no-alternative title
no-alternative title
no-alternative title
no-alternative title
no-alternative title
no-alternative title
no-alternative title

បែកធ្លាយរូបភាពមួយសន្លឹករបស់បច្ចេកវិទ្យា 3D Facial Recognition ដែលគេសង្ស័យថា បំពាក់នៅលើស្មាតហ្វូន Xiaomi Mi 8

នៅថ្ងៃនេះ ក្រុមហ៊ុន Xiaomi បានបញ្ជាក់ថា ខ្លួននឹងរៀបចំនូវព្រឹត្តិការណ៍មួយនៅក្នុងទីក្រុង Shenzhen តែនៅមិនទាន់បញ្ជាក់អំពីកាលបរិច្ឆេទ និងពេលវេលាសម្រាប់ព្រឹត្តិការណ៍នេះនោះទេ។ មានការរំពឹងថា ក្រុមហ៊ុនបច្ចេកវិទ្យារបស់ចិននេះ នឹងប្រើប្រាស់នូវវេទិកានៅក្នុងទីក្រុង Shenzhen នេះសម្រាប់ការប្រកាសនូវស្មាតហ្វូនស៊េរីថ្មីរបស់ខ្លួន។ ពាក្យចចាមអារ៉ាមជាច្រើន បានបញ្ជាក់ថា ស្មាតហ្វូនស៊េរីថ្មីនេះ គឺមានឈ្មោះ Xiaomi Mi 7 និងស្មាតហ្វូន Xiaomi Mi 8 សម្រាប់ខួបទី 8 នៅចុងខែនេះ។ 

 

រហូតមកដល់ពេលនេះ មានរូបភាពបែកធ្លាយមួយដែលបង្ហាញអំពីបច្ចេកវិទ្យា 3D light module នៅលើបណ្តាញសង្គម Weibo។ នៅក្នុងរឿងដំបូងនេះ មានការព្យាករណ៍ថា រូបភាពនេះ គឺជារូបភាពរបស់ TrueDepth Camera និង Face ID system របស់ iPhone X តែការទម្លាយថា រចនាសម្ព័ន្ធ 3D light module នេះ គឺពិតជាខុសប្លែកគ្នា ពីអ្វីដែលឃើញនៅលើ iPhone X ដោយមានទម្លាយនូវ Version ថ្មីរបស់ MIUI នៅលើ Notch ផងដែរ។

 

ការបែកធ្លាយពីប្រទេសចិននេះ ត្រូវបានគេអះអាងថា ស្មាតហ្វូនជំនាន់ទី 8 (8th Anniversary Edition) នេះ នឹងមានឈ្មោះថា Xiaomi Mi 8។ ពួកគេបន្ថែមថា រូបភាពបែកធ្លាយនេះ គឺនឹងប្រើប្រាស់នូវបច្ចេកវិទ្យា 3D facial recognition module នៅលើស្មាតហ្វូន Mi 8 ។ រីឯរបាយការណ៍មុនៗ បានអះអាងថា ដំណោះស្រាយទៅលើបច្ចេកវិទ្យា 3D facial recognition សម្រាប់ស្មាតហ្វូនជំនាន់ថ្មីរបស់ក្រុមហ៊ុន Xiaomi នេះ គឺជាការអភិវឌ្ឍរួមគ្នាជាមួយនឹងក្រុមហ៊ុន Qualcomm, Himax Technologies និង Truly Opto-electronics។ 

 

ទោះជាយ៉ាងណាក៏ដោយ មានព័ត៌មានជាច្រើន បាននិយាយថា ស្មាតហ្វូន Xiaomi Mi 8 ត្រូវបានគេរំពឹងថា នឹងប្រើប្រាស់នូវបច្ចេកវិទ្យា 3D facial scanning ពិតមែន គឺដូចគ្នាទៅនឹង iPhone X ដែរ ប៉ុន្តែស្មាតហ្វូនចិនមួយនេះ ទំនងប្រហែលជាមិនមានភ្ជាប់ជាមួយនឹងមុខងារ Fingerprint Scanner នោះទេ។ លោក  Lei Jun នាយកប្រតិបត្តិរបស់ក្រុមហ៊ុន Xiaomi បានបញ្ជាក់ថា ស្មាតហ្វូន Mi 7 នឹងមានប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់ផងដែរ៕

no-alternative title
ព័ត៌មានពាណិជ្ជកម្ម