no-alternative title
no-alternative title
no-alternative title

កុំព្យូទ័រ Samsung Galaxy Book 4 Series បង្ហាញខ្លួនជាផ្លូវការនៅក្នុងប្រទេសកូរ៉េខាងត្បូង

ថ្មីៗនេះ ក្រុមហ៊ុន Samsung ទើបតែបង្ហាញខ្លួនជាផ្លូវការទៅលើជំនាន់ថ្មីនៃកុំព្យូទ័រ Galaxy Book របស់ខ្លួននៅក្នុងប្រទេសកូរ៉េខាងត្បូង ស្របពេលជាមួយគ្នានេះ កាលពីម្សិលមិញនេះ ក្រុមហ៊ុននេះ ក៏មានប្រកាសចេញនូវស្មាតហ្វូនថ្មីនោះគឺ Galaxy S24 Series និងកុំព្យូទ័រ Galaxy Book 4 series នៅក្នុងប្រទេសរបស់ខ្លួនផងដែរ។ 

 

រូបភាពពាណិជ្ជកម្ម
no-alternative title

កុំព្យូទ័រ Galaxy Book 4 Pro

Galaxy Book 4 Pro គឺជា កុំព្យូទ័រ Notebook ដែលមានការបំពាក់មកជាមួយនឹងបន្ទះឈីប Intel Core Ultra 5 ឬ Ultra 7 CPU ជាមួយនឹងក្រាហ្វិកកាត Intel Arc graphics។ កុំព្យូទ័រនេះ ដំនើរការនូវ Windows 11 Home OS និងអេក្រង់ទំហំ  14-អ៊ីង ឬ 16-អ៊ីង AMOLED display ទំហំ (2880×1800 resolution) និងមានភ្ជាប់ជាមួយនឹងជម្រើស touch បានថែមទៀតផង។ កុំព្យូទ័រ Galaxy Book 4 Pro នេះ មានបំពាក់នូវ backlit keyboard និងកាមេរ៉ា webcam ទំហំ 2-megapixel ហើយនិងឧបាល័រ AKG quad speakers រួមជាមួយនឹងការទ្រទ្រង់នូវ Dolby Atmos ផងដែរ។ សម្រាប់មុខងារជាច្រើនទៀតដែលគួរអោយចាប់អារម្មណ៍មានដូចជា WiFi 6E, Bluetooth 5.3, multiple connectivity ports, 63Wh/76Wh ជាមួយនឹង 65W USB-C charging ។ កុំព្យូទ័រនេះមានទម្ងន់ 1.23Kg និង 1.56Kg។

កុំព្យូទ័រ Galaxy Book 4 Pro 360

កុំព្យូទ័រ Samsung Galaxy Book 4 Pro 360 គឺជាម៉ូដែលមួយដែលមានភាពស្រដៀងគ្នាទៅនឹងកុំព្យូទ័រ Book 4 Pro។ ឡែបថប់នេះមានបំពាក់នូវត្រចៀកបត់បាន 360 degree hinge ដែលអនុញ្ញាតអោយអ្នកអាចប្រើប្រាស់វាដូចទៅនឹងថេប្លេតបានផងដែរ។ ម៉ូដែលនេះ មានអេក្រង់ 16-អ៊ីង AMOLED ជាមួយនឹង Touch និងទម្ងន់ត្រឹមតែ 1.66kg។ ផ្នែកខាងមុខរបស់កុំព្យូទ័រនេះមានកាមេរ៉ាទំហំ 2-Megapixel និងមានភ្ជាប់ជាមួយនឹង 2 Microphones ផងដែរ។ កុំព្យូទ័រនេះ មានបន្ទះឈីប Intel Core Ultra 7 និងUltra 5 CPUs ជាមួយនឹងក្រាហ្វិកកាត  Intel Arc graphics។ កុំព្យូទ័រនេះ ប្រើប្រាស់នូវប្រព័ន្ធប្រតិបត្តិការ Windows 11 ហើយនិងមានតម្លើងមកជាមួយនឹង Dolby Atmos, AKG quad speakers, backlit Pro keyboard ហើយនិង S Pen ផងដែរ។ នៅលើឡែបថប់នេះ ក៏មានរន្ធផតជាច្រើន WiFi 6E, Bluetooth 5.3, 76Wh ជាមួយនឹង 65W charging ។ ក្រុមហ៊ុន Samsung ក៏បញ្ចេញនូវម៉ូដែល Galaxy Book 4 Pro 360 មានប្រភេទរ៉េមទំហំ 16GB ឬ 32GB LPDDR5X RAM និងម៉េមូរីទំហំ 512GB ឬ 1TB។

កុំព្យូទ័រ Galaxy Book 4 Ultra

កុំព្យូទ័រ Galaxy Book 4 Ultra នេះវិញ គឺជាម៉ូដែលកំពូល ក្នុងចំណោមម៉ាស៊ីនថ្មីៗរបស់ក្រុមហ៊ុននេះ។ ឡេបថប់នេះ មានអេក្រង់កម្រិត 3K AMOLED គាំទ្រជាមួយនឹងកម្រិតភាពច្បាស់ WQXGA (2880×1800) resolution, 120Hz refresh rate, 120 percent, DCI-P3 color gamut និងពន្លឺអេក្រង់ 400nits ថែមទៀតផង។ កុំព្យូទ័រនេះ មានបន្ទះឈីប  Intel Core Ultra 9 ឬ Ultra 7 ជាមួយនឹងក្រាហ្វិកកាត Nvidia GeForce RTX 4070 ឬ  RTX 4050 GPU ។ បន្ទះឈីបនេះក៏មានរ៉េមទំហំ 64GB  LPDRR5X RAM និងម៉េមូរីទំហំ 2TB ផងដែរ។ កុំព្យូទ័រ Samsung’s Galaxy Book 4 Ultra នេះមានទម្ងន់ប្រហែលជា 1.86 kg ហើយនិងមានកម្រាស់ត្រឹមតែ 16.5mm។ កុំព្យូទ័រនេះប្រើប្រាស់នូវថាមពលថ្ម 76Wh ជាមួយនឹងបច្ចេកវិទ្យា 140W USB-C fast charging ។ សម្រាប់ការតភ្ជាប់ទំនាក់ទំនងនៅលើកុំព្យូទ័រនេះមាន  2x Thunderbolt 4, USB Type-A និង HDMI 2.1 ដែលទ្រទ្រង់នូវ 8K  60fps និង 5K 120fps ថែមទៀត។

តម្លៃ និងកាលបរិច្ឆេទនៃការលក់

Samsung Galaxy Book 4 Pro និង Galaxy Book 4 Pro 360  មាន 2 ពណ៌ រួមដូចជា Moonstone Gray និង Platinum Silver។ សម្រាប់កុំព្យូទ័រ Galaxy Book 4 Ultra គឺ មានតែពណ៌ Moonstone Gray ប៉ុណ្ណោះ។ កុំព្យូទ័រ Galaxy Book 4 Pro មានតម្លៃចាប់ពី 2,150,000 won (1,605 ដុល្លារអាមេរិក)។ សម្រាប់កុំព្យូទ័រ  Galaxy Book 4 Pro 360 គឺមានតម្លៃ  2,650,000 won (1,978ដុល្លារអាមេរិក) ខណៈពេលដែលកុំព្យូទ័រ Galaxy Book 4 Ultra មានតម្លៃ 3,730,000 won (2,785 ដុល្លារអាមេរិក)៕

 

ព័ត៌មានពាណិជ្ជកម្ម