បើនិយាយពីជន្មាយុរបស់កំពូលស្មាតហ្វូនប៊ិច Samsung Galaxy Note 9 គឺមានរយះពេលជាងមួយឆ្នាំមកចាប់តាំងតែពីថ្ងៃបង្ហាញវត្តមានឡើងកាលពីកំឡុងខែសីហាឆ្នាំ 2018។ ហើយបើទោះបីជាជំនាន់ថ្មីរបស់វាគឺបងប្អូន Galaxy Note 10 ត្រូវបានក្រុមហ៊ុន Samsung ប្រកាសបង្ហាញវត្តមានលើទីផ្សារ ហើយបាននឹងកំពុងតែដុតទីផ្សារស្មាតហ្វូនថ្នាក់ប្រណិតយ៉ាងខ្លាំងរួចហើយក្តីក៏ Samsung នៅតែគិតគួរពីជំនាន់មុន របស់ខ្លួនដដែលគឺមិនអោយម្ទាស់ Note 9 ខកចិត្តឡើយពោរគឺវានៅតែថ្មីៗជានិច្ចសម្រាប់ការប្រើប្រាស់តាមរយះការដាក់អោយធ្វើបច្ចុប្បន្នភាពកម្មវិធីប្រើប្រាស់ជំនាន់ថ្មីៗចុងក្រោយសម្រាប់វា។
ជាក់ស្តែងគឺកាលពីប៉ុន្មានថ្ងៃមុននេះ Samsung ទើបតែដាក់អោយធ្វើបច្ចុប្បន្នភាពនូវស្រោមមុខកម្មវិធីថ្មីគឺ Samsung One UI2.0 ជាមួយនឹង Android 10 Beta នៅលើបងប្អូន Galaxy Note 10 ហើយពេលនេះ Galaxy Note 9 ក៏បានទទួលនូវកាដូដ៏ពិសេសមួយនេះផងដែរ ហើយវាក៏ជាស្មាតហ្វូនជំនាន់ចាស់ទីមួយដែលទទួលបានការដាក់អោយធ្វើបច្ចុប្បន្នភាពជាមួយ Samsung One UI2.0 និង Android 10 ដែលជាជំនាន់សាកល្បង ឬហៅថាជំនាន់ Beta នេះ។ ប្រសិនបើស្មាតហ្វូន Galaxy Note 9 របស់លោកអ្នកមិនទាន់ទទួលបានកំនែអាប់ដែតនេះទេ ហើយប្រសិនបើលោកអ្នកចង់ភ្លក់រសជាតិថ្មីនេះដូច្នេះអោយលោកអ្នកត្រូវធ្វើការទាញយកកម្មវិធី Samsung Member App ជាមុនសិនរួចហើយចូលទៅកាន់កន្ថែង Check for Update ដើម្បីធ្វើការទាញយកដំឡើងកំនែប្រែមុខមាត់កម្មវិធីជំនាន់ថ្មីនេះ។
សូមបញ្ជាក់ផងដែរថានេះគឺជាជំនាន់សម្រាប់ធ្វើការតេស្តសាកល្បងប៉ុណ្ណោះ ដូចនេះក្រុមហ៊ុន Samsung បានធ្វើការប្រមានថាមុននឹងសាកល្បងទាញ យកដំឡើង One UI2.0 ជាមួយ Android 10 Beta សម្រាប់ដំឡើងនៅលើស្មាតហ្វូន Note 9របស់លោកអ្នក លោកអ្នកត្រូវប្រាកដថារាល់ទិន្នន័យសំខាន់ៗដែលមាននៅលើទូរស័ព្ទត្រូវស្ថិតនៅកន្លែងដែលមានសុវត្ថិភាពបំផុតជៀសវាងការបាត់បង់ដោយប្រការណាមួយក្រោយពេលធ្វើបច្ចុប្បន្នភាពរួច។ ហើយសូមកត់សម្គាល់ផងដែរថាមានចំណុចមួយចំនួន ឬមុខងារមួយចំនួនគឺមានកំណត់សម្រាប់លោកអ្នកសាកល្បងប្រើប្រាស់ក្នុងកំនែប្រែជំនាន់ Beta នេះ ដូច្នេះវាមិនទាន់ដំណើរការបានរលូនល្អ 100% នោះទេ។
Samsung បានបន្ថែមថាបងប្អូនត្រកូល Galaxy S9 ក៏ទទួលបានការបន្ទាន់សម័យទៅកាន់កម្មវិធីជំនាន់ Beta (OneUI2.0 & Android) នេះផងដែរបន្ទាប់ពីកំពូលស្មាតហ្វូន Galaxy Note 9 ហើយវានឹងអាចធ្វើការទាញយកមកតំឡើងសាកល្បងបានសម្រាប់អ្នកប្រើប្រាស់ Note 9 នៅក្នុងប្រទេសកូរ៉េខាងត្បូង ប្រទេសអាល្លឺម៉ង់ និងសហរដ្ឋអាមេរិកនៅសប្តាហ៍ក្រោយនេះ៕
