Intel Core™ i9 (H7600) processors ដែលធ្វើអោយម៉ាស៊ីនដំណើរការយ៉ាងរលូននៅក្នុងពេល Render ឬកម្មវិធី simulation app ធំៗថែមទៀត។
នៅក្នុងស្ថាបត្យកម្ម NVIDIA Ampere graphics ចុងក្រោយបំផុតនេះបានធ្វើអោយកុំព្យូទ័រនេះមានសមត្ថភាពខ្លាំងក្លាក្នុងការប្រើប្រាស់។ សម្រាប់កុំព្យូទ័រ Studiobook Pro 16 OLED ប្រើប្រាស់នូវក្រាហ្វិកកាត flagship NVIDIA RTX A3000 Laptop GPU ដែលមានភាពងាយស្រួលក្នុងការធ្វើការងារធំៗបានយ៉ាងមានប្រសិទ្ធិភាពជាពិសេសទៅលើម៉ូឌែល CAD ការឌីស្សាញទម្រង់ 3D ឬការកែវីដេអូដែលមានកម្រិតភាពច្បាស់ខ្ពស់ និង Studiobook 16 OLEDដែលភ្ជាប់ជាមួយនឹងក្រាហ្វិកកាត GeForce RTX™ 3060 GPU។ កុំព្យូទ័រទាំងពីរនេះប្រើប្រាស់នូវ NVIDIA Studio Drivers ដើម្បីធានាទៅលើសមត្ថភាពឈានដល់កម្រិតខ្ពស់ រូបរាងរឹងមាំប្រកបដោយភាពជឿជាក់ និងអាចប្រើប្រាស់បានជាមួយនឹងកម្មវិធី software យ៉ាងច្រើន។
កុំព្យូទ័រ Studiobook Pro 16 OLED និង Studiobook 16 OLED គឺជាកុំព្យូទ័រ 16-inch 4K OLED HDR 16:10 550-nit ដំបូងបំផុតរបស់ពិភពលោកដែលមានភាពងាយស្រួលសម្រាប់កម្មវិធី content-Creation Apps បានយ៉ាងងាយស្រួល។ កុំព្យូទ័រនេះល្អបំផុតសម្រាប់កុំព្យូទ័រ color-critical 2D និង 3D visual app ជាមួយនឹង cinema-grade 100% DCI-P3 color gamut, PANTONE® Validated និង Calman Verified ជាមួយនឹង Delta-E < 2 និង VESA DisplayHDR 500 True Black សម្រាប់ 1,000,000:1 contrast ratio ផងដែរ។
សម្រាប់ ASUS Dial នេះគឺំមានភាពងាយស្រួលក្នុងការគ្រប់គ្រងនៅលើកុំព្យូទ័រ laptop នេះ។ វាអនុញ្ញាតអោយអ្នកប្រើប្រាស់អាចប្រើប្រាស់ជាមួយនឹងកម្មវិធី Apps ប្រកបដោយភាពច្នៃប្រឌិតបំផុត។ វាក៏អាចប្រើប្រាស់បានជាមួយនឹងកម្មវិធី Adobe creative apps ផងដែរ។ សម្រាប់កុំព្យូទ័រទាំងពីរនេះមានភ្ជាប់ជាមួយនឹង dual ultrafast PCIe® SSDs, 64 GB 3200 MHz DDR4 RAM និង high-speed connectivity ដែលក្នុងនោះមាន Thunderbolt™ 4, Intel WiFi 6, HDMI® 2.1 និង SD Express 7.0 card reader ផងដែរ។ កុំព្យូទ័រ Studiobook Pro 16 OLED នេះក៏ទទួលបាននូវវិញ្ញាបនបត្រ ISV ដែលផ្តោតទៅលើឧស្សាហកម្មស្តង់ដារច្នៃប្រឌិតខ្ពស់ផងដែរ។
កម្លាំងម៉ាស៊ីនដ៏ខ្លាំងក្លា
កុំព្យូទ័រ ProArt Studiobook Pro 16 OLED និង Studiobook 16 OLED ត្រូវបានឌីស្សាញឡើងជាមួយនឹងគោលបំណងមួយនៅក្នុងគំនិត៖ ក្នុងការផ្តល់នូវសមត្ថភាពដ៏ខ្លាំងក្លា និងល្បឿនលឿនក្នុងការប្រើប្រាស់។ នេះគឺជាកុំព្យូទ័រអាជីពដែលបង្កើតឡើងសម្រាប់ភាពជំនាញបំផុតក្នុងការប្រើប្រាស់។ ជាមួយនឹងការប្រើប្រាស់នូវបន្ទះឈីប Intel Xeon W-11955M enterprise-grade processor (W7600) និង top-of-the-range Intel Core i9 11900-H processor (H7600) ជាមួយនឹង 2x SO-DIMM slots ជាមួយនឹងរ៉េមទំហំ 64 GB 3200 MHz DDR4 RAM បានធ្វើអោយកុំព្យូទ័រ Studiobook Pro 16 OLED និង