OUKITEL K7 គឺជាស្មាតហ្វូនស៊េរីថ្មីមួយរបស់ក្រុមហ៊ុនដែលប្រើប្រាស់នូវថាមពលថ្មធំបំផុត ហើយថ្មីៗនេះ ក្រុមហ៊ុនបច្ចេកវិទ្យា OUKITEL ក៏បានបញ្ចេញនូវវីដេអូផ្សព្វផ្សាយថ្មីមួយអំពីស្មាតហ្វូនស៊េរីថ្មីនេះ ជាមួយនឹងលក្ខណៈសម្បត្តិថ្មីៗ និងមុខងារដ៏អស្ចារ្យរបស់វាដែលមានរយៈពេលប្រមាណជា 2 នាទី 30 វិនាទីនោះ។ ស្មាតហ្វូន OUKITEL K7 មិនត្រឹមតែមានស៊ុមព័ទ្ធអេក្រង់ស្តើងនោះទេ ប៉ុន្តែស្មាតហ្វូននេះ មានការរចនារូបរាងកាន់តែទាក់ទាញ ហើយនៅផ្នែកខាងលើរបស់វា និងផ្នែកខាងក្រោមរបស់វាគឺមានគែមកោងថែមទៀត។ ផ្នែកខាងក្រោយរបស់ស្មាតហ្វូននេះគឺធ្វើពីស្បែកដ៏ប្រណិតបំផុតផងដែរ។
ស្មាតហ្វូន OUKITEL K7 ប្រើប្រាស់នូវប៊ូតុងនៅលើអេក្រង់ ស្របពេលដែលផ្នែកខាងក្រោយរបស់វា គឺប្រើប្រាស់នូវប្រព័ន្ធកាមេរ៉ាភ្លោះនោះ ហើយវាមានប្រព័ន្ធស្កេនក្រយ៉ៅដៃស្ថិតនៅក្រោមកាមេរ៉ាភ្លោះនេះផងដែរ។ វាប្រើប្រាស់នូវភ្លើង LED Flash នៅផ្នែកខាងក្រោយ។ ស្មាតហ្វូននេះ មានអេក្រង់ទំហំ 6-inch HD+ display ជាមួយនឹងកម្រិត 18:9 display aspect ratio ។ ស្មាតហ្វូន OUKITEL K7 ប្រើប្រាស់រ៉េមទំហំ 4GB និងម៉េមូរីក្នុងម៉ាស៊ីនទំហំ 64GB ខណៈដែលបន្ទះឈីបរបស់វាគឺជាប្រភេទ MediaTek MT6750T 64-bit octa-core processor ។
ស្មាតហ្វូននេះប្រើប្រាស់នូវថាមពលថ្ម 10,000mAh ហើយវាមានកាមេរ៉ាភ្លោះ 13MP + 5MP និងប្រព័ន្ធប្រតិបត្តិការ Android 8.1 Oreo ថែមទៀត។ ស្មាតហ្វូននេះក៏ប្រើប្រាស់នូវបច្ចេកវិទ្យា fast charging ដែលក្រុមហ៊ុននេះហៅថា 9V/2A “Flash Charge” នោះ។ នេះគឺជាវីដេអូទីពីរហើយរបស់ស្មាតហ្វូន OUKITEL K7 ដែលក្រុមហ៊ុននេះបញ្ចេញ ហើយនៅក្នុងវីដេអូទីមួយលោកអ្នកអាចរកបាននៅទីនេះ។ ស្មាតហ្វូន OUKITEL K7 នៅមិនទាន់អាចរកទិញបាននៅឡើយទេ ប៉ុន្តែវាអាចរកទិញបាននៅក្នុងតម្លៃប្រហែលជា $180 ផងដែរ៕