ស្មាតហ្វូនថ្នាក់ប្រណិតជាច្រើនស៊េរីសព្វថ្ងៃនេះ ភាគច្រើនគឺមានភ្ជាប់ជាមួយនឹងប្រព័ន្ធកាមេរ៉ាភ្លោះ ខ្លះមានរហូដល់ទៅ 3 គ្រាប់ថែមទៀតផង ហើយកាមេរ៉ាទាំងអស់ភាគច្រើនសុទ្ធតែប្រភេទរបស់ Sony image sensors ត្រូវបានធ្វើការផលិតដោយក្រុមហ៊ុន Sony ផងដែរ។ សម្រាប់ស្មាតហ្វូនត្រកូល Xperia របស់ក្រុមហ៊ុន Sony នៅមិនទាន់ប្រើប្រាស់នូវប្រព័ន្ធកាមេរ៉ាភ្លោះនៅឡើយទេ។
នៅក្នុងព្រឹត្តិការណ៍ Mobile World Congress ក្រុមហ៊ុនបច្ចេកវិទ្យារបស់ជប៉ុននេះ ធ្លាប់បានបង្ហាញនូវស្មាតហ្វូនដែលមានបំពាក់នូវប្រព័ន្ធកាមេរ៉ាកម្រិតខ្ពស់ ហើយបច្ចេកវិទ្យានេះ នឹងធ្វើការផលិតឆាប់ៗនេះ សម្រាប់ស្មាតហ្វូន Sony Xperia XZ2 Premium ផងដែរ។ស្មាតហ្វូនថ្នាក់ខ្ពស់របស់ក្រុមហ៊ុន Sony នេះ ប្រើប្រាស់នូវកាមេរ៉ាភ្លោះ 1/2.3" sensors ដែលមាន 3-layer នៅលើសេនស័រ 19MP RGB និងមួយទៀតទំហំ 12MP monochrome។
សម្រាប់ទិន្នន័យរូបភាពចេញពីបន្ទះឈីបនេះ ត្រូវរួបានច្របាច់មបញ្ចូលគ្នាតាមរយៈការប្រើប្រាស់នូវ AUBE Fusion image signal processor ដើម្បីផ្តល់នូវរូបភាពកាន់តែស្រស់ស្អាត។ ក្រុមហ៊ុនបច្ចេកវិទ្យា Sony បានអះអាងថា កាមេរ៉ានេះ អាចធ្វើការថតរូបភាពបានយ៉ាងច្បាស់ល្អនៅកន្លែងដែលមានពន្លឺតិចជាមួយនឹងការប្រើប្រាស់ ISO ដល់ទៅ 51200 ឯណោះ។
ដូចគ្នាទៅនឹងស្មាតហ្វូនថ្នាក់ខ្ពស់ជាច្រើនស៊េរីរបស់ក្រុមមហ៊ុន Huawei ក្រុមហ៊ុនបច្ចេកវិទ្យា Sony ក៏ផ្តល់នូវការប្រើប្រាស់ black-and-white mode និងផ្ទាំងខាងក្រោយ background-blurring bokeh-effect ផងដែរ។ សម្រាប់ការប្រើប្រាស់នូវ 7-element G lenses នៅលើសេនស័រ F1.8 និង F1.6 apertures ។ ស្មាតហ្វូន Xperia XZ2 ក៏អាចធ្វើការថតវីដេអូកម្រិត HDR នៅក្នុងកម្រិត4K ហើយវាក៏ប្រើប្រាស់នូវមុខងារ Motion Eye 1080p/960fps slow-motion mode ។
ស្មាតហ្វូននេះ នឹងដំណើរការនូវប្រព័ន្ធប្រតិបត្តិការ Android Oreo OS បន្ទះឈីប Snapdragon 845 SoC និងរ៉េមទំហំ6GB។ ស្មាតហ្វូននេះ នឹងប្រើប្រាស់អេក្រង់កម្រិត 5.8-inch TRILUMINOS display ជាមួយនឹងភាពច្បាស់ 2160x3840 ភិចសែលនៅក្រោមអេក្រង់ 2.5D Gorilla Glass។ ស្មាតហ្វូន Sony Xperia XZ2 Premium នឹងចាប់ផ្តើមបង្ហាញខ្លួននៅរដូវក្តៅនេះ ជាមួយនឹងពណ៌ខ្មៅ Chrome Black និងពណ៌ទឹកប្រាក់ Chrome Silver។ សម្រាប់តម្លៃរបស់ស្មាតហ្វូននេះ នៅមិនទាន់ទម្លាយនៅឡើយទេ៕