សម្រាប់ឆមាសទី 2 នេះ ក្រុមហ៊ុនបច្ចេកវិទ្យាយក្ស Samsung បានប្រកាសចេញនូវស្មាតហ្វូនស៊េរីថ្មី Galaxy Note 10 series របស់ខ្លួនដើម្បីប្រកួតប្រជែងជាមួយនឹងដៃគូរបស់ខ្លួន។ អ្វីដែលគួរអោយចាប់អារម្មណ៍នោះ ស្មាតហ្វូន ក៏មានពណ៌ថ្មីៗជាច្រើន ក្នុងនោះរួមមានដូចជា Aura blue ជាដើម ដែលកាលពីពេលមុននេះក៏មានការបែកធ្លាយផងដែរ។ នេះគឺជាពណ៌ខៀវដិតសម្រាប់ស្មាតហ្វូន Samsung Galaxy Note 10 Plus។ អតិថិជនអាចរកទិញបាននៅលើ Best Buy ឬ ហាងអនឡាញរបស់ក្រុមហ៊ុន Samsung នៅក្នុងសហរដ្ឋអាមេរិកតែប៉ុណ្ណោះ។
ថ្មីៗនេះ មានការរាយការណ៍ថ្មីៗនេះ បាននិយាយថា ហាងលក់អនឡាញជាច្រើននៅក្នុងប្រទេសជាច្រើននៅអ៊ឺរ៉ុប គឺអាចរកទិញបានពណ៌ខៀវដិតរបស់ស្មាតហ្វូន Galaxy Note 10 Plus នេះបាន។ សម្រាប់ព័ត៌មានថ្មីនេះ គឺមានការទម្លាយចេញពី Roland Quandt។ សម្រាប់ពណ៌ Aura Blue version របស់ស្មាតហ្វូន Galaxy Note 10 Plus នេះ គឺមានរ៉េមទំហំ 12GB+256GB ដោយតម្លៃលក់របស់ស្មាតហ្វូនពណ៌នេះ គឺដូចគ្នាទៅនឹងពណ៌ផ្សេងទៀតដែររបស់ Galaxy Note 10+ ដែលមានតម្លៃ 1,099 euros ។
គួររំលឹកផងដែរថា ស្មាតហ្វូន Galaxy Note 10 នេះគឺមាន 5 ពណ៌សម្រាប់ធ្វើការជ្រើសរើសដែលក្នុងនោះ រួមមានដូចជា ពណ៌ Aura Glow, Aura Black, Aura White, Aura Pink និង Aura Red ។ សម្រាប់ស្មាតហ្វូន Galaxy Note 10+ គឺមានតែ 3 ពណ៌ទេគឺ Aura Glow, Aura Black, Aura White ហើយបន្ថែមជាមួយនឹងពណ៌ Aura Blue មួយទៀត។ ក្រៅពីទំហំ 12GB + 256GB នេះ វាក៏មានម៉ូឌែលទំហំ 512GB ដែលមានតម្លៃ $1200។ គួរបញ្ជាក់ផងដែរថា ស្មាតហ្វូននេះ ក៏ទទួលបានចំណាត់ថ្នាក់ខ្ពស់បំផុតនៅលើ DXoMark ផងដែរ៕