នៅមិនដល់មួយសប្តាហ៍ទៀតទេ ស្មាតហ្វូន Mi Mi 3 របស់ Xiaomi នឹងបង្ហាញវត្តមានហើយ។ ពេលនេះ មានរូបថតមួយ បានលេចធ្លាយនៅក្នុងសារពត៌មាន ដែលបានបង្ហាញពីគំនិតដ៏ល្អនៃអ្វីដែលថ្មី ហើយយើងបាននឹងឃើញនៅក្នុងព្រឹត្តិការណ៍នៅពេលខាងមុខ។ រូបភាពផ្ទាល់មួយនៅខាងក្រោមនេះ គឺបានបង្ហាញពីការបំពាក់កាមេរ៉ាមុខពីរ ដែលមាននៅលើស្លាយ និងការរចនាអេក្រង់ពេញហ្គេម ដែលធ្លាប់បានយើងដឹងរួចមកហើយ។ សារពត៌មានខាងលើ ក៏បង្ហាញផងដែរ នូវព័ត៌មានលំអិតបន្ថែមទៀត ដូចជាកាមេរ៉ាមានទំហំ 24MP និងឧបករណ៏បន្ថែម Sensor ដែលត្រូវការសម្រាប់ការសម្គាល់ផ្ទៃមុខកម្រិតខ្ពស់ Advanced facial recognition ផងដែរ។
យោងតាមការលេចធ្លាយនៅលើបណ្តាញ Weibo មួយផ្សេងទៀត ក៏បានបញ្ជាក់ឲ្យដឹងដែរថា Mi Mix 3 នឹងមិនត្រូវបានភ្ជាប់មកជាមួយ កម្មវិធីស្កេនក្រយ៉ៅដៃ នៅក្រោមអេក្រង់ in-display fingerprint នោះទេ ប៉ុន្តែវាត្រូវបានយកមកដាក់នៅផ្នែកខាងក្រោយជំនួសវិញ។ ហើយការរចនា បំពាក់ដោយកញ្ចក់ នៅផ្នែកខាង ក្រោយ ក៏ត្រូវបានរចនាឡើងយ៉ាងប្រណីតផងដែរ ដូច្នេះ ការសាកថ្មឥតខ្សែ wireless charging គួរតែត្រូវ បានបំពាក់មកជាមួយផងដែរ។
ការណែនាំទាំងនេះ នឹងបង្ហាញនៅឯព្រឹត្តិការណ៍ពិសេសនាពេលខាងមុខហើយ ដោយគេដឹងថា នឹងមានផ្តោតលើសិល្បៈជាច្រើន។ នៅក្នុងអត្ថបទចិននានា ក៏បានសរសេរផងដែរថា ក្រុមហ៊ុន Xiaomi បានធ្វើការយ៉ាងជិតស្និទ្ធ ជាមួយសារមន្ទីរអង់គ្លេស ដើម្បីរចនាទូរស័ព្ទ ជាមួយពណ៌សសេរ៉ាមិច ដែលកាន់តែមានភាពទាក់ទាញថែមទៀតផង៕
