យោងតាមព័ត៌មានថ្មីៗនេះ ស្មាតហ្វូនស៊េរីថ្មី Samsung Galaxy S20 នឹងមានអេក្រង់កម្រិតភាពច្បាស់ត្រឹមតែ 120Hz តែប៉ុណ្ណោះ ប៉ុន្តែសម្រាប់អេក្រង់ Mode នេះនឹងបិទនៅក្នុង Default ។ សម្រាប់អេក្រង់នេះដំណើរការបង្ហាញនៅក្នុងកម្រិតត្រឹមតែ 60Hz ប៉ុណ្ណោះ។ ប៉ុន្មានថ្ងៃនេះ មានការបែកធ្លាយជាច្រើនពាក់ព័ន្ធទៅនឹងស្មាតហ្វូន Samsung Galaxy S20 នេះ។ នៅក្នុងសប្តាហ៍នេះ យើងក៏ឃើញមានការនិយាយអំពីតម្លៃរបស់ស្មាតហ្វូនទាំង 3 នេះផងដែរ Galaxy S20, Galaxy S20+ និង Galaxy S20 Ultra។ អ្វីដែលសំខាន់ជាងនេះទៀតនោះ យើងក៏ដឹងអំពីកាលបរិច្ឆេទនៃការប្រកាសបង្ហាញវត្តមានរបស់ស្មាតហ្វូនទាំង 3 នេះផងដែរ។ នៅថ្ងៃនេះ យើងក៏បានដឹងអំពីលក្ខណៈសម្បត្តិមួយទៀតរបស់ស្មាតហ្វូននេះផងដែរ។
ប្រភពខាងលើ បានបញ្ជាក់ថា XDA-Developers ធ្លាប់បានធ្វើការទម្លាយព័ត៌មានថ្មីនៃស្មាតហ្វូន Flagship របស់ក្រុមហ៊ុន Samsung នេះ។ តាមការបញ្ជាក់របស់ស្ថាប័ននេះ អេក្រង់របស់ស្មាតហ្វូន Samsung Galaxy S20 គឺមានការកំណត់នៅក្នុង default នៅត្រឹមតែ 60Hz ប៉ុណ្ណោះនៅក្នុង Settings។ លោកអ្នកអាចចូលទៅកាន់ Settings នៅក្នុង One UI និងបើកដំណើរការនូវ 120 Hz mode សម្រាប់អេក្រង់នេះបានផងដែរ។ ក្រុមហ៊ុននេះផ្តល់នូវកម្រិតអេក្រង់ផ្សេងៗគ្នានៅលើអេក្រង់ដែលមានដូចជា HD+ និង QHD+ ថែមទៀតផង។ យើងអាចធ្វើការស្រម៉ៃបានថា នេះ គឺដើម្បីធ្វើការសន្សំសំចៃទៅលើថាម ពលថ្មរបស់វា។ កម្រិតអេក្រង់ 120 Hz នេះ គឺស៊ីថាមពលថ្មច្រើនជាងកម្រិតអេក្រង់ 60Hz ហើយអ្នកប្រើប្រាស់ជាច្រើនចង់បាន Default បែបនេះជាងអេក្រង់ដែលឆាប់អស់ថ្មលឿន។ យើងស្រម៉ៃថា តើកម្មវិធីជាច្រើនរួមទាំងហ្គេមណាខ្លះនឹងស្នើអោយដំណើរការនូវកម្រិតអេក្រង់ 120Hz នេះ។
ថ្មីៗនេះ ហ្គេម Fortnite ក៏អាប់ដេតអាចដំណើរការនូវ 120Hz នៅលើ iPad Pro បានផងដែរ។ នៅក្នុងរយៈពេល 3 សប្តាហ៍នេះ ក្រុមហ៊ុន Samsung នឹងបង្ហាញនូវស្មាតហ្វូនស៊េរីថ្មីត្រកូល Galaxy S នេះ។ កម្រិតអេក្រង់នេះ នឹងបង្ហាញខ្លួនជា Galaxy S20 នៅក្នុងឆ្នាំនេះ។ សម្រាប់ម៉ូឌែលនីមួយៗ គឺមានការទម្លាយអំពីលក្ខណៈសម្បត្តិរបស់វារួចហើយកាលពីប៉ុន្មាន សប្តាហ៍មុននេះ។ យើងបានដឹងស្ទើរតែអ្វីគ្រប់យ៉ាងរបស់ស្មាតហ្វូន S20, S20+, S20 Ultra និង Galaxy Z Flip ៕