ថ្មីៗនេះ ក្រុមហ៊ុន Sirin Labs ទើបតែធ្វើការបង្ហាញនូវស្មាតហ្វូនស៊េរីថ្មីមួយទៀតដែលមានឈ្មោះថា Finney ។ ក្រុមហ៊ុននេះ ទើបតែធ្វើការចែករំលែកនូវលក្ខណៈសម្បត្តិមួយចំនួនរបស់ស្មាតហ្វូននេះ ហើយព័ត៌មានលម្អិតផ្សេងទៀតរបស់ស្មាតហ្វូននេះ ក៏ទើបតែបង្ហាញផងដែរ រួមមានដូចជាតម្លៃរបស់ស្មាតហ្វូននេះ ប៉ុន្តែវាមិនមានការបញ្ជាក់អំពីកាលបរិច្ឆេទនៃការកម្មង់ទិញមុននោះទេ។ សម្រាប់តម្លៃរបស់ស្មាតហ្វូន Sirin Finney blockchain គឺ $999 ហើយលោកអ្នកក៏អាចទទួលបាននូវការបញ្ចុះតម្លៃដល់ទៅ 10% ផងដែរ ប្រសិនបើទិញពីវេបសាយផ្លូវការរបស់ក្រុមហ៊ុន។ សម្រាប់ព័ត៌មានជាច្រើន គឺត្រូវបានបង្ហាញនៅលើវេបសាយផ្លូវការរបស់ក្រុមហ៊ុននេះតែម្តង។
ស្មាតហ្វូន Finney ត្រូវបានផលិតឡើងដោយក្រុមហ៊ុន Foxconn។ ស្មាតហ្វូននេះ ត្រូវបានរចនាឡើងសម្រាប់ធ្វើការធានាទៅលើការរក្សាទុក និងប្រើប្រាស់ទៅលើ digital currencies ហើយ Bitcoins គឺជាផ្នែកមួយនៃ digital currencies ដ៏ពេញនិយមបំផុត។ ស្មាតហ្វូននេះ មានការរចនារូបរាងយ៉ាងស្រស់ស្អាត។ សម្រាប់ Loudspeaker របស់វាស្ថិតនៅផ្នែកខាងក្រោយ តួខ្លួនរបស់ស្មាតហ្វូននេះ ធ្វើឡើងពីលោហធាតុ និងកញ្ចក់ផងដែរ។ ស្មាតហ្វូន Finney ប្រើប្រាស់នូវប៊ូតុងនៅលើអេក្រង់ ស្របពេលដែលស៊ុមព័ទ្ធអេក្រង់របស់ស្មាតហ្វូននេះ គឺស្តើងបំផុត។
គួរបញ្ជាក់ថា ស្មាតហ្វូននេះ ប្រើប្រាស់នូវប្រព័ន្ធប្រតិបត្តិការ Sirin OS និងការប្រើប្រាស់ជាមួយនឹង “cold storage” crypto wallet និង Distributed Ledger Consensus ផងដែរ។ ស្មាតហ្វូននេះមានការប្រើប្រាស់ជាមួយនឹង Sirin Labs’ cyber protection suite ដែលរួមមាននូវប្រព័ន្ធ Behavioral-based Intrusion Prevention System (IPS), physical security switch (ការពារនៅលើ wallet protection), secured communications (VoIP, text, email), three-factor authentication (biometric, lock pattern និង behavioral) ផងដែរ។
ស្មាតហ្វូន Sirin Finney គឺប្រើប្រាស់នូវអេក្រង់ទំហំ 6-inch Full HD+ display និងបន្ទះឈីប Snapdragon 845 និងមានរ៉េមទំហំ 6GB ថាមពលថ្ម 3000mAh និងប្រព័ន្ធ Bluetooth 5.0 ផងដែរ។ ស្មាតហ្វូននេះ មានម៉េមូរីទំហំ 128GB និងការប្រើប្រាស់នូវ SIM មួយប្រភេទ Nano SIM ។ ស្មាតហ្វូននេះប្រើប្រាស់នូវប្រព័ន្ធប្រតិបត្តិការ Android 8.1 Oreo និងកាមេរ៉ា 12-megapixel camera (f/1.8 aperture) នៅផ្នែកខាងក្រោយ និងកាមេរ៉ាខាងមុខទំហំ 8MP ៕