នៅថ្ងៃនេះ ក្រុមហ៊ុន Samsung របស់ប្រទេសកូរ៉េខាងត្បូង បានចាប់ផ្តើមបញ្ចេញនូវពណ៌ថ្មីមួយទៀតសម្រាប់ស្មាតហ្វូន Samsung Galaxy S9 និង Galaxy S9+ របស់ខ្លួន។ ពណ៌ថ្មីនេះ គឺមានឈ្មោះហៅថា Gradient Ice Blue ដែលនឹងមានដាក់លក់ហើយ។ ស្មាតហ្វូន Galaxy S9 ពណ៌ថ្មីនេះ មានតម្លៃ 5499 yuan ($790) ស្របពេលដែលស្មាតហ្វូន Galaxy S9+ លក់នៅក្នុងតម្លៃ 6499 yuan ($934)។ ស្មាតហ្វូន Galaxy S9 series ice blue version ថ្មីនេះ គឺមានការប្រើប្រាស់នូវពណ៌ Gradient ដ៏ស្រស់ស្អាតបំផុត ហើយលក្ខណៈសម្បត្តិរបស់ស្មាតហ្វូននេះគឺដូចគ្នាទៅនឹង Versions ផ្សេងទៀតផងដែរ។
ស្មាតហ្វូន Samsung Galaxy S9 នេះ មានអេក្រង់ទំហំ 5.8-inch 2960×1440px ហើយវាប្រើប្រាស់នូវបន្ទះឈីប Qualcomm Snapdragon 845 ជាមួយរ៉េមទំហំ 4GB និងម៉េមូរីក្នុងម៉ាស៊ីនទំហំ 128GB។ ស្មាតហ្វូននេះ ប្រើប្រាស់នូវកាមេរ៉ាភ្លោះទំហំ 8MP+12MP ហើយវាមានថាមពលថ្មទំហំ 3000 mAh។ ស្មាតហ្វូន Samsung Galaxy S9+ ប្រើប្រាស់នូវអេក្រង់ទំហំ 6.2-inch 2960×1440px ជាមួយនឹងបន្ទះឈីប Qualcomm Snapdragon 845 ជាមួយរ៉េមទំហំ 6GB និងម៉េមូរីក្នុងម៉ាស៊ីនទំហំ 128GB។ស្មាតហ្វូននេះប្រើប្រាស់នូវកាមេរ៉ាភ្លោះខាងក្រោយទំហំ 8MP+12MP ហើយវាមានថាមពលថ្មទំហំ 3500mAh។
បន្ថែមពីនេះទៀតនោះ ស្មាតហ្វូនស៊េរីថ្មី Samsung Galaxy S9 series នេះ ភ្ជាប់ជាមួយនឹង Aperture F1.5 និង F2.4 intelligent variableដែលអាចធ្វើការផ្លាស់ប្តូរទៅលើកម្រិតពន្លឺដូចគ្នាទៅនឹងភ្នែករបស់មនុស្សបាន។ សម្រាប់ Aperture របស់កាមេរ៉ានេះ គឺអាចធ្វើការផ្លាស់ប្តូរអាស្រ័យទៅលើលក្ខខណ្ឌពន្លឺ ដែលបង្ហាញនូវរូបភាពច្បាស់ និងស្រស់ស្អាតបំផុត។ អ្នកប្រើប្រាស់ក៏អាចធ្វើការថតរូបភាពដល់ទៅ 20 ដងនៅក្នុងមួយ Frame Rate នៅក្នុងល្បឿន 960 frames/sec ៕