Studiobook 16 OLED កាន់តែមានសមត្ថភាពខ្លាំងក្លាក្នុងការប្រើប្រាស់។ វាក៏មានមុខងារ erformance mode ដែលអាចពង្រឹងទៅលើកម្លាំង CPU ដល់ទៅ 75W ឬ 95W (បណ្តោះអាសន្ន)រួមជាមួយនឹង IceCool Pro thermal system ។ បន្ថែមពីនេះទៀតនោះ វាក៏មាន advanced storage system ដែលទ្រទ្រង់នូវ 2 SSDs ៖ មួយសម្រា់ 2 TB PCIe® 4.0 x4 M.2 NVMe SSDs និង 2 TB PCIe 3.0 x4 M.2 NVMe SSD ដែលទំហំសរុបគឺដល់ទៅ 4 TB ជាមួយនឹងល្បឿននៃការផ្ទេរទិន្នន័យដល់ទៅ 7000 MB/s ។
ជាមួយនឹងការប្រើប្រាស់នូវ 3D graphics processing power ដែលផ្តល់ដោយក្រាហ្វិកកាត NVIDIA RTX A5000 (W7600) ឬ NVIDIA GeForce RTX 3060 (H7600) GPUs ដែលផ្អែកនៅលើ Ampere និងបច្ចេកវិទ្យា RTX technology ជំនាន់ទី 2 របស់ក្រុមហ៊ុន NVIDIA ថែមទៀត។ បន្ថែមពីនេះទៀតនោះ វាក៏ប្រើប្រាស់នូវ NVIDIA Studio Drivers ដើម្បីធានានូវសមត្ថភាពកាន់តែខ្លាំងក្លា និងការប្រើប្រាស់កម្មវិធី software កាន់តែទូលំទូលាយ។ ប្រព័ន្ធ ASUS IceCool Pro cooling system នេះអនុញ្ញាតអោយ CPU អងាចបង្កើនល្បឿនដល់ទៅ 140 watts TDP (50 W CPU និង 90 W GPU) នៅក្នុង Performance mode។ កុំព្យូទ័រនេះមានរន្ធបំភាយកំដៅចំនួន 6 និង intelligent sensors ចំនួន7 ដែលធ្វើអោយម៉ាស៊ីនត្រជាក់ជានិច្ច។
បច្ចេកវិទ្យានាំមុខគេនៅលើពិភពលោក
សម្រាប់កុំព្យូទ័រ ASUS ProArt Studiobook Pro 16 OLED និង Studiobook 16 OLED នេះប្រើប្រាស់នូវអេក្រង់ 16-inch 4K OLED HDR 16:10 ដំបូងបំផុតពិភពលោក។ វាក៏មានអេក្រង់ 16:10 aspect-ratio ដែលមានកម្រិតគែម Bezel ស្តើង។ អេក្រង់នេះមានវិញ្ញាបនបត្រ VESA DisplayHDR™ 500 True Black និង 100% DCI-P3 industry-standard color gamut រួមជាមួយនឹងវិញ្ញាបនបត្រ PANTONE® Validated និង Delta-E color-accuracy។ អេក្រង់នេះទទួលបាននូវវិញ្ញាបនបត្រ VESA DisplayHDR™ 500 True Black ដែលមានពន្លឺពណ៌ខ្មៅ និង 100% DCI-P3 ។ កុំព្យូទ័រ creator laptops នេះមានភ្ចាប់ជាមួយនឹង ASUS Dial សម្រាប់ធ្វើការគ្រប់គ្រងទៅលើកុំព្យូទ័រនេះបានយ៉ាងងាយស្រួល។ ASUS Dial នេះគឺអាចប្រើប្រាស់ជាមួយនឹងកម្មវិធី Adobe apps: Photoshop®, Premiere® Pro, Photoshop Lightroom® Classic និង After Effects®។
ការតភ្ជាប់កាន់តែងាយស្រួល
កុំព្យូទ័រនេះមានភ្ជាប់ជាមួយនឹងរន្ធ I/O ports ជាច្រើនដូចជា ASUS ProArt Studiobook Pro 16 OLEDឬ Studiobook 16 OLED ដើម្បីភ្ជាប់ទៅកាន់តែឧបករណ៍ជាច្រើន។ វាក៏មាន USB-C® Thunderbolt™ 4 port និង USB-C 3.2 Gen 2 port ជាមួយនឹង Power Delivery, DisplayPort និង VR និង RJ45 gigabit Ethernet LAN និង HDMI® 2.1 port; SD Express 7.0 card reader និង gigabit-class Intel WiFi 6 (802.11ax) ៕
ASUS ProArt Studiobook Pro 16 OLED និង ProArt Studiobook 16 OLED មានលក់នៅលើទីផ្សារប្រទេសកម្ពុជាហើយជាមួយនិងតម្លៃចាប់ពី $3299។