នៅក្នុងការសិក្សាថ្មីមួយរបស់ Creative Strategies ដែលធ្វើការស្ទង់មតិទៅលើអ្នកប្រើប្រាស់ទូរស័ព្ទ iPhone X ចំនួន 1700 នាក់សម្រាប់ការពេញចិត្តរបស់ពួកគេ។ ពួកគេផ្តោតសំខាន់ទៅលើការប្រើប្រាស់នូវបច្ចេកវិទ្យាដំបូងបំផុត។ ក្រុមនេះគឺជាក្រុមអតិថិជនដែលចូលចិត្តនូវការរចនារូបរាងថ្មីរបស់ទូរស័ព្ទ។ ក្រុមហ៊ុនទទួលស្គាល់ថា ក្រុមអតិថិជនទាំងនេះគឺជាក្រុមអ្នកគាំទ្រធំបំផុតរបស់ក្រុមហ៊ុន Apple ប៉ុន្តែពួកគេពិតជាសំខាន់មែនទែនសម្រាប់ការវាស់ស្ទង់នេះ។ នៅក្នុងការសិក្សានេះទម្លាយថា អ្នកប្រើប្រាស់ទាំងអស់សរុបផ្តល់នូវអត្រា 97% ផ្តល់នូវការពេញចិត្តកម្រិតខ្ពស់បំផុត។ ការវាយតម្លៃនេះគឺដោយសារតែអ្នកប្រើប្រាស់មានការពេញចិត្ត និងពេញចិត្តខ្លាំងមែនទែនទៅលើស្មាតហ្វូននេះ។ នៅក្នុងលទ្ធផលនេះ 85% នៃការវាស់ស្ទង់បញ្ជាក់ថា ពួកគេពេញចិត្តជាមួយនឹងផលិតផលនេះ។
ហេតុអ្វីអតិថិជនជាច្រើនមានការពេញចិត្តនោះ?
នៅក្នុងការសិក្សានេះក៏ពិនិត្យមើលថាហេតុអ្វីបានជាអតិថិជនមានការពេញចិត្តខ្លាំងទៅលើទូរស័ព្ទនេះ។ នៅក្នុងការដាក់ចំណាត់ថ្នាក់នេះផ្តោតទៅលើការរចនា ល្បឿន គុណភាពរូបភាព កាយវិការ អេក្រង់ បច្ចេកវិទ្យា Face ID និងថាមពលថ្ម។ សម្រាប់ការដាក់ចំណាត់ថ្នាក់នេះគឺទទួលបានពិន្ទុល្អសម្រាប់អ្នកប្រើប្រាស់។ លទ្ធផលនេះបង្ហាញថា ក្រុមហ៊ុន Apple មានគំនិតច្នៃប្រឌិតខ្ពស់ទៅលើការរចនា និងជាពិសេសទៅលើការគ្រប់គ្រងតាមកាយវិការផងដែរ។
ចំនែកកម្មវិធី Siri វិញមានការពេញចិត្តត្រឹមតែ 20% ប៉ុណ្ណោះ។ Creative Strategies បញ្ជាក់ថា អ្នកប្រើប្រាស់ប្រើទៅលើជំនួយការឌីជីថល Siri នៅក្នុងពេលដែលពយកគេត្រូវការប៉ុណ្ណោះ ដូចនេះវាមិនសូវជាពេញនិយមនោះទេ។ សរុបមក វត្តមានរបស់ទូរស័ព្ទ iPhone X ពិតជាធ្វើឱ្យអ្នកគាំទ្ររបស់ក្រុមហ៊ុន Apple មានការពេញចិត្តយ៉ាងខ្លាំងទោះបីជាការលក់របស់វាមានការធ្លាក់ចុះក៏ដោយ៕