រហូតមកដល់ពេលនេះ គឺមានរយៈពេលជិត 3 ឆ្នាំមកហើយ ចាប់តាំងពីរថយន្ត Bentley Bentayga បានប្រកាសបង្ហាញខ្លួនជាផ្លូវការ បន្ទាប់ពីពេលនោះមក រថយន្ត ដែលប្រើប្រាស់នូវម៉ាស៊ីន V8 Gasoline និង Diesel Versions ត្រូវបានបង្ហាញខ្លួនជាផ្លូវការដែរ។ ហើយថ្មីៗនេះ រថយន្តនេះ ក៏មានប្រើប្រាស់នូវប្រព័ន្ធ Plug-In Hybrid ផងដែរ។ កាលពីពេលថ្មីៗនេះដែរ Autocar ក៏បាននិយាយអំពីការរចនាជាមួយនឹងលោក Stefan Sielaff អំពីរថយន្ត Bentley ដែរ ដោយលោកបានបញ្ជាក់ថា ក្រុមហ៊ុនផលិតរថយន្តរបស់អង់គ្លេសនេះ នឹងធ្វើការនៅលើរថយន្តប្រភទេនេះ។
បើទោះបីជាលោក Sielaff មិនបានទម្លាយច្រើនអំពីថ្ងៃនៃការបង្ហាញវត្តមានក៏ដោយ លោកក៏លោកបានបញ្ជាក់ថា យើងអាចរំពឹងទុកអំពីឱកាសដ៏ធំមួយ នៅក្នុងការរចនាទៅលើរថយន្ត Bentayga នេះ។ រថយន្តនេះ មានស្ទាយ៍ទាក់ទាញ ហើយរថយន្ត Speed Versions នេះ ក៏មានរូបរាងមិនធម្មតាដែរ។ សម្រាប់រថយន្តស៊េរីថ្មី Bentayga Speed គឺមានកម្លាំងខ្លាំងក្លាដែលអ្នកប្រើប្រាស់មិនគួរមើលរំលងនោះ។
យោងតាមប្រភពព័ត៍មានខាងលើនេះ បានអោយដឹងថា រថយន្តដ៏ប្រណិតនេះ នឹងប្រើប្រាស់នូវកម្លាំងម៉ាស៊ីនប្រភេទ 6.0-liter twin-turbo W12 ហើយនឹងមានកម្លាំងដល់ទៅ 600 សេះ និងកម្លាំងរមួលដល់ទៅ 663 lb-ft of torque។ តាមរបាយការណ៍នេះ បានអោយដឹងទៀតថា រថយន្តនេះ គឺមានការលក់កើនឡើង។ ហើយរថយន្តស៊េរីថ្មី Bentayga Speed នឹងបង្ហាញខ្លួននៅឆ្នាំក្រោយនេះ នៅខែមីនានៅក្នុងព្រឹត្តិការណ៍ Geneva 2019៕
