Samsung Electronics ដែលជាក្រុមហ៊ុនបច្ចេកវិទ្យាឈានមុខគេនៅលើពិភពលោកនៅក្នុងបច្ចេកវិទ្យា semiconductor technology កម្រិតខ្ពស់នោះនៅថ្ងៃនេះ បានប្រកាសចេញនូវបន្ទះឈីបកម្រិតខ្ពស់ចុងក្រោយបំផុតរបស់ខ្លួន premium application processor (AP) គឺ Exynos 9 Series 9820 ដែលបំពាក់នូវបច្ចេកវិទ្យាឆ្លាតវៃ Artificial Intelligence (AI) applications ។ បន្ទះឈីប Exynos 9820 ភ្ជាប់ជាមួយនឹងអង្គគណនាជំនាន់ទី 4 និងការពង្រឹងទៅលើបច្ចេកវិទ្យាឆ្លាតវៃ neural processing unit (NPU) ដែលនឹងនាំយកនូវបទពិសោធន៍នៃការប្រើប្រាស់ដ៏ឆ្លាតវៃបំផុតសម្រាប់ស្មាតហ្វូនជាច្រើនរបស់ខ្លួន។
លោក Ben Hur អនុប្រធានផ្នែកទីផ្សារនៃ System LSI នៅក្នុងក្រុមហ៊ុនបច្ចេកវិទ្យា Samsung Electronics និយាយថា “ជាមួយនឹងសេវាកម្មជាច្រើនដែលពាក់ព័ន្ធទៅនឹងបច្ចេកវិទ្យា AI នេះអាចធ្វើការពង្រីកនូវសមត្ថភាពនៃការប្រើប្រាស់នៅលើស្មាតហ្វូនជាច្រើន បន្ទះឈីប Processors ជាច្រើនរបស់ពួកគេអាចធ្វើការគណនាកម្រិតខ្ពស់ជាងមុន និងប្រកបដោយប្រសិទ្ធិភាពខ្ពស់បំផុតថែមទៀត។ បន្ទះឈីប Exynos 9 Series 9820 ដែលប្រើប្រាស់នូវបច្ចេកវិទ្យា AI នេះនឹងផ្តល់នូវកម្លាំងប្រតិបត្តិការសមត្ថភាពថ្មីតាមរយៈការដាក់បញ្ចូលនូវបច្ចេកវិទ្យា NPU អង្គគណនា CPU Core ជំនាន់ទី 4 ម៉ូដឹម 2.0Gbps LTE modem និងការពង្រឹងទៅលើសមត្ថភាពនៃការដំណើរការ Multimedia ផងដែរ។”
បន្ទះឈីប Exynos 9820 គឺបំពាក់នូវបច្ចេកវិទ្យា AI ដ៏ឆ្លាតវៃ ឬ NPU ដែលអាចធ្វើការងារ AI Tasks បានលឿនជាងមុនដល់ទៅ 7 ដងបើធៀបជាមួយនឹងបន្ទះឈីបជំនាន់មុននេះ។ ជាមួយនឹងបច្ចេកវិទ្យា NPU នេះ ការដំណើរការនៃបច្ចេកវិទ្យា AI អាចធ្វើការដោយផ្ទាល់នៅលើស្មាតហ្វូននេះជាជាងការបញ្ជូនទៅកាន់ Server ជាមួយនឹងការផ្តល់នូវការប្រតិបត្តិលឿនជាងមុនប្រកបដោយសុវត្ថិភាពទៅលើទិន្នន័យរបស់អ្នកប្រើប្រាស់ថែមទៀតផង។ បច្ចេកវីទ្យា NPU នេះនឹងផ្តល់នូវបទពិសោធន៍ថ្មីៗជាច្រើនក្នុងការប្រើប្រាស់ដូចជាការចូលទៅកែប្រែទៅលើ Settings នៃប្រព័ន្ធកាមេរ៉ាផ្អែកទៅលើអ្វីដែលនៅជុំវិញ ឬការសម្គាល់ទៅលើ Objects ជាច្រើនបានក្នុងការផ្តល់នូវព័ត៌មាននៅក្នុង augmented ឬ virtual reality (AR ឬ VR) settings នោះ។
