នៅថ្ងៃនេះ ក្រុមហ៊ុន Vivo បានបង្ហាញនូវស្មាតហ្វូនស៊េរីថ្មី Vivo X21i នៅក្នុងប្រទេសចិន ដែលនេះ គឺជាស្មាតហ្វូនជំនាន់ថ្មីមួយទៀតរបស់ស្មាតហ្វូន Vivo X21 ដែលប្រកាសចេញនៅក្នុងខែមីនាកន្លងទៅថ្មីៗនេះ។ លក្ខណៈផ្សេងគ្នាធំបំផុតរបស់ស្មាតហ្វូន Vivo X21 និង Vivo X21i គឺការប្រើប្រាស់នូវបន្ទះឈីប MediaTek Helio P60 ដែលកាលពីពេលមុននេះ បានប្រើប្រាស់នូវបន្ទះឈីប Snapdragon 660 SoC។ ពេលនេះ ស្មាតហ្វូន Vivo X21i អាចធ្វើការកម្មង់ទិញមុនហើយនៅក្នុងប្រទេសចិនជាមួយនឹងតម្លៃ 2,698 យ៉ន់ ប្រហែល 425 ដុល្លា។
សម្រាប់លក្ខណៈសម្បត្តិ និងមុខងាររបស់ស្មាតហ្វូន Vivo X21i គឺដូចគ្នាទៅនឹងស្មាតហ្វូន Vivo X21 ដែរ។ ដូចនេះ ស្មាតហ្វូន Vivo X21i ប្រើប្រាស់នូវអេក្រង់ទំហំ 6.28-inch Super AMOLED ដែលមានកម្រិត aspect ratio 19:9 ហើយវាក៏មាននូវ Notch នៅផ្នែកខាងលើនៃអេក្រង់ផងដែរ។ អេក្រង់របស់ស្មាតហ្វូននេះប្រើប្រាស់នូវកញ្ចក់ 2.5D ។ ក្រុមហ៊ុនបញ្ជាក់ថា អេក្រង់របស់ស្មាតហ្វូននេះគឹមានទំហំដល់ទៅ 90.3% ថែមទៀត។ សម្រាប់បន្ទះឈីប MediaTek Helio P60 (MT6771) chipset អាចប្រើប្រាស់ទៅលើមុខងារ AI ជាច្រើននៅលើស្មាតហ្វូន Vivo X21i ។ ស្មាតហ្វូននេះមានរ៉េមទំហំ 6GB/64GB និងរ៉េមទំហំ4GB /128GB ផងដែរ។ លោកអ្នកអាចធ្វើការបន្ថែមនូវ mciroSD កាតបានយ៉ាងងាយស្រួល។
ផ្នែកខាងក្រោយរបស់ស្មាតហ្វូននេះប្រើប្រាស់នូវប្រព័ន្ធកាមេរ៉ាភ្លោះទំហំ 12MP ជាមួយនឹងមុខងារ AI ដូចជា Scene Selection និង Beauty Mode ផងដែរ។ ស្មាតហ្វូននេះក៏ប្រើប្រាស់នូវ AI Backlit Camera ដែលអាចថតរូបភាពបានច្បាស់នៅទីងងឹតថែមទៀត។ សម្រាប់កាមេរ៉ា Selfie ក៏មានការប្រើប្រាស់នូវមុខងារ AI Beauty Mode សម្រាប់ធ្វើការកំណត់ទៅលើភេទ គុណភាពស្បែក និងបរិស្ថានថេមទៀត។ វាក៏ប្រើប្រាស់នូវកាមេរ៉ា AR Stickers និង Face Wake Facial Recognition ផងដែរ។
ស្មាតហ្វូន Vivo X21i ប្រើប្រាស់នូវប្រព័ន្ធប្រតិបត្តិការ Android 8.1 OS ដំណើរការនៅលើ FunTouch OS 4.0 UI ហើយវាក៏ប្រើប្រាស់នូវប្រព័ន្ធជំនួយការ Vivo’s Jovi AI assistant ផងដែរ។ ស្មាតហ្វូននេះមានវិមាត្រ 154.37 x 74.98 x 6.99mmនិងទំងន់ 159 ក្រាមថែមទៀត។ ផ្នែកខាងក្រោយរបស់ស្មាតហ្វូននេះមានប្រើប្រាស់នូវប្រព័ន្ធ fingerprint scanner និងកាមេរ៉ាភ្លោះបញ្ឈរផងដែរ។ ស្មាតហ្វូន X21i អាចរកទិញបានជាមួយនឹងពណ៌ Ruby Red, Aurora White និង Polar Night Black ។
សម្រាប់ស្មាតហ្វូន Vivo X21i ដែលមានទំហំ 64GB+6GB គឺមានតម្លៃ 2,698 យ៉ន់ ប្រហែល 425 ដុល្លា។ សម្រាប់ទំហំ 128GB+4GB គឺមានតម្លៃដូចគ្នាដែរគឺ 2,698 យ៉ន់ ប្រហែល 425 ដុល្លា។ លោកអ្នកអាចធ្វើការកម្មង់ទិញស្មាតហ្វូននេះ នៅលើហាងអនឡាញរបស់ Vivo, JD.com, Tmall និង Suning ។ ស្មាតហ្វូននេះ នឹងដាក់លក់នៅថ្ងៃទី 19 ខែឧសភានេះ នៅវេលាម៉ោង 10:00AM (local time) នៅក្នុងប្រទសចិន៕
