no-alternative title
no-alternative title
no-alternative title
no-alternative title
no-alternative title
no-alternative title

ស្ងាត់ៗ Xiaomi វ៉ាដាច់ Huawei ក្លាយខ្លួនជាក្រុមហ៊ុនស្មាតហ្វូនធំបំផុតលំដាប់ទី 3 របស់ពិភពលោកហើយ

ថ្មីៗនេះ យោងតាមការបញ្ជាក់នៅក្នុងរបាយការណ៍មួយរបស់ក្រុមហ៊ុនស្រាវជ្រាវ Strategy Analytics បានបង្ហាញថា ក្រុមហ៊ុន Xiaomi បានវ៉ាដាច់ក្រុមហ៊ុន  Huawei ក្លាយខ្លួនជាម៉ាកយីហោស្មាតហ្វូនធំបំផុតចំណាត់ថ្នាក់លេខ 3 នៅក្នុងពិភពលោក ទាក់ទងកទៅនឹងការនាំចេញស្មាតហ្វូននេះ នៅក្នុងខែកុម្ភៈឆ្នាំ 2020 នេះ។ នេះគឺជាលើកដំបូងបំផុតរបស់ក្រុមហ៊ុន Xiaomi ដែលបានយកឈ្នះទៅលើក្រុមហ៊ុន Huawei នេះ។

នៅក្នុងរបាយការណ៍នេះ នៅក្នុងខែកុម្ភៈ ឆ្នាំ 2020 នេះ ការនាំចេញស្មាតហ្វូនពិភពលោក គឺមានការធ្លាក់ចុះចំនួន 38% បើធៀបទៅនឹងឆ្នាំមុននេះដែលមានចំនួនដល់ទៅ 62 លានគ្រឿង។ ការលក់នេះមានការធ្លាក់ចុះដល់ទៅ 39% បើធៀបទៅនឹងឆ្នាំមុននេះដែលមានចំនួន 65 លានគ្រឿង។ កត្តានេះ គឺដោយសារតែវាមានការថយចុះទៅលើស្មាតហ្វូន 4G របស់ក្រុមហ៊ុនបច្ចេកវិទ្យា Huawei ផងដែរ។ ការនាំចេញ និងការលក់របស់ក្រុមហ៊ុននេះក៏មានការធ្លាក់ចុះ 69% និង 64% បើធៀបទៅនឹងឆ្នាំមុននេះរៀងគ្នាផងដែរ។

no-alternative title

 

ជាលទ្ធផល ក្រុមហ៊ុន Xiaomi បានក្លាយជាក្រុមហ៊ុនផលិតស្មាតហ្វូនធំបំផុតចំណាត់ថ្នាក់ទី 3 នៅក្នុងខែកុម្ភៈ ឆ្នាំ 2020 នេះហើយវាមានការនាំចេញ និងការលក់ដែលមានការធ្លាក់ចុះ 32% និង 29% បើធៀបទៅនឹងឆ្នាំមុននេះ។ ភាពខុសគ្នារបស់ក្រុមហ៊ុន Xiaomi និង Huawei គឺមានចំនួនត្រឹមតែ 500,000 គ្រឿងដែលមានចំនួនសរុបចំនួន 6 លានគ្រឿង និង 5.5 លានគ្រឿងរៀងគ្នាកាលពីខែមុននេះ។ បន្ថែមពីនេះទៀតនោះ ក្រុមហ៊ុន Samsung គឺនៅចំណាត់ថ្នាក់កំពូលសម្រាប់ខែកុម្ភៈ ឆ្នាំ 2020 នេះជាមួយនឹងការនាំចេញស្មាតហ្វូនចំនួន 18.2 លានគ្រឿង ហើយតាមពីក្រោយដោយក្រុមហ៊ុន  Apple ដែលមានចំនួន 10.2 លានគ្រឿង។ 

សម្រាប់ចំណាត់ថ្នាក់លេខ 5 និងលេខ 6 គឺរបស់ក្រុមហ៊ុន Oppo និង vivo ដែលលក់បានចំនួន 4 លានគ្រឿង និង 3.6 លានគ្រឿង។ សម្រាប់ក្រុមហ៊ុន Huawei និង Xiaomi មានការធ្លាក់ចុះទៅលើការនាំចេញ ប៉ុន្តែប្រាក់ចំណេញមានការកើនឡើង។ ក្រុមហ៊ុន Huawei កំពុងតែស្ថិតនៅក្នុងពេលវេលាដ៏លំបាកដោយសារតែរដ្ឋាភិបាលរបស់សហរដ្ឋអាមេរិកបានបន្ថែមក្រុមហ៊ុនបច្ចេកវិទ្យានេះ ចូលទៅក្នុងបញ្ជី ‘Entity List’ កាលពីឆ្នាំមុននេះ។ ក្រុមហ៊ុនជាច្រើនដែលមានមូលដ្ឋាននៅសហរដ្ឋអាមេរិកក៏ផ្តាច់អាជីវកម្មរបស់ពួកគេជាមួយនឹងក្រុមហ៊ុន Huawei ផងដែរ។ ការនាំចេញស្មាតហ្វូននេះជាលក្ខណៈសកលក៏មានការធ្លាក់ចុះផងដែរ៕

 

no-alternative title

no-alternative title
ព័ត៌មានពាណិជ្ជកម្ម