យោងតាមសារព័ត៌មានរបស់ប្រទេសកូរ៉េ បានរាយការណ៍ថ្ងៃនេះថា ក្រុមហ៊ុន Samsung បាមនធ្វើការចរចារជាមួយនឹងក្រុមហ៊ុន Qualcomm នៅក្នុងការផលិតនូវបន្ទះឈីប Snapdragon 865 ជាមួយនឹងដំណើរការ 7nm EUV ហើយផលិតកម្មនេះ ប្រហែលជាចាប់ផ្តើមនៅចុងឆ្នាំនេះ។
នៅពេលនេះ Qualcomm គឺជាអតិថិជនដំបូងបំផុតសម្រាប់ការប្រើប្រាស់ទៅលើបន្ទះឈីបនេះ។ ប្រធានរបស់ក្រុមហ៊ុន Samsung ផ្នែក Semiconductor នៅក្នុងក្រុមហ៊ុន LSI ហៅបច្ចេកវិទ្យា EUV technology នេះថាជាការប្រកួតប្រជែងមួយ ហើយក្រុមហ៊ុនបច្ចេកវិទ្យា Samsung ក៏ត្រូវគេរំពឹងថានឹងក្លាយជាអ្នកដឹកនាំនៅក្នុងបន្ទះឈីបនេះ។
បន្ទះឈីបនេះ ប្រើប្រាស់នូវដំណើរការ 7nm EUV lithography ជំនាន់ទី 2 ដែលអាចបង្កើនទៅលើទិន្នផលនៃការផលិត និងកាន់តែមានតម្លៃថោកជាងមុនថែមទៀត។ នៅក្នុងខណៈពេលនេះ បើធ្វើការធៀបជាមួយនឹងបន្ទះឈីប 10nm chips នៅលើស្មាតហ្វូន Galaxy Note 10 នោះ ដំណើរការនៃ 7nm LPP EUV silicon នេះអាចដំណើរការលឿនជាងមុនដល់ទៅ 20% ហើយវាមានការកាត់បន្ថយទៅលើថាមពលដល់ទៅ 50%។ បន្ទះឈីបនៅលើស្មាតហ្វូននៅក្នុងពេលបច្ចុប្បន្ននេះគឺមានកម្លាំងខ្លាំងក្លាមែនទែន ហើយវាពោរពេញដោយថាមពលថែមទៀត ដូចនេះសម្រាប់អនាគតនៃបន្ទះឈីប Snapdragons, Exynos ឬ AX Bionic chipsets នឹងធ្វើការផ្លាស់ប្តូរទៅលើការសន្សំសំចៃថាមពលថ្ម។
សម្រាប់ដំណើរការនៃ 7nm EUV Snapdragon 865 នេះ នឹងធ្វើការផលិតជា 2 versions នោះគឺជាប្រភេទ 5G modem និងមួយទៀតគឺមិនមាននោះទេ។ បន្ទះឈីប Snapdragon 855 ដែលប្រើប្រាស់នៅលើស្មាតហ្វូននេះ ត្រូវការនូវសមាសភាគចំនួន 2 បន្ថែមទៀតសម្រាប់ការតភ្ជាប់ទៅលើបច្ចេកវិទ្យា 5G Connection នេះ ខណៈពេលដែលបន្ទះឈីប Snapdragon 865 ត្រូវការតែមួយប៉ុណ្ណោះនោះគឺ X55 modem។ ស្មាតហ្វូនស៊េរីថ្មី Galaxy Note 10 នេះ គឺត្រូវគេរាយការណ៍ថា នឹងបង្ហាញខ្លួនជាមួយនឹងស្មាតហ្វូន 5G Versions ផងដែរ។ មានការរំពឹងថា ស្មាតហ្វូន Galaxy Note 10 នេះនឹងបង្ហាញខ្លួនសម្រាប់ទីផ្សារជាច្រើនទៀតផងដែរនៅអ៊ឺរ៉ុប ដោយសារតែនៅទីនេះមានការពេញនិយមទៅលើស្មាតហ្វូនដែលមានអេក្រង់ទំហំតូចនោះ។ យើងនឹងដឹងព័ត៌មានជាច្រើនទៀតរបស់ស្មាតហ្វូនត្រកូល Galaxy Note 10 នេះ ដែលនឹងបង្ហាញខ្លួននៅខែសីហាខាងមុខនេះ៕
