នៅពេលដែលមានវត្តមាននៃការមកដល់នូវស្មាតហ្វូនស៊េរីថ្មី OPPO Reno និងស្មាតហ្វូន Huawei P30 Pro បានធ្វើអោយមាននិន្នាការថ្មីមួយទៀតសម្រាប់ស្មាតហ្វូនទាំងនេះ។ មានការនិយាយអំពីកម្រិតនៃការពង្រីក Periscope Zoom ដែលជាយន្តការមួយដែលអនុញ្ញត អោយអ្នកអាចធ្វើការពង្រីករូបភាពបានកាន់តែឆ្ងាយ និងអស្ចារ្យបំផុត។ យើងអាចមើលឃើញនបាននូវការប្រតិកម្មរបស់អ្នកប្រើប្រាស់ជាច្រើននៅលើបណ្តាញសង្គម Facebook សម្រាប់វីដេអូនេះ ដែលក្លាយជាប្រធានបទមួយដ៏ក្តៅគគុកផងដែរ នៅក្នុងរយៈពេលប៉ុន្មានម៉ោងនេះ ដែលមានការបង្ហាញអំពីសមត្ថភាពនៃការពង្រីករូបភាពដល់ទៅ 50X zoom នៅលើស្មាតហ្វូន Huawei នេះ។ ក្នុងនោះក៏មានការសង្ស័យថា នេះប្រហែលជារឿងដែលក្លែងក្លាយផងដែរ។
រឿងនេះ កើតឡើងនៅពេលដែលមានការ Upload នូវវីដេអូមួយ នៅលើបណ្តាញសង្គម Tik Tok ដែលមានការបង្ហាញអំពីសមត្ថភាពនៃការពង្រីករបស់កាមេរ៉ានៅក្នុងហ្គេមអុករបស់ចិនចេញពីចំណុចខាងលើនៃអាគារដ៏ខ្ពស់មួយ។ ទោះបីជាមានចំងាយឆ្ងាយបែបនេះ កាមេរ៉ានេះ នៅតែអាចធ្វើការចាប់យកនូវពាក្យដែលស្ថិតនៅលើក្តារអុកនេះ។ ទោះជាកម្រិតនៃការពង្រីករូបភាព Zoom នេះ ដូចជាព្រិលតិចៗនោះ យើងនៅតែអាចអានពាក្យនៅលើក្តារអុកនេះបាន ហើយវានៅតែច្បាស់ដែលពិតជាអស្ចារ្យមែនទែន។
នេះគឺជារឿងមួយដែលជាក់លាក់បំផុត ដែលបង្ហាញនៅលើស្មាតហ្វូនស៊េរិថ្មី Huawei P30 Pro ជាមួយនឹងវីដេអូដែលលើសពីកម្រិតនៃការពង្រីករូបភាព 10X zoom នេះ។ នេះមានន័យថា វីដេអូនេះ គឺបង្កើតឡើងតាមរយៈការចេញពីអេក្រង់របស់ស្មាតហ្វូននេះ នៅត្រង់ Camera Mode ឬយើងអាចនឹងជួបនូវវីដេអូក្លែងក្លាយផងដែរ។ សម្រាប់កម្រិតនៃការ Zoom នេះ អាចធ្វើឡើងសម្រាប់ចន្លោះ Lenses នៃកាមេរ៉ាទាំង 3 គ្រាប់របស់ស្មាតហ្វូន P30 Pro នេះ ប៉ុន្តែមិនមានការបញ្ជាក់ច្បាស់លាស់នោះទេ៕