ស្មាតហ្វូនស៊េរីថ្មី P20 Pro របស់ក្រុមហ៊ុន Huawei គឺមានមោទនភាពក្នុងការឈ្នះពានរង្វាន់ Best Photo Smartphone award ដែលផ្តល់ដោយស្ថាប័ន Technical Image Press Association (TIPA) General Assembly នេះបើតាមការបញ្ជាក់នៅលើបណ្តាញ Twitter របស់ក្រុមហ៊ុនរបស់ចិនមួយនេះ កាលពីថ្ងៃសុក្រ នៅក្នុងទីក្រុងម៉ាឌ្រីដប្រទេសអេស្ប៉ាញ។ ក្រុមហ៊ុនផលិតស្មាតហ្វូនរបស់ចិននេះ បានអះអាងថា ការទទួលបានពានរង្វាន់នេះ គឺជាភស្តុតាង ដែលបង្ហាញអំពីសមត្ថភាពរបស់ស្មាតហ្វូនថ្នាក់ខ្ពស់ស៊េរីថ្មីចុងក្រោយបំផុត ដែលមានកាមេរ៉ាល្អបំផុតនៅលើទីផ្សារ ហើយក៏មានការទទួលស្គាល់ពីក្រុមហ៊ុន DxOMark ដែលចាត់ទុកថា ស្មាតហ្វូន P20 គឺជាស្មាតហ្វូនដែលមានកាមេរ៉ាល្អបំផុត នៅលើពិភពលោកបន្ទាប់ពីស្មាតហ្វូន P20 Pro ដែលមានកាមេរ៉ាចំនួន 3 គ្រាប់នោះ។
ថ្មីៗនេះ ក្រុមហ៊ុន Huawei បាននិយាយថា ការសម្រេចចិត្តក្នុងការប្រើប្រាស់នូវសេនស័រចំនួន 3 នេះ នៅផ្នែកខាងក្រោយរបស់ស្មាតហ្វូន P20 Pro គឺមានន័យថា គឺជាជំហានចុងក្រោយបំផុតនៅក្នុងកិច្ចខិតខំប្រឹងប្រែងរបស់ក្រុមហ៊ុននេះ ជាមួយនឹងការរចនាទៅលើផលិតផល ហើយក្រុមហ៊ុននេះក៏មានគោលដៅក្នុងការយកឈ្នះទៅលើទូរស័ព្ទ iPhone X របស់ក្រុមហ៊ុន Apple ដែលមានការប្រើប្រាស់នូវអេក្រង់ Display Notch ដែលក្រុមហ៊ុន Huawei ធ្លាប់គិតអំពីរឿងនេះជាច្រើនឆ្នាំមកហើយ ប៉ុន្តែក៏មាការព្រួយបារម្ភទៅលើអារម្មណ៍របស់អ្នកប្រើប្រាស់ផងដែរ។ នៅពេលនេះ ក្រុមហ៊ុនឈប់ធ្វើកំហុសកើតឡើងដដែលទៀតហើយក្នុងការធ្វើដំនើរឆ្ពោះទៅមុខនោះ។ សម្រាប់ស្មាតហ្វូន P20 និង P20 Pro ក៏មានពណ៌ថ្មី Twilight ផងដែរ។
ការប្រើប្រាស់នូវកាមេរ៉ាចំនួន 3 គ្រាប់នៅលើស្មាតហ្វូន P20 Pro គឺមានការតម្លើងទៅលើប្រើប្រាស់កាមេរ៉ាទំហំដល់ទៅ 40-megapixel RGB sensor និង 20-megapixel monochrome module រួមជាមួយនឹងកាមេរ៉ាមួយទៀតដែលមានទំហំ 8-megapixel sensor ។ វាអនុញ្ញាតឱ្យប្រើប្រាស់នូវមុខងារ bokeh effect និងការពង្រឹងទៅលើសមត្ថភាពនៃការ Zoom ផងដែរ។ ស្មាតហ្វូននេះ មានភ្ជាប់ជាមួយនឹងមុខងារ Auto mode។ ស្មាតហ្វូន P20 និង P20 Pro អាចរកទិញបាននៅក្នុងទីផ្សារដែលត្រូវបានជ្រើសរើស ហើយក៏នឹងដាក់លក់នៅក្នុងប្រទេសជាច្រើនទៀតនៅក្នុងរយៈពេលប៉ុន្មានសប្តាហ៍ខាងមុខនេះ ផងដែរ ប៉ុន្តែមិនមានបង្ហាញខ្លួននៅក្នុងសហរដ្ឋអាមេរិកនោះទេ។ ដោយសារតែបញ្ហាជាច្រើនរបស់ក្រុមហ៊ុន Huawei ជាមួយរដ្ឋាភិបាលក្រុងវ៉ាស៊ីនតោន ដែលអះអាងថា ក្រុមហ៊ុននេះ គឺជាហានិភ័យសម្រាប់សន្តិសុខជាតិតរបស់សហរដ្ឋអាមេរិនោះ៕
