នៅពេលនេះ ក្រុមហ៊ុន Samsung មិនមែនជាក្រុមហ៊ុនតែមួយគត់ ដែលមានគម្រោងចេញលក់ស្មាតហ្វូនមានអេក្រង់ដែលមានគែមពេញ ជាមួយកាមេរ៉ាខាងមុខនៅខាងក្រោយអេក្រង់ Under-Display Front-Facing Camera នោះទេ ដោយសារតែនៅពេលថ្មីៗនេះ ក្រុមហ៊ុន LG Electronics បានបង្ហាញប៉ាតង់ថ្មីរបស់ខ្លួនដែលបាននឹងកំពុងតែធ្វើការលើគំនិតនេះផងដែរ។ ដូច្នេះហើយ ការរចនាថ្មី នឹងមានការលុបបំបាត់តម្រូវការនៃ Notch ឬ Bezels ទាំងអស់គ្នា។
ប្រភពព័ត៌មានខាងលើនេះ បានបញ្ជាក់ថា ប៉ាតង់នេះ ត្រូវបានគេដាក់នៅក្នុងប្រទេសកូរ៉េខាងត្បូង និងមានគំនិតប្លង់ខុសៗគ្នាពីរ គឺមួយជាមួយនឹងគែម កោង និងមួយទៀតត្រង់។ ប៉ុន្តែគំនិត គឺសុទ្ធតែដូចគ្នាទាំងអស់ ទាំងទម្រង់រូបរាងពងក្រពើមួយ ឬនិងមានកាមេរ៉ាយ៉ាងហោចណាស់ចំនួនពីរគ្រាប់ រួមជាមួយឧបករណ៍ចាប់សញ្ញាធម្មតា ដូចជាភាពជិត Proximity ហើយនិងបរិយាកាស Ambient ដែលអាចស្ថិតនៅជ្រុងកណ្តាល ឬខាងឆ្វេង ឬខាងលើ នៃផ្នែកខាងមុខ។ អ្វីដែលគួរអោយចាប់អារម្មណ៍នោះ គឺក្រុមហ៊ុន LG នៅមិនទាន់មានការបញ្ជាក់ពីប្រភពច្បាស់ការណាមួយពីប៉ាតង់នេះនៅឡើយទេ៕
