no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន Huawei នឹងបង្កើតរោងចក្រថ្មីមួយ ដែលមានតម្លៃ 800 លានដុល្លារអាមេរិក នៅក្នុងប្រទេសប្រេស៊ីល

តាមការបញ្ជាក់អំពីអភិបាលក្រុង São Paulo ប្រទេសប្រេស៊ីល បានអោយដឹងថា ក្រុមហ៊ុនបច្ចេកវិទ្យាយក្សរបស់ចិន Huawei មានគម្រោងក្នុងការវិនិយោគទឹកប្រាក់ចំនួន 800 លានដុល្លារអាមេរិក ដើម្បីបង្កើតនូវរោងចក្រមួយនៅក្នុងទីក្រុង Sao Paulo។ ការវិនិយោគនេះ នឹងមានរយៈពេលច្រើនជាង 3 ឆ្នាំ។ លោក João Doria និយាយថា រោងចក្រនេះ គឺដើម្បីបំពេញតម្រូវការនិងឆ្លើយតបភ្លាមៗ បន្ទាប់ពីការដេញថ្លៃទៅលើបច្ចេកវិទ្យា 5G នៅក្នុងប្រទេសប្រេស៊ីល។ សម្រាប់ការដេញថ្លៃទៅលើ 5G ដំបូងបំផុតនៅក្នុងប្រទេសនេះនឹងធ្វើឡើងនៅក្នុងខែមីនា ឆ្នាំ 2020 នេះ។ ក្រុមហ៊ុនបច្ចេកវិទ្យានេះនិយាយនៅក្នុងអ៊ីម៉ែលមួយថា រោងចក្រថ្មីនេះប្រហែលជាសម្រាប់ផលិតស្មាតហ្វូន។

 

no-alternative title

កាលពីខែមុននេះ ក្រុមហ៊ុន Huawei ទទួលបានជោគជ័យក្នុងការសាកល្បងទៅលើបច្ចេកវិទ្យា 5G ជាមួយនឹងប្រតិបត្តិករធំៗចំនួន 4 មកហើយ នៅក្នុងប្រទេសប្រេស៊ីល យោងតាមការបញ្ជាក់ចេញពីលោក Nicolas Driesen ដែលជាប្រធានផ្នែកបច្ចេកទេសរបស់ក្រុមហ៊ុន Huawei ។ បន្ថែមពីនេះទៀត ក្រុមហ៊ុនបច្ចេកវិទ្យានេះ នឹងជួយប្រតិបត្តិករជាច្រើនក្នុងការធ្វើទំនើបកម្មទៅលើហេដ្ឋារចនាសម្ព័ន្ធរបស់ខ្លួនមុនពេលដែលមានការដេញថ្លៃនេះផងដែរ។ ក្រុមហ៊ុន Huawei កំពុងតែទន្ទឹងរង់ចាំក្នុងការដឹកនាំទៅលើការអភិវឌ្ឍបច្ចេកវិទ្យា 5G នៅក្នុងប្រទេសប្រេស៊ីល។ ទោះជាយ៉ាងណាក៏ដោយ ប្រទេសនេះក៏ប្រឈមមុខទៅនឹងបញ្ហាប្រឈមមួយចំនួននៅក្នុងប្រទេសជាច្រើននៅអាមេរិកឡាទីនក្នុងការពង្រាយទៅលើបច្ចេកវិទ្យា 5G នេះ។

គួរបញ្ជាក់ផងដែរថា ក្រុមហ៊ុនបច្ចេកវិទ្យាយក្សរបស់ចិននេះ គឺមិនមែនជាក្រុមហ៊ុនតែមួយគត់ដែលប្រកួតប្រជែងនៅលើបច្ចេកវិទ្យា 5G នៅក្នុងប្រទេសប្រេស៊ីលនេះនោះទេ។ ក្រុមហ៊ុន Nokia ក៏ដំណើរការនៅទីនេះផងដែរ ហើយក្រុមហ៊ុននេះ ក៏ទទួលបានកុងត្រាជាច្រើននៅទីនេះដែរ។ ក្រុមហ៊ុនបច្ចេកវិទ្យា Huawei ប្រហែលជាទទួលបាននូវអត្ថប្រយោជន៍ច្រើនដោយសារតែតម្លៃថោកជាងសម្រាប់ការពង្រាយទៅលើបច្ចេកវិទ្យា 5G នេះ៕

 

no-alternative title
no-alternative title

no-alternative title
ព័ត៌មានពាណិជ្ជកម្ម