នៅក្នុងសតវត្សទី 21 នេះ គឺមានការកើនឡើងយ៉ាងខ្លាំងទៅលើវិស័យរថយន្តជាច្រើន ហើយរថយន្តអគ្គិសនី បានក្លាយជាមធ្យោបាយធ្វើដំណើរយ៉ាងទំនើប។ ប៉ុន្តែសម្រាប់គ្រប់ក្រុមហ៊ុនផលិតរថយន្ត គឺព្យាយាមក្នុងការស្វែងរកនូវវិធីថ្មីដើម្បីបង្កើតនូវភាពច្នៃប្រឌិតជាច្រើនក្នុងវិស័យរថយន្តចល័តនេះ យើងក៏ឃើញក្រុមហ៊ុនផលិតរថយន្តកាន់តែច្រើនឡើងៗ ធ្វើការនៅលើរថយន្តទាំងនេះ ដូចជារថយន្ត Porsche Taycan ដែលផ្អែកនៅលើកប៉ាល់ប្រយុទ្ធ Star Wars ឬកប៉ាល់ Mercedes ដែលមានការជម្រុញដោយ Mercedes-AMG One ថែមទៀតផង។
ក្រុមហ៊ុន Toyota បានធ្វើការចំណាយទឹកប្រាក់ $394 លានដុល្លារអាមេរិក ក្នុងការអភិវឌ្ឍទៅលើឧទ្ធម្ភាគចក្រអគ្គិសនី ដែលគ្មានផ្សែង។ នៅក្នុងភាពជាដៃគូជាមួយនឹងក្រុមហ៊ុន Joby Aviation នោះ ក្រុមហ៊ុន Toyota ក៏កំពុងងតែធ្វើការវិនិយោគទៅលើអនាគតនៃវិស័យចល័តនេះ នៅក្នុងការសាកល្បង និងការចូលទៅក្នុងវិស័យចល័តក្នុងក្រុង និងអាកាសនេះ។ គម្រោងដែលក្រុមហ៊ុន Toyota ធ្វើនេះ គឺមានឈ្មោះថា eVTOL ឬ Electric Vertical Take-Off and Landing aircraft ដែលមានល្បឿនលឿន ស្ងាត់ និងមានតម្លៃសមរម្យ និងមិនប៉ះពាល់ដល់បរិស្ថាននោះទេ។
តាមការបញ្ជាក់របស់អគ្គនាយក និង CEO របស់ក្រុមហ៊ុន Toyota Motor Corporation លោក Akio Toyoda បាននិយាយថា "ការដឹកជញ្ជូនតាមផ្លូវអាកាស គឺជាគោលដៅរយៈពេលវែងសម្រាប់ក្រុមហ៊ុន Toyota ហើយខណៈពេលដែលយើងបន្តការងាររបស់យើងនៅក្នុងអាជីវកម្មរថយន្តកិច្ចព្រមព្រៀងនេះនឹងផ្តោតលើអាកាស"។ គាត់បន្តទៀតថា ក្រុមហ៊ុនផលិតរថយន្តជប៉ុនកំពុងតែសំឡឹងមើល“ បដិវត្តការដឹកជញ្ជូននិងជីវិតនាពេលអនាគត” និង“ ផ្តល់សេរីភាពក្នុងការធ្វើដំណើរនិងរីករាយដល់អតិថិជនគ្រប់ទីកន្លែង” ។
គួរបញ្ជាក់ថា នេះមិនមែនជាលើកទី 1 នោះទេ ដែលក្រុមហ៊ុន Toyota ធ្វើចលនាដោយប្រើប្រាស់នូវថាមពលអគ្គិសនីនេះ ប៉ុន្តែជាមួយនឹងការធ្វើដំណើរបានចម្ងាយ 150+ mile។ រថយន្ត eVTOL នេះ អាចធ្វើដំណើរបានចម្ងាយឆ្ងាយជាង 2 ដងបើធៀបជាមួយនឹងរថយន្ត Toyota EVs ជាច្រើនទៀត ដូចជា Toyota BEV ដែលបង្ហាញខ្លួននៅក្នុងឆ្នាំ 2019 កន្លងទៅ។ ក្រុមហ៊ុន Toyota បានក្លាយជាវិនិយោគិនឈានមុខគេរបស់លោក Joby នៅក្នុងគម្រោង Series C projectដែលមានតម្លៃ $590 លានដុល្លារអាមេរិក ហើយក្រុមហ៊ុន Toyota នឹងធ្វើការចែករំលែកនូវការផលិត គុណភាព និងការគ្រប់គ្រងទៅលើតម្លៃរបស់ខ្លួនសម្រាប់ការអភិវឌ្ឍ និងការផលិតទៅលើរថយន្ត eVTOLនេះ។ លោក Joby បាននិយាយថា នេះគឺមានម៉ាស៊ីន ដែលមានសម្លេងស្ងាត់ជាងមុនដល់ទៅ 100 ដង និងអាចធ្វើដំណើរ 150 miles សម្រាប់ការបញ្ចូលថាមពលថ្មម្តងប៉ុណ្ណោះ៕