ថ្មីៗនេះ យោងតាមការបញ្ជាក់នៅក្នុងរបាយការណ៍ជាច្រើន បានបញ្ជាក់ថា ស្មាតហ្វូន OnePlus 8 series នេះនឹងបង្ហាញខ្លួនជាផ្លូវការនៅថ្ងៃទី 14 ខែមេសាខាងមុខនេះ។ស្មាតហ្វូនទាំងនេះនឹងបង្ហាញខ្លួននៅក្នុងប្រទេសចិននៅថ្ងៃទី 16 ខែមីនាឆ្នាំ 2020 នេះហើយ។ ខណៈពេលដែល មួយរយៈចុងក្រោយមនេះ គឺមានការជជែកជាច្រើនអំពីចំនួនស្មាតហ្វូននៅក្នុងត្រកូលស្មាតហ្វូនស៊េរីនេះផងដែរ។ ប៉ុន្តែអ្វីដែលច្បាស់នោះ យើងនឹងឃើញវត្តមានរបស់ស្មាតហ្វូន OnePlus 8 និង OnePlus 8 Pro ។
មានសំណួរសួថា តើស្មាតហ្វូន OnePlus 8 series នេះនឹងមានតម្លៃប៉ុន្មាន? តាមការបញ្ជាក់របស់ស្ថាបនិក និងនាយកប្រតិ បត្តិរបស់ក្រុមហ៊ុន OnePlus លោក Liu Zuohu បានបញ្ជាក់ថា ស្មាតហ្វូន OnePlus 8 នឹងមានការទ្រទ្រង់ទៅលើ 5G ហើយវានឹងមិនលក់តម្លៃច្រើនជាង $ 1,000នោះទេនៅក្នុងទីផ្សាររបស់សហរដ្ឋអាមេរិកនោះ។ បើទោះបីជាលោក Liu Zuohu មិនធ្វើការបង្ហាញអំពីតម្លៃជាក់លាក់របស់ស្មាតហ្វូននេះក៏ដោយនោះ យើងបានដឹងថាស្មាតហ្វូន OnePlus 8 នេះនឹងមានតម្លៃថោកជាងស្មាតហ្វូន Galaxy S20 5G ដែលមានតម្លៃ $ 999.99។ លោក Liu Zuohu និយាយថា ការប្រើប្រាស់នូវបណ្តាញ 4G, 5G នេះ ក៏មានបញ្ហាជាច្រើនផងដែរ។ តាមការបញ្ជាក់របស់គាត់នោះ វាមានការប្រឈមទៅនឹងបញ្ហាជាច្រើនពាក់ព័ន្ធទៅនឹងរឿងបច្ចេកទេស។ ឧទាហរណ៍ ការប្រើប្រាស់ទៅលើអង់តែននេះគឺពិតជាមានតម្លៃថ្លៃមែនទែន។ យ៉ាងណាមិញ ផលិតកម្ម និងបច្ចេកវិទ្យាទៅលើបន្ទះឈីប 5G chip នេះក៏មានភាពចាស់ទុំផងដែរ។
សម្រាប់វត្តមានរបស់ស្មាតហ្វូន flagships ជាច្រើនដែលបង្ហាញខ្លួននៅក្នុងឆ្នាំនេះ ការកើនឡើងនៃតម្លៃក៏ក្លាយជានិន្នាការថ្មីរបស់ស្មាតហ្វូននេះផងដែរ។ នៅក្នុងវត្តមានរបស់ស្មាតហ្វូន Galaxy S20 series នោះGalaxy S20មានតម្លៃ 6999 yuan, Galaxy S20+ មានតម្លៃ 7999 yuan និង Galaxy S20 Ultra គឺមានតម្លៃ 9999 yuan។ បើធៀបជាមួយនឹងស្មាតហ្វូន Galaxy S10 series នោះ សម្រាប់តម្លៃរបស់ស្មាតហ្វូន Galaxy S20 series គឺមានការកើនឡើងតម្លៃរបស់វាផងដែរ។ យ៉ាងណាមិញ ស្មាតហ្វូន OnePlus 8 ពិតជាមានតម្លៃថោកជាងស្មាតហ្វូន Galaxy S20 series ៕