no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Apple គ្រោងនឹងបន្ថែមនូវអ្នកផ្គត់ផ្គង់ទៅលើសមាសភាគ Module របស់ចិនចំនួន 2 ទៀតសម្រាប់បច្ចេកវិទ្យា Face ID

ក្រុមហ៊ុន Apple ទើបតែធ្វើការបន្ថែមនូវអ្នកផ្គត់ផ្គង់សមាសភាគរបស់ខ្លួនចំនួនពីរទៀតមកពីប្រទេសចិនសម្រាប់ការផ្គត់ផ្គង់ទៅលើ Modules នៃបច្ចេកវិទ្យា Face ID ដែលជាប្រព័ន្ធសម្រាប់ប្រើប្រាស់នូវការស្កេនមុខ 3D Facial Recognition និងការប្រើប្រាស់ជាមួយមុខងារ Signature នៅលើទូរស័ព្ទ iPhone X នេះបើតាមការបញ្ជាក់របស់ប្រភពនៅខាងក្នុងកាលពីថ្ងៃទី 8 ខែកុម្ភៈនេះ។

 

យោងតាមព័ត៌មានបញ្ជាក់ថា ក្រុមហ៊ុន Apple មានគម្រោងក្នុងការបំពាក់នូវបច្ចេកវិទ្យា Face ID ទៅលើទូរស័ព្ទ iPhone ចំនួន 3 ស៊េរីម៉ូដែលនៅឆ្នាំនេះ។ ដូច្នេះ ក្រុមហ៊ុនត្រូវការអ្នកផ្គត់ផ្គង់ដែលមានស្ថេរភាពបន្ទាប់ពីកាលពីឆ្នាំមុននេះ ការដាក់លក់ជាផ្លូវការត្រូវពន្យារពេលសម្រាប់ទូរស័ព្ទ iPhone X នោះ។ ប្រភពជាច្រើនបញ្ជាក់ថា ក្រុមហ៊ុន LG Innotek នឹងនៅតែជាអ្នកផ្គត់ផ្គង់ដ៏សំខាន់ ខណៈពេលដែលអ្នកផ្គត់ផ្គង់ទីពីររបស់ចិន នឹងធ្វើការផលិតសមាសភាគដែលនៅសល់ផងដែរ។ ក្រុមហ៊ុន Sharp ដែលផ្គត់ផ្គង់ទៅលើសមាសភាគសម្រាប់ទូរស័ព្ទ iPhone X ត្រូវបានគេរាយការណ៍ថា បរាជ័យក្នុងការបន្តទៅលើកិច្ចព្រមព្រៀងថ្មីនេះ។ 

 

នេះគឺជារឿងកម្ររណាស់សម្រាប់ក្រុមហ៊ុន Apple ត្រូវការក្រុមហ៊ុនផ្គត់ផ្គង់របស់ចិនសម្រាប់ការផលិតនូវសមាសភាគសំខាន់នេះ។ ប្រភពជាច្រើនបានបញ្ជាក់ថា អត្រាទិន្នន័យរបស់ក្រុមហ៊ុនចិននេះ អាចប៉ះពាល់ទៅលើចំនួននៃការផ្គត់ផ្គង់របស់ក្រុមហ៊ុន LG Innotek នាពេលអនាគតនោះទេ។ ក្រុមហ៊ុន Apple ដាក់លក់ទូរស័ព្ទ iPhones ច្រើនជាង 200 លានគ្រឿងជារៀងរាល់ឆ្នាំ។

 

ទាក់ទងជាមួយនឹងរឿងនេះ ក្រុមហ៊ុន LG Group ត្រូវបានគេមើលឃើញថា ប្រាក់ចំណូលរបស់ក្រុមហ៊ុនខ្លួនមានការកើនឡើងនៅក្នុងត្រីមាស ស្របពេលដែលខ្លួនបានធ្វើការចុះកិច្ចព្រមព្រៀងផ្គត់ផ្គង់ជាមួយនឹងក្រុមហ៊ុន Apple កាលពីថ្មីៗនេះផងដែរ។ កាលពីថ្ងៃទី 8 ខែមករាកន្លងទៅនេះ ក្រុមហ៊ុនបច្ចេកវិទ្យានេះ បានប្រកាសថា ខ្លួនវិនិយោគទឹកប្រាក់ចំនួន 820.9 លានដុល្លារអាមេរិកក្នុងការបង្កើតនូវរោងចក្រជាច្រើន សម្រាប់ការផលិតសមាសភាគនៃកាមេរ៉ា និង Modules ជំនាន់ក្រោយនេះទៀតផង។ បើទោះបីជាក្រុមហ៊ុន មិនមានផ្តល់ជូននូវព័ត៌មានលម្អិតនៃគម្រោងផែនការនេះ អ្នកឃ្លាំមើលឧស្សាហកម្មនេះ បាននិយាយថា ការចំណាយភាគច្រើនគឺទៅលើការបញ្ជាទិញពីក្រុមហ៊ុន Apple ជាពិសេសគឺទៅលើបច្ចេកវិទ្យា FaceID តែម្តង៕

no-alternative title
ព័ត៌មានពាណិជ្ជកម្ម