Siri, Cortana, Alexa និង Google Assistant គឺជាប្រព័ន្ធជំនួយការឆ្លាតវៃ virtual personal assistants ដែលត្រូវបានប្រើប្រាស់សម្រាប់ដោះស្រាយភារកិច្ចនិងការគ្រប់គ្រងទៅលើកិច្ចការងារជាច្រើននៅក្នុងរ៉ូបូតផងដែរ។ការស្វែងយល់អំពីអារម្មណ៍ Emotions គឺជាការឆ្លើយតបផ្នែកឌីជីថលដែលផ្តោតទៅលើស្ថានភាពអារម្មណ៍របស់អ្នកប្រើប្រាស់នោះ។ពេលនេះក្រុមហ៊ុនបច្ចេកវិទ្យាលំដាប់ថ្នាក់ទី 3 ពិភពលោកនេះបញ្ជាក់ថាខ្លួនកំពុងតែធ្វើការនៅលើកម្មវិធី Software ដែលនឹងប្រើប្រាស់នូវបច្ចេកវិទ្យា AI ក្នុងការជួយនូវប្រព័ន្ធជំនួយការឆ្លាតវៃ virtual personal assistant សម្រាប់ធ្វើការទំនាក់ទំនងជាមួយនឹងអ្នកប្រើប្រាស់តាមកម្រិតនៃអារម្មណ៍នោះ។ក្រុមហ៊ុននេះបញ្ចេញនូវ virtual assistant នៅក្នុងប្រទេសចិននៅក្នុងឆ្នាំ 2013 ដែលប្រើប្រាស់ជារៀងរាល់ថ្ងៃដោយមនុស្សចំនួន 110 លាននាក់ហើយវាមានក្តីសង្ឃឹមថានឹងមានការពង្រឹងសមត្ថភាពនាពេលអនាគតជាមួយនឹងកម្មវិធី Software សម្រាប់ប្រើប្រាស់ទៅលើ emotion AI ។
ត្រឡប់ទៅកាន់ដើមឆ្នាំនេះវិញក្រុមហ៊ុនស្រាវជ្រាវ Gartner បញ្ជាក់ថាមុខងារ emotion AI នឹងដាក់អោយប្រើប្រាស់សម្រាប់ធ្វើការវិភាគទៅលើអារម្មណ៍និងការឆ្លើយតបរបស់មនុស្សជាមួយនឹងចម្លើយរបស់ពួកគេនោះ។តាមការបញ្ជាក់របស់លោក Annette Zimmerman អនុប្រធានផ្នែកស្រាវជ្រាវរបស់ក្រុមហ៊ុន Gartner បញ្ជាក់ថា “នៅក្នុងឆ្នាំ 2022 ឧបករណ៍ប្រើប្រាស់របស់អ្នកនឹងដឹងអ្វីកាន់តែច្រើនអំពីអារម្មណ៍របស់អ្នកជាងគ្រួសាររបស់អ្នកថែមទៀត។” ជាមួយនឹងសមត្ថភាពក្នុងការអានទៅលើទឹកមុខការវិភាគទៅលើសំឡេងនិងអាកប្បកិរិយាប្រព័ន្ធជំនួយការឆ្លាតវៃ virtual assistants អាចធ្វើការយល់អំពីការបញ្ជាដែលវាទទួលនិងការឆ្លើយតបជាមួយនឹងចម្លើយនៃអារម្មណ៍របស់អ្នកប្រើប្រាស់នោះ។
តាមការបញ្ជាក់របស់ក្រុមហ៊ុន Gartner ប្រព័ន្ធជំនួយការឆ្លាតវៃ virtual assistants មានភ្ជាប់ជាមួយនឹងសមត្ថភាពក្នុងការអានទៅលើអារម្មណ៍។រថយន្តជាច្រើនក៏ភ្ជាប់ជាមួយនឹងមុខងារ digital helper សម្រាប់ធ្វើការពិនិត្យមើលទៅលើទឹកមុខរបស់អ្នកបើកបរថានឿយហត់ធុញទ្រាន់ខឹងនិងគ្រប់គ្រងទៅលើរថយន្តនេះដោយស្វ័យប្រវត្តិដើម្បីការធ្វើដំណើរប្រកបដោយសុវត្ថិភាពនោះ។នៅក្នុងផ្នែកសុខភាពវិញនោះប្រព័ន្ធជំនួយការឆ្លាតវៃ virtual assistant ភ្ជាប់ជាមួយនឹង emotion AI អាចធ្វើការគ្រប់គ្រងទៅលើផ្នែកខួរក្បាលរបស់មនុស្សម្នាក់នៅក្នុងរយៈពេល 24 ម៉ោងក្នុង 7 ថ្ងៃនិងធ្វើការជូនដំណឹងអំពីការយកចិត្តទុកដាក់ផងដែរប្រសិនបើមានបញ្ហាណាមួយត្រូវបានរកឃើញនោះ។
សម្រាប់បន្ទះឈីបចុងក្រោយបំផុតរបស់ក្រុមហ៊ុន Huawei គឺជា Kirin 970 ដែលភ្ជាប់ជាមួយនឹងសមត្ថភាពនៃ Neural Processing Unit (NPU) ដែលអាចបញ្ជាទៅលើមុខងារ AI នៅលើស្មាតហ្វូនដែលប្រើប្រាស់នូវបន្ទះឈីបនេះ។ថ្មីៗនេះបន្ទះឈីប SoC នេះប្រើប្រាស់នៅលើស្មាតហ្វូន Huawei P20 Pro និង Huawei P20 ៕