នៅក្នុងពេលថ្មីៗនេះ ស្របពេលដែលស្មាតហ្វូនជាច្រើនចាប់ផ្តើមមានការរចនារូបរាងកាន់តែប្លែកស្រស់ស្អាតទាក់ទាញខ្លាំងនោះការប្រើប្រាស់នូវពណ៌ក៏ជាផ្នែកមួយសំខាន់ផងដែរ។ ស្មាតហ្វូនជំនាន់មុននេះ គឺមានពណ៌ភ្លឺរលោង និងចម្រុះគ្នាច្រើនពណ៌ ប៉ុន្តែស្មាតហ្វូនទាំងនេះ មានអេក្រង់ Touch Screens ដែលមានតម្លៃថ្លៃ ដូចនេះ ស្មាតហ្វូនជាច្រើន គឺភាគច្រើន គឺមានពណ៌ខ្មៅ ពណ៌ស ឬ ពណ៌ទឹកប្រាក់។ កាលពីឆ្នាំមុននេះ ក្រុមហ៊ុនផលិតស្មាតហ្វូនជាច្រើន បានសម្រេចិត្តក្នុងការនាំយកនូវភាពអស្ចារ្យនៃការរចនាកាន់តែស្រស់ស្អាតសម្រាប់ផលិតផលជាច្រើនរបស់ខ្លួន ជាមួយនឹងការប្រើប្រាស់ពណ៌ Gradient ដែលប្រើប្រាស់ដំបូងបំផុត នៅលើស្មាតហ្វូន P20 Pro របស់ក្រុមហ៊ុន Huawei ហើយក្រុមហ៊ុននេះក៏បន្តនូវការរចនាផងដែរ។
មានពាក្យចចាមអារ៉ាមជាច្រើន ដែលបញ្ជាក់ថា ក្រុមហ៊ុន Samsung មានគម្រោងក្នុងការបង្ហាញនូវពណ៌ Gradients សម្រាប់ស្មាតហ្វូនត្រកូល Galaxy S10 របស់ខ្លួននៅឆ្នាំក្រោយនេះ។ យ៉ាងណាមិញ យើងនៅមិនទាន់ដឹងនៅឡើយទេអំពីស្មាតហ្វូន Galaxy S10 'Lite' ដែលមានតម្លៃថោកជាងស្មាតហ្វូន Galaxy S10 និង Galaxy S10+។ យើងមិនមានការភ្ញាក់ផ្អើលនោះទេ ស្របពេលដែល Apple ក៏បញ្ចេញនូវស្មាតហ្វូន iPhone XR ផងដែរ ហើយក្រុមហ៊ុន Samsung ក៏ត្រៀមបញ្ចេញស្មាតហ្វូន ដែលមានតម្លៃថោកជាមួយនឹងពណ៌ស្រស់ស្អាតផងដែរ។
.png)
ថ្មីៗនេះ យើងបញ្ចេញនូវរូបភាព Renders របស់ស្មាតហ្វូនត្រកូល Samsung Galaxy S10 ដែលនឹងប្រើប្រាស់នូវពណ៌ Gradient យ៉ាងស្រស់ស្អាត។ ពេលនេះ យើងទទួលបាននូវស្មាតហ្វូនត្រកូល Galaxy នេះ ដែលមានពណ៌ Gradient យ៉ាងស្រស់ស្អាត។ យ៉ាងណាមិញ នេះ មិនមែនជាស្មាតហ្វូន Galaxy S10 នោះទេ ប៉ុន្តែនេះ ប្រហែលជាស្មាតហ្វូន Galaxy S9 ដែលបង្ហាញខ្លួនជាមួយនឹងពណ៌ថ្មីនៅក្នុងប្រទេសចិននោះ គឺពណ៌ "Ice Blue"។ តាមប្រភពទម្លាយចេញពី @UniverseIce ដែលធ្វើការទម្លាយនូវរូបភាពជាច្រើនកាលពីពេលមុននេះ របស់ស្មាតហ្វូននេះ សម្រាបន់ Ice Blue version របស់ស្មាតហ្វូន Galaxy S9 គឺមានប្រើប្រាស់នូវពណ៌ខៀវជាមួយនឹងពណ៌ស Gradient ហើយវាពិតជាស្រស់ស្អាតមែនទែន។ តើពណ៌នេះនឹងប្រើប្រាស់នៅលើស្មាតហ្វូន Galaxy S10 ទេ?
