នៅថ្ងៃនេះ ក្រុមហ៊ុន Samsung បានបន្តបង្ហាញនូវស្មាតហ្វូនស៊េរីថ្មីរបស់ខ្លួន គឺម៉ូដែល Galaxy A40s និង A60 នៅក្នុងអំឡុងនៃព្រឹត្តិការណ៍មួយនៅក្នុងប្រទេស ចិន នេះបើតាមការរាយការណ៍របស់ NDTV។ ជាមួយនឹងវត្តមានរបស់ស្មាតហ្វូនស៊េរីថ្មី Galaxy A40s នេះ ត្រូវបានក្រុមហ៊ុនបំពាក់នូវ អេក្រង់ទំហំ 6.4-inch AMOLED Infinity-U display ជាមួយនឹងកម្រិតភាពច្បាស់ Full HD+ និង waterdrop-style notch ។
ស្មាតហ្វូននេះ ប្រើប្រាស់នូវសេនស័រកាមេរ៉ាទំហំ 16-megapixel selfie ។ សម្រាប់ផ្នែកខាងក្រោយរបស់ស្មាតហ្វូននេះ គឺមានភ្ជាប់ជាមួយនឹងប្រព័ន្ធស្កេនក្រយ៉ៅដៃ និងកាមេរ៉ា 3 គ្រាប់ដែលមានទំហំ 13MP primary sensor, 5MP depth sensor, និង 5MP wide-angle lens ថែមទៀតផង។ បើនិយាយអំពីកម្លាំងម៉ាស៊ីនវិញនោះ ក្រុមហ៊ុន Samsung ប្រើប្រាស់នូវបន្ទះឈីប Exynos 7904 រ៉េមទំហំ 6GB ម៉េមូរីក្នុងម៉ាស៊ីនទំហំ 64GB និងថាមពលថ្មខ្លាំងទំហំ 5,000mAh ។ ស្មាតហ្វូននេះ ទ្រទ្រង់ទៅលើបច្ចេកវិទ្យា 15W fast charging ដូចនេះអ្នកមិនត្រូវការនូវ Power Bank ទៀតនោះទេ។
បើក្រឡេកមើលទៅលើស្មាតហ្វូន Galaxy A60 នេះ វាមានអេក្រង់ទំហំ 6.3-inch LCD Infinity-O display ជាមួយនឹងកម្រិតភាពច្បាស់ Full HD+ និងកាមេរ៉ាខាងមុខទំហំ 32MP selfie ។ សម្រាប់ស្មាតហ្វូន Galaxy A40s និងស្មាតហ្វូន Galaxy A60 គឺប្រើប្រាស់នូវប្រព័ន្ធស្កេនក្រយ៉ៅដៃនៅខាងក្រោយ និងកាមេរ៉ា ៣ គ្រាប់ដែលមានទំហំ 32MP primary sensor, 8MP ultra-wide sensor, និង 5MP depth sensor ។
ស្មាតហ្វូន Galaxy A60 បំពាក់នូវបន្ទះឈីប Snapdragon 675 ដែលប្រើប្រាស់នៅលើស្មាតហ្វូន Galaxy A70 រ៉េមទំហំ 6GB ម៉េមូរីក្នុងម៉ាស៊ីនទំហំ 128GB និងថាមពលថ្មទំហំ 4,500mAh ។ ស្មាតហ្វូននេះទ្រទ្រង់ទៅលើបច្ចេកវិទ្យា 25W fast charging ។ ជាចុងក្រោយ ស្មាតហ្វូន Galaxy A40s និង A60 ដំណើរការនូវប្រព័ន្ធប្រតិបត្តិការ Android 9 Pie ។ ក្រុមហ៊ុន Samsung នៅមិនទាន់និយាយថាតើពេលណាដែលស្មាតហ្វូន Galaxy A40s និង A60 បង្ហាញខ្លួននៅពេលណានោះទេនៅក្នុងប្រទេសចិន។ ទោះជាយ៉ាងណាក៏ដោយនោះ ក្រុមហ៊ុននេះ បាននិយាយថា ស្មាតហ្វូន Galaxy A40s និង A60 នឹងមានតម្លៃ 1,499 (~$223) និង 1,999 ($298) ៕
