កាលពីពេលមុននេះ យើងបានរាយការណ៍ថា ក្រុមហ៊ុនបច្ចេកវិទ្យា Samsung កំពុងតែធ្វើការនៅលើស្មាតហ្វូន Galaxy Note ថ្មីមួយទៀត។ នេះគឺជាម៉ូឌែលថ្មីដែលមានតម្លៃសមរម្យបើធៀបជាមួយនឹងស្មាតហ្វូន Galaxy Note 10 និង Galaxy Note 10+ ។ យើងបានទទួលបាននូវព័ត៌មានរបស់ស្មាតហ្វូនម៉ូឌែលថ្មីនេះហើយ។ ក្រុមហ៊ុនបច្ចេកវិទ្យាយក្ស Samsung បានសម្រេចចិត្តក្នុងការដាក់ឈ្មោះទៅលើស្មាតហ្វូនម៉ូឌែលថ្មីនេះហើយ។ យើងបានលឺថា ស្មាតហ្វូនដែលមានតម្លៃសមរម្យនេះគឺមានឈ្មោះហៅថា Galaxy Note 10 Lite ។
ចាប់តាំងពីវាស្ថិតនៅក្នុងត្រកូល Galaxy Note 10 នោះ ក្រុមហ៊ុន Samsung អាចនឹងបញ្ចេញនូវវត្តមានរបស់ស្មាតហ្វូននេះនៅក្នុងរយៈពេលប៉ុន្មានខែខាងមុខនេះ។ ក្រុមហ៊ុន Samsung បានធ្វើការបំបែកនូវស្មាតហ្វូនត្រកូល Galaxy Note series ជាពីរផ្សេងគ្នានៅក្នុងឆ្នាំនេះនោះគឺ Galaxy Note 10 និង Galaxy Note 10+។ ស្មាតហ្វូននេះ មានលក្ខណៈខុសគ្នានៅលើស្មាតហ្វូនទាំងពីរនេះជាពិសេសគឺលើតម្លៃរបស់វាតែម្តង។ សម្រាប់ម៉ូឌែលថ្មីដែលក្រុមហ៊ុន Samsung កំពុងតែធ្វើការអភិវឌ្ឍនេះគឺមានលេខម៉ូឌែល SM-N770F។ យើងក៏ដឹងថា ស្មាតហ្វូននេះនឹងមានគោលដៅសម្រាប់ទីផ្សារជាច្រើន នៅអ៊ឺរ៉ុបហើយវាមាន 2 ពណ៌សម្រាប់ធ្វើការជ្រើសរើសគឺពណ៌ខ្មៅ និងពណ៌ក្រហម។ យើងត្រូវគេប្រាប់អោយដឹងថា ស្មាតហ្វូនថ្មីនេះនឹងបង្ហាញខ្លួនក្នុងនាមជាឈ្មោះហៅថា Galaxy Note 10 Lite ។
សម្រាប់ស្មាតហ្វូន Galaxy Note ដែលមានតម្លៃសមរម្យនេះនៅមិនទាន់មានព័ត៌មានច្រើនអំពីវានៅឡើយទេ។ តម្លៃរបស់ស្មាតហ្វូននេះវិញនោះក៏មានការចុះច្រើនដែរ ហើយស្មាតហ្វូននេះក៏មានប្រើប្រាស់ជាមួយនឹងប៊ិក S Pen ថែមទៀតផង។ ស្មាតហ្វូននេះក៏ប្រហែលជាមិនមែនមានឈ្មោះហៅថា Galaxy Note 10e ផងដែរ ព្រោះថាកាលនៅជំនាន់របស់ស្មាតហ្វូន Galaxy S10e គឺមានលក្ខណៈសម្បត្តិច្រើនដូចគ្នាទៅនឹង Galaxy S10 ៕
