ស្របពេលដែលមានសង្គ្រាមពាណិជ្ជកម្មរវាងសហរដ្ឋអាមេរិក និងចិននោះ បានធ្វើអោយក្រុមហ៊ុន Huawei គឺក្លាយជាគោលដៅ និងប្រឈមមុខជាមួយនឹងការរឹតបន្តឹងជាច្រើន ដើម្បីបញ្ឈប់ក្រុមហ៊ុនបច្ចេកវិទ្យានេះ ពីការធ្វើអាជីវកម្ម។ ខណៈពេលដែលប្រទេសជាច្រើនទៀតក៏មានការដាក់បម្រាមទៅលើការហាមប្រាមនេះផងដែ រទៅលើក្រុមហ៊ុន Huawei ប៉ុន្តែពេលនេះ មានដំណឹងល្អសម្រាប់ក្រុមហ៊ុនបច្ចេកវិទ្យាយក្សរបស់ចិននេះហើយ។
រដ្ឋមន្ត្រីបច្ចេកវិទ្យារបស់ប្រទេសអារ៉ាប៊ីសាអ៊ូឌីត បាននិយាយថា គាត់មើលមិនឃើញមានបញ្ហាអ្វីកើតឡើងនោះទេនៅក្នុងការប្រើប្រាស់នូវផលិតផលជាច្រើនដែលផលិតដោយក្រុមហ៊ុនទូរគមនាគមន៍ t Huawei របស់ប្រទេសចិននេះ។ នៅក្នុងបទសម្ភាសន៍ជាមួយនឹង Kyodo News នៅពេលដែលសួរថា គាត់មានការព្រួយបារម្ភអ្វីទេទៅលើការប្រើប្រាស់ផលិតផលរបស់ Huawei នោះ លោក Abdullah bin Amer al-Swaha បាននិយាយថា “យើងមើលមិនឃើញអំពីបញ្ហាណាមួយនោះទេ!”
នៅខាងក្រៅកិច្ចប្រជុំ G20 ទៅលើសេដ្ឋកិច្ច និងពាណិជ្ជកម្មឌីជីថលនៅក្នុងទីក្រុង Tsukuba ភាគខាងកើតនៃប្រទេសជប៉ុននោះ គាត់បាននិយាយថា នៅពេលដែលខ្លួនធ្វើការបង្កើតនូវសេដ្ឋកិច្ចឌីជីថលនោះ យើងមានគោលការណ៍សំខាន់ពីរ។ ទីមួយ យើងបើកចំហរសេដ្ឋកិច្ច ដូចនេះ យើងតែតែជាដៃគូរសហការដែលមកពីភាគខាងកើត អ៊ឺរ៉ុប និងភាគខាងលិចនោះ។ សម្រាប់គោលការណ៍ទី 2 ក្រុមហ៊ុនជាច្រើន និងអ្នកផ្តល់នូវដំណោះស្រាយទាំងនោះគោរពទៅតាមគោលការណ៍ផ្នែកបច្ចេកទេស បទបញ្ញត្តិ និងតម្រូវការផ្នែកសុវត្ថិភាពអ៊ីនធើរណិតនោះ យើងគឺពិតជារីករាយក្នុងការធ្វើការជាមួយនឹងពួកគេ។
គាត់ក៏បាននិយាយថា ក្រុមហ៊ុននេះ មានគម្រោងក្នុងការដំណើរការទៅលើបណ្តាញ 5G mobile network ជំនាន់កណ្តាលនៅក្នុងមជ្ឈឹមបូព៌ា និងអាហ្វ្រិកខាងជើង ដែលគាត់មានសង្ឃឹមថា កិច្ចសហប្រតិបត្តិការនេះ គឺមានការចុះហត្ថលេខាជាមួយនឹងប្រទេសជប៉ុននៅថ្ងៃអាទិត្យនេះដែលនឹងជួយពង្រឹងទៅលើវិស័យព័ត៌មានបច្ចេកវិទ្យានោះ។ ខណៈពេលដែល Huawei បាននឹងកំពុងតែខិតខំតស៊ូនៅក្នុងស្ថានភាពពេលនេះនោះ ការហាមប្រាមនេះ ក៏បានធ្វើអោយក្រុមហ៊ុននេះមានការខាតបង់ផងដែរ។
នៅក្នុងអំឡុងពេលនៃកម្មវិធី CES Asia technology នាយកប្រតិបត្តិជាន់ខ្ពស់របស់ក្រុមហ៊ុននេះ បាននិយាយថា គម្រោងរបស់ក្រុមហ៊ុន Huawei ក៏នឹងក្លាយជាក្រុមហ៊ុនផលិតស្មាតហ្វូនស្ថិតនៅចំណាត់ថ្នាក់កំពូលនៅក្នុងពិភពលោក ដែលត្រូវធ្វើការរង់ចាំ។ គាត់ក៏បានអះអាងថា ក្រុមហ៊ុន Huawei នៅតែអាចលក់ស្មាតហ្វូនបានចំនួន 500,000 ទៅ 600,000 គ្រឿងក្នុងមួយថ្ងៃ នៅក្នុងសេចក្តីប្រកាសនៅក្នុងកម្មវិធី CES Asia នៅទីក្រុងស៊ាងហៃ។ កាលពីដើមឆ្នាំនេះ ក្រុមហ៊ុន Huawei គឺគ្រប់គ្រងទៅលើចំណែកទីផ្សារទាំងអស់របស់ចិន និងយកឈ្នះក្រុមហ៊ុន Apple ក្លាយខ្លួនជាចំណាត់ថ្នាក់លេខ 2 ហើយក្រុមហ៊ុននេះ ក៏គ្រោងយកឈ្នះក្រុមហ៊ុន Samsung នៅឆ្នាំក្រោយនេះផងដែរ៕