កាលពីម្សិលមិញនេះ មានសេចក្តីរាយការណ៍មួយ បាននិយាយថា ក្រុមហ៊ុនបច្ចេកវិទ្យាយក្ស Apple បាននឹងកំពុងតែធ្វើការផលិតទៅលើអេក្រង់របស់ទូរស័ព្ទ 6.5 អ៊ីងiPhone Xs Plus នេះបើតាមការបញ្ជាក់របស់សារព័ត៌មាន Wall Street Journal រាយការណ៍ចេញពីប្រភពខាងក្នុងនៃក្រុមហ៊ុននេះ។ ក្រុមហ៊ុន Apple ត្រូវបានគេរំពឹងថា នឹងបញ្ចេញនូវទូរស័ព្ទ iPhone 2018 ដែលមានតម្លៃថ្លៃបំផុត ហើយវានឹងក្លាយជាឧបករណ៍បច្ចេកវិទ្យាមួយដែលមានចំនែក 20% នៃការផលិតទូរស័ព្ទ iPhones ស៊េរីថ្មីទាំងអស់នៅក្នុងឆ្នាំនេះ។
ក្រុមហ៊ុនបច្ចេកវិទ្យា Apple បានរំពឹងថា ខ្លួនអាចនឹងជ្រើសរើសយកក្រុមហ៊ុនបច្ចេកវិទ្យា LG ក្នុងការផ្គត់ផ្គង់ទៅលើអេក្រង់ OLED Panel ស្របពេលដែលតម្លៃរបស់ស្មាតហ្វូននេះ គឺមានចំនួនតិចតួចពីក្រុមហ៊ុនបច្ចេកវិទ្យា Samsung ។ ប៉ុន្តែ ទោះជាយ៉ាងណាក៏ដោយ ក្រុមហ៊ុនបច្ចេកវិទ្យា LG ក៏បានរាយការណ៍ អំពីបញ្ហានៃការផលិតនេះដែរ ហើយក្រុមហ៊ុន Apple ក៏បានចាប់យកនូវជំហានដ៏កម្ររមួយក្នុងការបញ្ចេញនូវគំរូទី 3 របស់ខ្លួនដែលមានអេក្រង់ទំហំ 6.5 អ៊ីញទៀតផង។
ក្រុមហ៊ុន LG Display នៅមិនទាន់បានបញ្ជាក់អំពីចំនួននៃការផលិតនេះទេ ប៉ុន្តែក្រុមហ៊ុន Samsung នៅតែបន្ត ការផលិតច្រើនទៅលើទូរស័ព្ទអេក្រង់ធំ OLED iPhone តិចតួចនៅឡើយដដែល។ ប្រភពខាងលើនេះ បានបញ្ជក់ថា ទូរស័ព្ទ iPhones ស៊េរីថ្មីនេះ គួរតែបង្កើននូវផលិតកម្មអោយបានច្រើននៅក្នុងខែកក្កដានេះ ដោយសារស្មាតហ្វូនស៊េរីថ្មីនេះ ត្រូវបានគេអះអាងថា អាចនឹងបង្ហាញខ្លួនជាផ្លូវការនៅក្នុងខែកញ្ញា ហើយមាននឹងដាក់លក់នៅក្នុងរយៈពេលប៉ុន្មានសប្តាហ៍បន្ទាប់។
ប្រសិនបើក្រុមហ៊ុន Apple មិនដោះស្រាយទៅលើការផ្គត់ផ្គង់របស់ក្រុមហ៊ុន LG អោយបានលឿនគ្រប់គ្រាន់នោះ ក្រុមហ៊ុន Apple នឹងត្រូវការក្រុមហ៊ុន Samsung សម្រាប់ការផ្គត់ផ្គង់អេក្រង់ OLED Displays ទ្រង់ទ្រាយជាបន្តទៀតដដែលជាមិនខាន។ ក្រុមហ៊ុន Apple ត្រូវគេព្យាករណ៍ថា នឹងធ្វើការផលិតដល់ទៅ 100 លានដងនៅក្នុងការផលិតទូរស័ព្ទ 2018 iPhone។ តែយ៉ាងណាក៏ដោយក៏ក្រុមហ៊ុនអាមេរិកាំងមួយនេះ បានកាត់បន្ថយនូវការបញ្ជាទិញអេក្រង់ iPhone X Display រួចហើយ ដោយសារតែការលក់ទាបជាងការដែលក្រុមហ៊ុនបានរំពឹងទុកនៅក្នុងត្រីមាសនេះ៕