ជាមួយនឹងការពង្រឹងទៅលើការរចនាស្ថាបត្យកម្មនេះ បន្ទះឈីប Exynos 9820 ជំនាន់ទី 4 នេះ មានការពង្រឹងទៅលើការដំណើរការនូវ single core ច្រើនជាងមុនដល់ទៅ 20% ស្របពេលដែលប្រសិទ្ធិភាពនៃការប្រើប្រាស់នូវថាមពលថ្មគឺល្អប្រសើរជាងមុនដល់ទៅ 40% ហើយការដំណើរការនូវ Apps ឬទិន្នន័យជាច្រើននោះគឺលឿនជាងមុនថែមទៀត។ បន្ថែមពីនេះទៀត សម្រាប់ការដំណើរការនូវ multi-core គឺមានការកើនឡើងដល់ទៅ 15%។ សម្រាប់បន្ទះឈីបថ្មីនេះ ប្រើប្រាស់នូវក្រាហ្វិកកាត Mali-G76 GPU cores ចុងក្រោយបំផុតដែលមានកម្លាំងខ្លាំងជាងមុនដល់ទៅ 40% ឬការសន្សំថាមពលបានដល់ទៅ 35% ហើយវាធ្វើអោយការលេងហ្គេម ឬកម្មវិធី AR Apps បានកាន់តែយូរជាងមុនថែមទៀត។
សម្រាប់ម៉ូដឹម LTE-Advanced Pro modem នៅក្នុងបន្ទះឈីប Exynos 9820 អាចបង្កើននូវល្បឿននៃការដោនឡូតដល់ទៅ 2.0Gbps downlink ជាមួយនឹង 8x carrier aggregation (CA) និង 316 megabits-per-second (Mbps) uplink ។ ចំណែកល្បឿន 2.0Gbps downlink speed ការទាញយកនូវវីដេអូកម្រិតខ្ពស់ FHD high-definition movie (3.7GB) ចំណាយពេលវេលាត្រឹមតែ 15 វិនាទី ហើយការលេងហ្គេមជាក្រុម multiplayer online games (MMOG) គឺលឿនបំផុត។ បន្ទះឈីបនេះគឺមានការពង្រឹងទៅលើ 4×4 MIMO (Multiple-Input, Multiple-Output), 256-QAM (Quadrature Amplitude Modulation) scheme, និងបច្ចេកវិទ្យា Licensed-Assisted Access (eLAA) technology ជាមួយនឹងល្បឿនកម្រិតខ្ពស់ថែមទៀត។
សម្រាប់បទពិសោធន៍នៃការប្រើប្រាស់ដ៏អស្ចារ្យនៃ Multimedia ការទ្រទ្រង់នូវ multi-format codec (MFC) របស់បន្ទះឈីប Exynos 9820នេះទ្រទ្រង់នូវ Encoding និងDecoding នៃវីដេអូកម្រិត 4K UHD នៅក្នុងល្បឿន 150 frames per second (fps) ។ MFC អាចធ្វើការ Renders នៅក្នុងល្បឿន 10-bit ជាមួយនឹងពណ៌យ៉ាងស្រស់ស្អាតបំផុត។ បន្ទះឈីប Exynos 9 Series 9820 ត្រូវគេរំពឹងថា នឹងធ្វើការផលិតទ្រង់ទ្រាយធំនៅចុងឆ្នាំនេះ។ សម្រាប់ព័ត៌មានបន្ថែមរបស់បន្ទះឈីប Samsung’s Exynos នេះ សូមចូលទៅកាន់ http://www.samsung.com/exynos ៕