រឿងរ៉ាវប្រកួតប្រជែងឌឺដងគ្នា ត្រូវបានធ្វើឡើងស្ទើរតែដូចគ្នា បន្ទាប់ពីក្រុមហ៊ុននិមួយរៀបចំនូវសន្នីសីទស្មាតហ្វូនទាំងអស់របស់ខ្លួន។ ជាក់ស្តែងដូចជាក្រុមហ៊ុន Huawei ជាដើម នៅកំឡុងពេលដែលធ្វើការផ្សព្វផ្សាយអំពីស្មាតហ្វូនត្រកូល Mate 20 series នេះ ក្រុមហ៊ុននេះ ធ្វើការប្រៀបធៀបនូវកាមេរ៉ារបស់ខ្លួន ជាមួយនឹងគូប្រកួតប្រជែងដូចជាស្មាតហ្វូន iPhone XS Max និង Samsung Galaxy Note 9។ នៅពេលនោះ លោក Yu Chengdong ដែលជា CEO របស់អាជីវកម្មអតិថិជនរបស់ក្រុមហ៊ុន Huawei បានធ្វើការបង្ហាញជាថ្មីម្តងទៀត អំពីការថតនៅពេលយប់របស់ស្មាតហ្វូន Mate 20 Pro, iPhone XS Max, Note 9 ដែលស្មាតហ្វូន Huawei គឺច្បាស់ជាង និងភ្លឺជាង។
បន្ទាប់មកក៏មានមនុស្សជាច្រើន បានធ្វើការចោទសួរអំពីរឿងមួយ ដែលនិយាយថា ពិតជាអយុត្តិធម៌មួយនៅក្នុងការប្រៀបធៀបនេះ ដោយសារតែក្រុមហ៊ុន Huawei បានប្រើប្រាស់ស្មាតហ្វូន Mate 20 Pro កំណត់នូវ Sensitivity ខ្ពស់ ហើយនិង Exposure Time យូរជាងដៃគូរបស់ខ្លួន។ តាមការបញ្ជាក់ទៅនឹងទិន្នន័យ ដែលផ្តល់អោយដោយក្រុមហ៊ុន Huawei បានបង្ហាញថា ស្មាតហ្វូនស៊េរីថ្មី Mate 20 Pro បំពាក់នូវកាមេរ៉ា 3 គ្រាប់ជាមួយនឹងសេនស័រទំហំ 1/1.7 inches ស្របពេលដែលស្មាតហ្វូន iPhone XS Max, Note 9 គឺមានទំហំត្រឹមតែ 1/2.55 inches ប៉ុណ្ណោះ។ ជាមួយគ្នានេះ Huawei បានកំណត់ ISO Sensitivity មានកម្រិតរហូតដល់ទៅ 102,400 ដែៈអាចថតរូបភាពបានភ្លឺច្បាស់នៅពេលយប់ជាមួយនឹងកម្រិតពន្លឺ 0.5 lumen បើប្រៀបរធៀបជាមួយនឹងស្មាតហ្វូនរបស់ក្រុមហ៊ុន Apple និង Samsung គឺប្រើប្រាស់ ISO ត្រឹមតែ 64,600 ប៉ុណ្ណោះ។
ហេតុហើយបានជានៅពេលនេះ ក្រុមហ៊ុន Samsung បានបញ្ចេញនូវឯកសារជាផ្លូវការមួយ ដែលមានដាក់នូវចំណងជើងធំៗឈ្មោះថា “Official Xuan : Really Shooting the Beauty of the Night” ជាមួយនិងការបង្ហាញអំពីការថតរូបភាពនៅក្នុងពេលរាត្រីជាមួយនឹងស្មាតហ្វូន Galaxy Note 9 យ៉ាងស្រស់ស្អាតបំផុ។ ក្រុមហ៊ុន Samsung បានគេនិយាយថា នេះគឺជាពន្លឺដ៏ស្រស់ស្អាតនៃពន្លឺខ្មៅងងឹត។
ការដែល Samsung ចេញនូវឯកសារនេះ ត្រូវបានគេដឹងថា នេះគឺជាការឆ្លើយតបដោយផ្ទាល់ទៅនឹងសន្និសីទរបស់ក្រុមហ៊ុន Huawei កាលពីថ្ងៃមុន។ ចំពោះការឆ្លើយតបមួយនេះ ត្រូវបានក្រុមហ៊ុន Samsung និយាយទៀតថា ទេសភាពនៃការថតនៅពេលយប់ គឺកាន់តែច្បាស់មើលទៅជាលក្ខណៈពិតៗ ហើយបានបញ្ជាក់ចុងក្រោយថា ការថតរបស់ Huawei មើលទៅដូចជាក្លែងក្លាយ៕
