no-alternative title
no-alternative title
no-alternative title
no-alternative title
no-alternative title
no-alternative title
no-alternative title

គំរូស្មាតហ្វូនដែលបំពាក់នូវកាមេរ៉ា 4 គ្រាប់ដែលប្រើប្រាស់ សែនស័រ Samsung 64MP-ISOCELL ដំបូងគេ បានបង្ហាញខ្លួនហើយ

កាលពីសប្តាហ៍មុនក្រុមហ៊ុនផលិតស្មាតហ្វូនចិនម៉ាក Realme បានធ្វើការបង្ហាញចេញនូវគំរូនៃការបំពាក់បច្ចេកវិទ្យាសែនស័រកាមេរ៉ា 4 គ្រាប់នៅលើស្មាតហ្វូនរបស់ខ្លួននៅក្នុងព្រឹត្តិការណ៍ Camera Innovation Event នៅទីក្រុង Delhi ប្រទេសឥណ្ឌា។ ប្រព័ន្ធកាមេរ៉ាច្រើនគ្រាប់ (Multi-Camera System) ដែលក្រុមហ៊ុននេះបានបង្ហាញនោះគឺជាប្រព័ន្ធសែនស័រកាមេរ៉ាថ្មីរបស់ក្រុមហ៊ុន Samsung ទំហំ 64MP ISOCELL Bright GW1 ។ យ៉ាងណាមិញសម្រាប់គំរូស្មាតហ្វូន Realme ដែលបានបង្ហាញនៅក្នុងព្រឹត្តិការណ៍នោះគឺមិនបានបង្ហាញពីការរចនារូបរាងពេញលិញនោះទេព្រោះវាត្រូវបានស្រោបដោយស្រោមការពារគឺបានបង្ហាញតែគំរូនៃការរចនាប្រព័ន្ធកាមេរ៉ាទាំង 4 គ្រាប់របស់វាតែប៉ុណ្ណោះ។ 

 

no-alternative title

មួយវិញទៀតគឺបង្ហាញពីផ្ទៃអេក្រង់ខាងមុខជាមួយនឹងអ៊ីនធ័រហ្វេសកាមេរ៉ា។ កញ្ចប់លែនកាមេរ៉ា 4 គ្រាប់ដែលបំពាក់នៅលើគំរូស្មាតហ្វូន Realme ស៊េរីថ្មីនោះគឺស្ថិតនៅជិតគែមខាងឆ្វេងបែបបញ្ឈរ ហើយសែនស័រកាមេរ៉ាមេទំហំ Samsung 64MP ISOCELL Bright GW1 គឺស្ថិតនៅខាងលើគេហើយបន្ទាប់គឺ Ultra-Wide Lens ក្រោមមកទៀតជា Macro Camera Lens និងចុងក្រោយជា Depth Sensor Lens ហើយនោះខាងស្តាំកញ្ចប់លែនឃើញមានអំពូលភ្លើងជំនួយពន្លឺមួយគ្រាប់។ សម្រាប់លែនមេទំហំ 64MP ជា Ultra-Clear Lens ដែលមានសែនស័រខ្នាត 1/1.72" មានសមត្ថភាពផលិតសាច់រូបភាពបានធំកម្រិត 0.8μm ដោយប្រើបច្ចេកវិទ្យា Tetracell Technology ដែលជាបច្ចេកវិទ្យាបង្គុំរូបភាពថ្មីដែលអភិវឌ្ឍន៍ឡើងដោយ Samsung ផ្ទាល់ ហើយដំណើរការចាប់រូបភាពគឺមានភាពស្រដៀងគ្នាទៅនឹងសែនស័រទំហំ 48MP ដែលប្រើប្រាស់បច្ចេកវិទ្យា Quad Bayer  របស់ SONY ដែរ។ មានន័យថាវាប្រើប្រាស់សែនស័រចាប់រូបភាពទំហំ 16MP ដែលចាប់រូបភាពបានធំបំផុតក្នុងកម្រិត 1.6μm ជាមួយនិងមុខងារ Real-Time HDR។ 

