ថ្ងៃនេះ មានរបាយការណ៍ថ្មីមួយ បានបញ្ជាក់ថា នៅខែមីនា ឆ្នាំ 2017 ខាងមុខនេះ ក្រុមហ៊ុន Apple នឹងធ្វើឱ្យមនុស្សជាច្រើន មានការភ្ញាក់ផ្អើលជាមួយនឹងការប្រកាសចេញនូវវត្តមានរបស់ iPad អេក្រង់ 9.7 អ៊ីង ដែលមានតម្លៃសមរម្យ។ យោងតាមប្រភពព័តមានមួយបានអោោយដឹងថា លោក Tim Cook បាននឹងកំពុងតែពិចារណាទៅលើម៉ូដែលថ្មីដែលមានតម្លៃថោកសមរម្យក្នុងការប្រើប្រាស់។ យោងតាមប្រភពជាច្រើនចេញពី Digitimes បានអោយដឹងថា យើងប្រហែលជាមើលឃើញនូវម៉ូដែលអេក្រង់ 9.7 អ៊ីង ថ្មីនេះ នៅក្នុងត្រីមាសទី 2 នៃឆ្នាំ 2018។ សម្រាប់ជំនាន់តម្លៃថោកបំផុតរបស់ iPad នេះ គឺមានតម្លៃប្រហែលជា $259 ។ ប្រសិន បើនេះក្លាយជាការពិតមែននោះ មានន័យថាម៉ូដែលថ្មីនេះ អាចនឹងមានតម្លៃថោកជាង $70 បើធៀបជាមួយនឹងម៉ូដែលជំនាន់មុន។
បើតាមការវិភាគ បានបញ្ជាក់ថា ការប្រើប្រាស់តម្លៃថោកនេះ ពិតជារឿងមួយសម្រាប់ការបង្កើនទៅលើតម្រូវការរបស់អ្នកប្រើប្រាស់ ដែលកំពុងតែស្វែងរកនូវថេប្លេត ដែលមានតម្លៃសមរម្យនោះ។ ដូចអ្វីដែលលោកអ្នកធ្លាប់ដឹងហើយនោះ ទីផ្សារថេប្លេតនៅលើលកលលោកចាប់ផ្តើមានការធ្លាក់ចុះកាលពីប៉ុន្មានឆ្នាំមុននេះ។ ប៉ុន្តែបើសិនជាតម្លៃរបស់ថេប្លេតនេះចេញមកមែន ពិតជាធ្វើឱ្យមានតម្រូវការកាន់តែច្រើនជាក់ជាមិនខាន។ យោងតាមការបញ្ជាក់ចេញពីក្រុមហ៊ុន Apple បានបង្ហាញថា ក្រុមហ៊ុនមានការលក់កើនឡើងទ្វេដងសម្រាប់ថេប្លេត iPad នៅក្នុងរយៈពេលត្រីមាសពីរនេះ។ ប្រភពជាច្រើន បានទស្សន៍ទាយថា តម្លៃរបស់ថេប្លេតនេះ ពិតជាអាចប្រកួតប្រជែងជាមួយនឹងផលិតផលរបស់ក្រុមហ៊ុន Samsung, Amazon, Huawei និង Lenovo បាន៕