ស្មាតហ្វូនស៊េរីថ្មី OPPO Find X2 នឹងសម្ពោធជាផ្លូវការនៅក្នុងព្រឹត្តិការណ៍ពិពរណ៌ Mobile World Congress (MWC) 2020 នៅថ្ងៃទី 22 ខែកុម្ភៈនេះ។ កាលពីដើមសប្តាហ៍នេះ មានការបែកធ្លាយរូបភាព Render របស់ស្មាតហ្វូននេះ ដោយមានការទម្លាយអំពីផ្នែកខាងមុខ និងផ្នែកខាងក្រោយរបស់វាផងដែរ។ មានការបង្ហាញថា ស្មាតហ្វូននេះ ទ្រទ្រង់នូវអេក្រង់ដែលមានរន្ធប្រហោង Punch-Hole ជាមួយនឹងគែមកោង និងកាមេរ៉ាខាងក្រោយ 3 គ្រាប់។ រូបភាពបែកធ្លាយនេះ គឺជាបង្ហាញនូវអ្វីដែលនឹងមាននៅលើស្មាតហ្វូន OPPO Find X2 ដែលមានការទម្លាយចេញពីអ្នកឌីស្សាញម្នាក់ដែលមានឈ្មោះថា Ben Geskin កាលពី 2 ថ្ងៃមុននេះ។ រូបភាព Render នេះ មានការទម្លាយនូវកាមេរ៉ា 3 គ្រាប់របស់ស្មាតហ្វូននេះ។
ចាប់តាំងពីស្មាតហ្វូន OPPO Find X2 នេះ គឺមានសម្បកការពារស្មាតហ្វូននេះ ផ្នែកខាងក្រោយទាំងស្រុងរបស់ស្មាតហ្វូននេះមិនទាន់បានបង្ហាញនៅឡើយទេ។ ទោះជាយ៉ាងណាក៏ដោយនោះ រូបភាពមួយមានការទម្លាយថា ស្មាតហ្វូននេះនឹងមានកាមេរ៉ាបញ្ឈរនៅគែមខាងលើផ្នែកខាងឆ្វេងរបស់ស្មាតហ្វូននេះ។ វាមានកាមេរ៉ា 3 គ្រាប់ និងភ្លើង LED Flash ។ សម្រាប់ការឌីស្សាញកាមេរ៉ាផ្នែកខាងក្រោយរបស់ស្មាតហ្វូននេះ គឺស្រដៀងគ្នាទៅនឹងអ្វីដែលយើងបានឃើញនៅក្នុងរូបភាព Render មួយរបស់ស្មាតហ្វូន OPPO Find X2 កាលពីពេលមុននេះ។ រូបភាព Render នេះគឺមានការទម្លាយថា សម្រាប់ Lens ខាងលើរបស់ស្មាតហ្វូននេះគឺជា periscope telephoto lens។ សម្រាប់រូបភាពដែលថតដោយស្មាតហ្វូននេះគឺមានពណ៌ស្រស់ស្អាតទាក់ទាញខ្លាំងមែនទែន។
ពាក្យចចាមអារ៉ាមជាច្រើន បាននិយាយថា ស្មាតហ្វូន OPPO Find X2 នេះ នឹងមានកាមេរ៉ា periscope telephoto lens 13-megapixel។ សម្រាប់កាមេរ៉ាគោល Sony IMX689 48-megapixel lens គឺមានការសហការអអភិវឌ្ឍដោយក្រុមហ៊ុន Sony និង OPPO ។ សម្រាប់ Sony IMX708 superwide lens គឺត្រូវគេរំពឹងថានឹងប្រកាសបង្ហាញនៅលើស្មាតហ្វូន Find X2 ផងដែរ។ ស្មាតហ្វូន OPPO Find X2 នេះប្រហែលជាមានអេក្រង់ទំហំ 6.5-inch ជាមួយនឹងអេក្រង់ punch-hole ដែលមានភ្ជាប់ជាមួយនឹងកាមេរ៉ា Sony IMX616 32-megapixel selfieថែមទៀត។
អេក្រង់របស់ស្មាតហ្វូននេះគឺមានកម្រិតភាពច្បាស់ HD+ និងកម្រិត 120Hz refresh rate បានថែមទៀត។ សម្រាប់មុខងារជាច្រើនទៀតរបស់ស្មាតហ្វូននេះគឺមានកម្រិត 100% DCI-P3 color gamut ការទ្រទ្រង់នូវ HDR នៅក្នុងកម្រិតពន្លឺ 1200nits និងកម្រិត SDR ទៅកាន់ HDR ។ ស្មាតហ្វូននេះប្រើប្រាស់នូវបន្ទះឈីប Snapdragon 865 mobile platform ហើយវាក៏មានភ្ជាប់ជាមួយនឹង charger 65W fast charging ថែមទៀត។ ស្មាតហ្វូននេះគឺមានភ្ជាប់ជាមួយនឹងមុខងារជាច្រើនទៀតដូចជា LPDDR5 RAM, USB 3.0 storage និង Wi-Fi 6 ថែមទៀត។ វានៅមិនទាន់មានការបញ្ជាក់អំពីតម្លៃរបស់ស្មាតហ្វូននេះនៅឡើយទេ៕
