Meizu 16s ដែលជាស្មាតហ្វូនស៊េរីថ្មីរបស់ក្រុមហ៊ុន Meizu នៅពេលនេះគឺជិតបង្ហាញខ្លួនជាផ្លូវការហើយ។ ជាមួយនឹងរូបភាព Render ផ្លូវការដំបូងបំផុតនោះ គេហទំព័រ TENAA និងគំរូរបស់ស្មាតហ្វូននេះជាមួយនឹងលក្ខណៈសម្បត្តិលម្អិតរបស់វាក៏ត្រូវបានបែកធ្លាយផងដែរ។ នៅពេលនេះ មានការបញ្ជាក់អំពីកាលបរិច្ឆេទផ្លូវការនៃការបង្ហាញវត្តមានរបស់ស្មាតហ្វូននេះ ចេញពីប្រភពអ្នកទម្លាយនៅក្នុងប្រទេសចិនផងដែរ។
តាមការបញ្ជាក់ចេញពីរបាយការណ៍ជាច្រើននោះ បានមអោយដឹងថា ស្មាតហ្វូនស៊េរីថ្មី Meizu 16s អាចនឹងបង្ហាញខ្លួននៅថ្ងៃទី 23 ខែមេសាខាងមុខនេះ។ មានសំណួរថាតើកាលបរិច្ឆេទនេះ ប្រាប់អំពីរឿងទៅ? នេះគឺជាកាលបរិច្ឆេទថ្មីមួយ ដែលនឹងមានការបង្ហាញវត្តមានរបស់ស្មាតហ្វូន Lenovo Z6 Pro ផងដែរ។ ស្មាតហ្វូនស៊េរីថ្មីនេះ ក៏ត្រូវបានគេដឹងផងដែរថា មានកម្រិតកាមេរ៉ារហូតដល់ទៅ 100 mega-pixels ថែមទៀតផង។ តាមប្រភពពីអ្នកទម្លាយម្នាក់បញ្ជាក់ថា ស្មាតហ្វូនស៊េរីថ្មីនេះអាចនឹងបង្ហាញខ្លួននៅ Tmall។
ស្មាតហ្វូនថ្មីនេះ អាចនឹងបង្ហាញខ្លួនឆាប់ៗនេះនៅចន្លោះថ្ងៃទី 21 និងថ្ងៃទី 22 ខែមេសាខាងមុខនេះ។ រហូតមកដល់ពេលនេះ នៅមិនទាន់ច្បាស់នោះទេ ហើយយើងត្រូវធ្វើការរង់ចាំសិន សម្រាប់ការបញ្ជាក់ជាផ្លូវការចេញពីក្រុមហ៊ុននេះសិន ដើម្បីដឹងថា តើស្មាតហ្វូននេះនឹងបង្ហាញខ្លួននៅថ្ងៃនេះ មែន ឬយ៉ាងណានោះ៕