យើងដឹងហើយថាក្រុមហ៊ុន Samsung គឺជាក្រុមហ៊ុនដែលផ្គត់ផ្គង់បន្ទះអេក្រង់ AMOLED panels អោយក្រុមហ៊ុន Apple ក្នុងការបំពាក់នៅលើ iPhone X ដែលចេញកាលពីឆ្នាំទៅ ហើយក្នុងឆ្នាំនេះ iPhone XS និង XS Max ក៏បន្តបំពាក់អេក្រង់ OLED នេះដែរ។ ទោះជាយ៉ាងណាបន្ទះអេក្រង់ទាំងអេក្រង់គុណភាពខ្ពស់នេះត្រូវការចំនាយច្រើនលើចង្វាក់ផលិត ដូច្នេះ Samsung ត្រូវធ្វើយ៉ាងណាដើម្បីកាត់តម្លៃក្នុងការផលិត និងផ្តល់នូវជម្រើសតម្លៃដ៏សមរម្យមួយដែលអាចទទួលយកបានសម្រាប់ដៃគូរបស់ខ្លួន។
ប៉ុន្តែការកំនត់តម្លៃអោយមកនូវកម្រិតសមរម្យមិនមានន័យថា Samsung ផ្តល់នូវអេក្រង់គ្មានគុណភាពសម្រាប់ដៃគូនោះទេ ហើយដូចដែលយើងបានដឹងហើយថា Samsung បានបញ្ចូលនូវបន្ទះអេក្រង់ Y-Octa panel ដែលបានប្រើនូវលើកំពូលស្មាតហ្វូន Galaxy Note 9, S9 និង S9+ ដែលបន្ទះអេក្រង់នេះវាបានប្រើនូវបច្ចេកវិទ្យា in-cell touch technology ដែលធ្វើការប៉ះបញ្ជានូវលើអេក្រង់មានភាពរលូនបំផុត រីឯគុណភាពបង្ហាញចេញកម្រិតពណ៌ និងពន្លឺច្បាស់ដិតបំផុត ហើយក៏កាត់បន្ថយការចាំងពន្លឺថ្ងៃបានប្រសើរថែមទៀតផង។ ដូចនេះ iPhone XS Max ដែលចេញឆ្នាំក្រោយហើយបំពាក់អេក្រ់ងប្រភេទនេះនឹងមានតម្លៃធូរថ្លៃជាងមុន។
បើយោងតាមប្រភពពីឧស្សាហកម្មផលិតបានអោយដឹងថាបន្ទះអេក្រង់ Y-Octa panels ត្រូវបាន Samsung ផ្គត់ផ្គង់ទៅអោយ Apple ដើម្បីបំពាក់នូវលើ iPhone 2018 ប៉ុន្តែទាស់ត្រង់ថា Apple មិនសប្បាយចិត្តក្នុងការប្រើប្រាស់អេក្រង់នេះនៅឡើងទេ។ ចឹងហើយបានជាបន្ទះអេក្រង់ Y-Octa panels នឹងត្រូវប្រើសម្រាប់តែ iPhone XS Max 2019 ប៉ុណ្ណោះ៕