ក្រុមហ៊ុន Samsung និង LG បន្តកើបលុយបានកាន់តែច្រើន ក្រោយពីកិច្ចព្រមព្រៀងលើការយកពន្ធនាំចូលរវាង អាមេរិក-ម៉ិកស៊ិក ត្រូវបានបន្ធូបន្ថយ

ក្រោយពីមានសង្រ្គាមពាណិជ្ជកម្មរវាងចិន និងអាមេរិកឡើងកំដៅខ្លាំង នៅពេលនេះ សហរដ្ឋអាមេរិក និងម៉ិកស៊ិកបានឈានដល់កិច្ចព្រមព្រៀងមួយស្តីពីពន្ធនាំចូល ដោយបង្ហាញនូវសញ្ញាណអារម្មណ៍ធូរស្រាលឡើងវិញនៅក្នុងឧស្សាហកម្មអេឡិចត្រូនិករបស់កូរ៉េខាងត្បូង។ ក្រុមបុគ្គលិកជាច្រើននៅក្នុងឧស្សាហកម្មបនេះ បាននិយាយថា ក្រុមហ៊ុនបច្ចេកវិទ្យាអេឡិចត្រូនិកយក្សរបស់ប្រទេសកូរ៉េទាំងពីរ គឺកំពុងតែបង្ហាញចេតនាការពារខ្លួនក្នុងគ្រាមានជម្លោះពាណិជ្ជកម្មដែលកំពុងកើតមានរួមទាំងជម្លោះរវាងចិន និងអាមេរិក។ 

បុគ្គលិកម្នាក់ក្នុងឧស្សាហកម្មអេឡិចត្រូនិកក្នុងស្រុក បាននិយាយក្នុងលក្ខខណ្ឌសុំមិនបញ្ចេញឈ្មោះថា "ពន្ធដែលបានគ្រោងទុកលើទំនិញម៉ិកស៊ិកទាំងអស់ ដែលបាននាំចូលអាចមានការខូចខាតដល់ក្រុមហ៊ុនអេឡិចត្រូនិចធំៗរបស់ប្រទេសកូរ៉េខាងត្បូងដូចជាក្រុមហ៊ុន Samsung និង LG ដែលក្រុមហ៊ុនទាំងពីរនេះ កំពុងដំណើរការរោងចក្រជាច្រើននៅក្នុងប្រទេសអាមេរិកខាងជើង"។ បុគ្គលិកនោះបន្ថែមថា "កិច្ចព្រមព្រៀងនេះ គឺជាការផ្តល់ជំនួយសង្គ្រោះដល់ក្រុមហ៊ុនកូរ៉េទាំងនេះ ហើយពួកគេនឹងបន្តយ៉ាងប្រុងប្រយ័ត្ន (សម្លឹងមើលសញ្ញានៃការផ្លាស់ប្តូរ) នៅក្នុងទំនាក់ទំនងរវាងប្រទេសទាំងពីរនេះ"។

ក្រុមហ៊ុន Samsung ផលិតទូរទស្សន៍ និងទូរទឹកកកភាគច្រើន របស់ខ្លួនសម្រាប់ទីផ្សារអាមេរិកខាងជើងនៅរោងចក្ររបស់ខ្លួននៅ Tijuana និង Queretaro ដែលរោងចក្រទាំងពីរនេះនៅក្នុងប្រទេសម៉ិកស៊ិក។ក្រុមហ៊ុន LG ក៏បញ្ចេញទូរទស្សន៍ភាគច្រើនរបស់ខ្លួន និងមួយភាគបីនៃទូរទឹកកករបស់ខ្លួនដែលបានលក់នៅទីផ្សារអាមេរិកខាងជើងនៅប្រទេសម៉ិកស៊ិកផងដែរ។

រដ្ឋបាលរបស់លោក Trump ព្រមានថា ខ្លួននឹងបង្កើនពន្ធ 5 ភាគរយលើទំនិញម៉ិកស៊ិក ដែលនាំចូលទាំងអស់ហើយនៅទីបំផុតបង្កើនរហូតដល់ 25 ភាគរយ ប្រសិនបើម៉ិកស៊ិកមិនបានចាត់វិធានការដើម្បីកាត់បន្ថយចំនួនជនចំណាកស្រុក និងអ្នកស្វែងរកសិទ្ធិជ្រកកោនអាមេរិកខាងត្បូង និងអាមេរិកកណ្តាលដែលឆ្លងកាត់ព្រំដែនសហរដ្ឋអាមេរិកដោយខុសច្បាប់នោះ។ ភាគីទាំងពីរសម្រេចកិច្ចព្រមព្រៀងមួយកាលពីថ្ងៃទី 7 ខែមិថុនា ហើយម៉ិកស៊ិកធ្វើតាមសំណើមួយចំនួនរបស់សហរដ្ឋអាមេរិកក្នុងនោះមានការដាក់ពង្រាយកងកម្លាំងសន្តិសុខជាតិតាមបណ្តោយព្រំដែនជាមួយប្រទេស Guatemala។

ក្រុមហ៊ុនអេឡិចត្រូនិកយក្ស Samsung Electronics ដែលរកប្រាក់ចំណូលច្រើនជាង 30 ភាគរយនៅអាមេរិកខាងជើងកំពុងធ្វើការផ្លាស់ប្តូរយ៉ាងឆាប់រហ័សដើម្បីឆ្លើយតបនឹងហានិភ័យដែលបង្កឡើងដោយសង្គ្រាមពាណិជ្ជកម្មសកល។ បន្ទាប់ពីជួបប្រជុំគ្នានៅថ្ងៃទី 1 ខែមិថុនាជាមួយអនុប្រធានជាន់ខ្ពស់ផ្នែកអេឡិចត្រូនិចរបស់ក្រុមហ៊ុនអេឡិចត្រូនិក Samsung Electronics លោក Lee Jae-yong អនុប្រធានក្រុមហ៊ុន Samsung នឹងជួបជាមួយនាយកប្រតិបត្តិជាន់ខ្ពស់នៃផ្នែកផ្សេង ៗ ទៀតរួមទាំងអ្នកទទួលខុសត្រូវលើឧបករណ៍អេឡិចត្រូនិចទូរស័ព្ទ និងទូរស័ព្ទដៃផងដែរ។ ជម្លោះពាណិជ្ជកម្មដែលកំពុងបន្តកើតមានពាក់ព័ន្ធនឹងសហរដ្ឋអាមេរិក កាណាដា និងម៉ិកស៊ិក និងរបៀបឆ្លើយតបដ៏ល្អបំផុតផងដែរ។ យោងតាមក្រុមអ្នកវិភាគទីផ្សារឱ្យដឹងថា ការដាក់បញ្ចូលក្នុងបញ្ជីខ្មៅរបស់ក្រុមហ៊ុន Huawei របស់ចិននាពេលថ្មីៗនេះ ត្រូវគេរំពឹងថា នឹងផ្តល់អត្ថប្រយោជន៍ និងហានិភ័យដល់ក្រុមហ៊ុនបច្ចេកវិទ្យាយក្សកូរ៉េខាងត្បូង។ បើទោះបីជាការប្រកួតប្រជែងរបស់ពួកគេនៅក្នុងវិស័យស្មាតហ្វូនក៏ដោយ ក៏ក្រុមហ៊ុន Huawei គឺជាអតិថិជនធំបំផុតរបស់ក្រុមហ៊ុន Samsung សម្រាប់បន្ទះឈីប និងអេក្រង់ផងដែរ៕