អ្នកជំនាញនិយាយថា Galaxy A7 និង Galaxy A9 (2018) មានសមត្ថភាពខ្ពស់បំផុតនៅក្នុងការផលិតរូបភាពសំរាប់បង្ហោះចូល Social Media

ប្រិយមិត្តធ្លាប់បានដឹងរួចមកហើយថា Samsung រាល់ពេលចេញទូរស័ព្ទថ្មីនិមួយៗ តែងបង្កភាពភ្ញាក់ផ្អើលជុំវិញពិភពលោក មិនថា ម៉ូដែលត្រកូលណានោះទេ។ ជាក់ស្ដែងថ្មីៗនេះ ប្រហែលជាមានប្រិយមិត្តមួយចំនួន ប្រាកដជាបានប្រើប្រាស់ស្មាតហ្វូនជំនាន់ថ្មី Samsung Galaxy ត្រកូល A ហើយ! ភាពអស្ចារ្យនឹងកើតឡើងភ្លាមៗ បើសិនជាអ្នកមាន Galaxy A7 និង A9 នៅក្នុងដៃជាប្រចាំនោះ។ យោងតាមប្រភពមួយដែលចេញមកពីអ្នកជំនាញក្រុមហ៊ុន Samsung បានឲ្យដឹងថា Galaxy A7 និង A9 ដែលក្រុមហ៊ុនទើបតែប្រកាសចេញនេះ គឺផ្ដោតសំខាន់ទៅលើការរីកចម្រើននៃបណ្ដាញសង្គម ដែលយុវវ័យចូលចិត្តបង្កើត Content ប្លែកៗ ស្អាតៗ ដើម្បីបង្ហោះចូល Social Media។ ចំណុចនេះហើយបានជាក្រុមហ៊ុនបំពាក់នូវកាមេរ៉ា Galaxy A7 ចំនួន 3 គ្រាប់ និង A9 បំពាក់កាមេរ៉ាចំនួន 4 គ្រាប់។ 

ជាមួយនឹងការប្រើប្រាស់កាមេរ៉ានេះ  ប្រិយមិត្តនឹងអស់បារម្ភ នឹងរឿងថតរូបមិនបានស្អាតទៀតហេីយ ព្រោះថា លើកនេះ ក្រុមហ៊ុន Samsung បានប្រកាសលេងខ្លាំងមែនទែនស្ទើរតែមិនជឿថា សមត្ថភាព និងគុណភាពនៃរូបថត ស្ទើរតែប្រៀបបាននឹងកាមេរ៉ាអាជីព។  អ្នកប្រើប្រាស់អាចថតរូបទេសភាពបានយ៉ាងល្អឥតខ្ចោះ ស្ទើរតែ 77 ដឺក្រេនៃភ្នែកដែលអ្នកបានឃើញ និយាយរួមទេសភាពល្វឹងល្វើយ អ្នកអាចថតបានយ៉ាងងាយ  ព្រោះថា Lens របស់ទូរសព្ទទាំងពីរនេះ អាចចាប់រូបភាពទូលាយបាន ខុសពីទូរសព្ទដទៃ។ រឹតតែពិសេសនោះ គឺអាចលេងរូបថត Bokeh បានដូចកាមេរ៉ាអាជីពអីចឹង។  

បន្ថែមពីនេះ អ្នកដែលចូលចិត្តថតវីដេអូ Live video ឬក៏ថត Vlog ផ្សេងៗ ពិតជាត្រូវចិត្តតែម្ដង ព្រោះថា វាមានមុខងារមួយមានឈ្មោះថា Live Focus មិនបាច់បារម្ភពីរឿងថតវីដេអូ lose focus ទៀតហើយ។ បើនិយាយពីល្បឿនវិញ Galaxy ត្រកូល A ទាំងពីរនេះ មិនចាញ់ម៉ាកដទៃនោះទេ គឺធានាថាកប់ស៊េរីតែម្ដង ទាំង PUBG ទាំង Rule of survivor គឺលេងដោយគ្មានភាពរអាក់រអួលឡើយ។  ងាកមកនិយាយពីការចនាវិញ Galaxy A7 និង A9 មានរាងសមញ្ញតែស្អាត គែមសងខាងចាំងពន្លឺចែងចាំងបានល្អ អមជាមួយព័ណប្រដេញគ្នា gradian សាកសមបំផុតសម្រាប់អ្នកស៊ីវីល័យ ប្រើបានទាំងបុរសនិងនារី។