សែនស័រកាមេរ៉ាថ្មីនេះ ប្រើប្រាស់ demosaic algorithm ដែលអាចបើកអោយលែនធ្វើការផ្តិតយករូបភាពបានពេញក្នុងទំហំ 64MP ក្នុងកម្រិតគុណភាពសាច់រូបភាពច្បាស់បំផុត។ ក្រុមហ៊ុន Realme បានបង្កើត MTF Chart ដើម្បីធ្វើការបង្ហាញពីការប្រៀបធៀបគ្នារវាងសែនស័រកាមេរ៉ាទំហំ 64MP ជាមួយនិងសែនស័រទំហំ 48MP ដែលប្រើលើស្មាតហ្វូន Redmi K20 Pro ហើយជាលទ្ធផលបង្ហាញថាសមត្ថភាពសែនស័រ 64MP ផលិតសាច់រូបភាពបានច្បាស់ដិតម៉ដ្ឋជាង។ រីឯ Ultra-Wide Lens វិញមានកម្រិត aperture f/2.2 មានលទ្ធភាពផលិតប្លង់រូបភាពបានទូលាយក្នុងកម្រិត FOV 119 ដឺក្រេ ដោយប្រើប្រាស់សែនស័រផលិតរូបភាពទំហំ 8.0MP ជាមួយនិងការទ្រទ្រង់មុខងារ HDR។ ចំនែកលែន Macro Camera មានកម្រិត aperture f/2.4 មានលទ្ធភាពផលិតសាច់រូបភាពបានធំច្បាស់បំផុតកម្រិត 1.75μm (4cm) ដោយ Realme បានធ្វើការដំឡើងបន្ថែមនូវមុខងារសំគាល់ប្លង់ថតដូចជា Grass, Tree, People និង Vehicles  ជាដើមនៅលើលែន Super macro Macro Camera។

ហើយសម្រាប់ Portrait Lens ឬ 2x Telephoto Lens ត្រូវបាន Realme និយាយថាវាជាលែនដែលផ្តល់លទ្ធភាពក្នុងការទាញប្លង់ថតចូលបាន 2 ដង ប៉ុន្តែវាមិនទ្រទ្រង់នូវ optical zoom នោះទេ។ ជារួមទៅលែន Telephoto ឬ Portrait Lens នឹងប្រើជំនូសលែន Depth Sensor ឬក៏ Macro Cam Lens ក្នុងការផលិតរូបព្រាលផ្ទៃ ហើយវាអាចធ្វើការទាញ់ប្លង់ចូលបានក្នុងកម្រិត 2x ដល់ 5x zoom។ សម្រាប់ផ្ទៃ UI នៃកម្មវិធីកាមេរ៉ាវិញយើងមើលឃើញថាហាក់មិនសូវជាខុសគ្នានឹងផ្ទៃ UI កាមេរ៉ារបស់ស្មាតហ្វូន Realme X ដោយវាអាច Switch រវាងមុខងារ Video, Photo និង Portrait នៅពីលើរង្វង់ចុចថត និងមាន Icon កំនត់មុខងារមួយចំនួនទៀតនៅខាងឆ្វេងដូចជា Ultra 64MP, Ultra macro, Nightscape និង Expert។ 

ក្រុមហ៊ុន Realme បាននិយាយថាស្មាតហ្វូនជំនាន់ថ្មីដែលបំពាក់ប្រព័ន្ធកាមេរ៉ា 4 គ្រាប់នឹងត្រូវដាក់បង្ហាញនៅក្នុងទីផ្សារប្រភេទឥណ្ឌានៅមុខថ្ងៃបុណ្យ Diwali Festival ដែលត្រូវប្រារព្ធធ្វើឡើងនៅថ្ងៃទី 27 ក្នុងខែតុលា ឆ្នាំ 2019។ ហើយស្មាតហ្វូនជំនាន់ថ្មីរបស់ខ្លួននឹងមានដល់ទៅ 3 ស៊េរីហើយក៏នឹងមានស៊េរី Realme Pro និង Realme X ផងដែរដែលនឹងបំពាក់ប្រព័ន្ធកាមេរ៉ា 4 គ្រាប់។

យ៉ាងណាមិញនៅលើផ្ទាំងបទបង្ហាញ (Slide) របស់ Realme បានធ្វើបទបង្ហាញនៅក្នុងព្រឹត្តិការណ៍ Camera Innovation Event បានបង្ហាញថាមានចំនួន 3 ស៊េរីដោយមានពីរស៊េរីប្រើប្រាស់លេខ 5 និង 5 Pro នៅក្រោមលែនកាមេរ៉ាខាងលើ ហើយមួយស៊េរីទៀតគឺមានកាមេរ៉ា 64MP តែប៉ុណ្ណោះ ដោយគេបានសន្និដ្ឋានថាជាស្មាតហ្វូនស្ថិតក្នុងស្រឡាយ Realme X Series អាចជា “Realme X2”។ ចឹងសរុបមកវិញ…! ប្រិយមិត្តយល់ឃើញដូចម្តេចដែរសម្រាប់ស្មាតហ្វូនដំបូងរបស់ក្រុមហ៊ុន Realme ដែលមានកាមេរ៉ា 4 គ្រាប់ និងមានកាមេរ៉ាគោលប្រើប្រាស់សែនស័រថ្មីទំហំរហូតដល់ 64MP របស់ Samsung ដែលនឹងបង្ហាញវត្តមាននៅខែក្រោយនេះ (ខែកញ្ញា)៕

 

no-alternative title

no-alternative title
ព័ត៌មានពាណិជ្ជកម្ម