ក្រុមហ៊ុន OnePlus កំពុងតែធ្វើការផលិតនូវស្មាតហ្វូនស៊េរីថ្មីមួយដែលប្រើប្រាស់នូវប្រព័ន្ធ 5G ហើយវាមានតម្លៃថោកថែមទៀតផង។ នៅក្នុងការធ្វើបទសម្ភាសន៍ជាមួយនឹង Engadget នោះ នាយកប្រតិបត្តិរបស់ក្រុមហ៊ុន Pete Lau របស់ក្រុមហ៊ុន OnePlus បាននិយាយថា លោកនឹងធ្វើការផលិតនូវស្មាតហ្វូនស៊េរីថ្មី 5G របស់ខ្លួនសម្រាប់អតិថិជនរបស់ខ្លួនដែលមានតម្លៃថោកជាង $1000។ ប្រសិនបើនេះ គឺជាការពិតមែននោះ នេះមានន័យថា ក្រុមហ៊ុន OnePlus នឹងបញ្ចេញនូវស្មាតហ្វូនស៊េរីថ្មីរបស់ខ្លួនដែលមានល្បឿនលឿនក្នុងការបញ្ចូនទិន្នន័យកម្រិត ultra-fast data speeds ថែមទៀត។
នេះគឹជារឿងដ៏ធំមួយសម្រាប់ក្រុមហ៊ុនបច្ចេកវិទ្យានេះ ប៉ុន្តែសម្រាប់ការពិតនោះគឺវាពិតជាធ្វើឱ្យអ្នកប្រើប្រាស់មានការចំណេញប្រាក់ច្រើនសម្រាប់ស្មាតហ្វូន5G នេះ។ ស្របពេលដែលក្រុមហ៊ុនបច្ចេកវិទ្យានេះ មិនទាន់និយាយអ្វីអំពីតម្លៃជាក់ស្តែងរបស់ស្មាតហ្វូននេះនៅឡើយទេនោះ លោក Lau លើកឡើងថា គាត់ចង់ធ្វើការផលិតស្មាតហ្វូនថា្នក់ប្រណិតដែលមានតម្លៃថោក នោះវាមានន័យថា ស្មាតហ្វូននេះអាចនឹងមានតម្លៃចន្លោះពី $750 និង $850។ អ្វីដែលកាន់តែច្បាស់ជាងនេះទៀតនោះ សម្រាប់ពេលនេះ លោក Lau បាននិយាយថា ក្រុមហ៊ុន នេះ ក៏ចាប់ផ្តើមបញ្ចេញនូវស្មាតហ្វូន 5G ដែលមានតម្លៃថោកជាងស្មាតហ្វូន 5G ប្រណិតរបស់ក្រុមហ៊ុនផលិតស្មាតហ្វូនផ្សេងទៀត។ ក្រុមហ៊ុន Samsung នឹងធ្វើការផលិតនូវស្មាតហ្វូន 5G ដំបូងបំផុតរបស់ខ្លួនសម្រាប់ក្រុមហ៊ុន Verizon និង AT&T ប៉ុន្តែក្រុមហ៊ុននេះ នៅមិនទាន់ទម្លាយអំពីតម្លៃរបស់វានៅឡើយទេ។
អ្វីដែលគួរអោយចាប់អារម្មណ៍ទៀតនោះ ក្រុមហ៊ុន OnePlus ក៏ចាប់ផ្តើមបោះជំហានយ៉ាងខ្លាំងនៅក្នុងរយៈពេលប៉ុន្មានខែនេះ។ ជាមួយនឹងការប្រកាសបង្ហាញនូវវត្តមានរបស់ស្មាតហ្វូនស៊េរីថ្មី OnePlus 6T, ក្រុមហ៊ុននេះ ក៏ធ្វើការសហការជាមួយនឹងក្រុមហ៊ុនចែកចាយ T-Mobile របស់សហរដ្ឋអាមេរិក ហើយក្រុមហ៊ុននេះ ក៏ទទួលបាននូវវិញ្ញាបនប័ត្រពី Verizon ផងដែរ។ ស្មាតហ្វូននេះអាចនឹងក្លាយជាស្មាតហ្វូនដំបូងបំផុត ដែលនឹងប្រើប្រាស់នូវបន្ទះឈីប Snapdragon 855 ហើយក្រុមហ៊ុននេះក៏ធ្វើការសហការជាមួយនឹងក្រុមហ៊ុនចែកចាយ EE របស់ចក្រភពអង់គ្លេស នៅក្នុងការប្រកាសដាក់លក់ស្មាតហ្វន 5G ដំបូងបំផុតនៅក្នុងតំបន់អ៊ឺរ៉ុបនៅឆ្នាំក្រោយនេះផងដែរ។ ក្រុមហ៊ុន OnePlus ចង់មានន័យថា សម្រាប់ស្មាតហ្វូននៅក្នុងឆ្នាំ 2019 នេះនឹងក្លាយជាស្មាតហ្វូនដំបូងបំផុត ដែលនឹងប្រើប្រាស់នូវបន្ទះឈីប Snapdragon 855 chipset នៅលើពិភពលោក៕
