Apple បានបង្ហាញពីលទ្ធផលហិរញ្ញវត្ថុរបស់ខ្លួន សម្រាប់ត្រីមាសសារពើពន្ធដំបូងកាលពីខែមករា ហើយតួលេខបានបង្ហាញពីការលក់ទូរស័ព្ទ iPhone មិនសូវល្អក្នុងអំឡុងពេលឈប់សម្រាកឆ្នាំ 2018។ ទោះបីជាមានរយៈពេលពីរសប្តាហ៍ រហូតដល់របាយការណ៍ Q2 មាននៅទីនេះ អ្នកវិភាគបានព្យាករណ៍ថា និន្នាការនេះ នឹងបន្តទៀត ហើយក្រុមហ៊ុន បានលក់ទូរស័ព្ទដៃមិនលើសពី 45 លានគ្រឿង ដែលវាច្រើនជាង 10 ភាគរយ លើចំនួន 52 លានគ្រឿង កាលពីឆ្នាំមុន។
ក្រុមហ៊ុន OTR Global បានចេញផ្សាយកំណត់ត្រាវិនិយោគិនថ្មីមួយ ដោយនិយាយថា ក្រុមហ៊ុនអេ Apple បានដឹកជញ្ជូនទូរស័ព្ទ iPhone ពី 37 លានទៅ 42 លានគ្រឿង ខណៈអ្នកវិភាគ Wall Street រំពឹងថា នឹងមានចំនួន 40 ទៅ 45 លានគ្រឿង។ ក្រុមហ៊ុន OTR បាននិយាយថា មូលហេតុចម្បង គឺតម្រូវការទាបសម្រាប់ម៉ូដែល XR និង XS។ ចាប់តាំងពីក្រុមហ៊ុន Apple សម្រេចចិត្តឈប់ប្រកាសពីចំនួនលក់ឧបករណ៍របស់ខ្លួន យើងនឹងមិនដឹងពីចំនួនពិតប្រាកដនោះទេ ប៉ុន្តែតួលេខប្រាក់ចំណូល នឹងបង្ហាញយ៉ាងច្បាស់។
របាយការណ៍នៅក្នុង Q2 2019 នឹងចេញនៅថ្ងៃទី 30 ខែមេសា ហើយនឹងបង្ហាញនៅលើទំព័ររបស់ក្រុមហ៊ុន Apple សម្រាប់ការចេញផ្សាយសារព័ត៌មាន។ ការណែនាំដែលផ្តល់ដោយក្រុមហ៊ុននេះ បានបង្ហាញពីប្រាក់ចំណូលពី 55 ពាន់លានដុល្លារ ទៅ 59 ពាន់លានដុល្លារ ដែលតិចជាង 61 ពាន់លានដុល្លារ ដែលត្រូវបានរាយការណ៍សម្រាប់ខែមករា មីនា 2018 ។ ប្រាក់ចំណេញសរុបគួរតែមានចន្លោះរវាង 37% និង 38% ខណៈពេលដែលការចំណាយប្រតិបត្តិការ អាចខ្ពស់ដល់ 8,6 ពាន់លានដុល្លារ៕
