ស្មាតហ្វូនស៊េរីថ្មីត្រកូល Galaxy Note របស់ក្រុមហ៊ុន Samsung ត្រូវបានគេដឹងថា គឺមិនងាយស្រួលនោះទេ នៅក្នុងការជួសជុលនោះ នេះបើយោងតាមការរុះរើមើលគ្រឿងក្នុងរបស់ស្មាតហ្វូនស៊េរីចុងក្រោយនេះ របស់ក្រុមហ៊ុន iFixit ស្មាតហ្វូន Galaxy Note 10+ 5G គឺកាន់តែពិបាកជួសជុលខ្លាំង ដោយមានពិន្ទុត្រឹមតែ 3 លើ 10 ប៉ុណ្ណោះសម្រាប់ការជួសជុល ដោយខុសគ្នាជាមួយ និងស្មាតហ្វូន Galaxy Note 9 កាលពីឆ្នាំមុន គឺទទួលបានពិន្ទុទាបមែនទែនគឺត្រឹមតែ 4 លើ 10 នៃពិន្ទុការជួសជុលពី iFixit។
ជាមួយនឹងការលើកឡើងនេះ លោកអ្នកប្រហែលជាឆ្ងល់ថា ហេតុអ្វីបានជាវាមានពិន្ទុទាបយ៉ាងនេះ? ចម្លើយនោះ គឺដោយ សាររតែអ្វីគ្រប់យ៉ាង គឺប្រើប្រាស់កាវស្អិតទាំងអស់ ហើយចំនួនគឺកាន់តែច្រើនជាងងមុន ដោយគិតពីផ្នែកខាងក្រោយរបស់ស្មាតហ្វូននេះ ទៅដល់ថាមពលថ្ម។ អ្វីដែលមានការផ្លាស់ប្តូរដ៏ធំនៅខាងក្នុងស្មាតហ្វូនថ្មី Note 10+ 5G នេះ គឺការប្រើប្រាស់នូវ ្Stacked Motherboard (ដូចគ្នាទៅនឹង Apple) ដើម្បីសន្សំទំហំកន្លែងនៅលើស្មាតហ្វូននេះ។ ការផ្លាស់ប្តូរដែលគួរអោយកត់សម្គាល់មួយទៀតនៅខាងក្នុងនេះគឺការប្រើប្រាស់នូវ Square-Ish Vibration Motor ជាជាងការប្រើប្រាស់នូវរង្វង់ធម្មតាដែលប្រើប្រាស់នៅលើស្មាតហ្វូនជំនាន់មុនៗនោះ។
ក្រុមហ៊ុន iFixit បានធ្វើការបញ្ជាក់ថា ស្មាតហ្វូនថ្មី Note 10+ 5G គឺពិតជាពិបាកណាស់សម្រាប់ម៉ូឌែលថ្មីនេះ។ អ្នកក៏អាចឃើញនូវ mmWave antenna modules ចំនួន 3 នៅលើស្មាតហ្វុន 5G នេះ ហើយអ្វីដែលធ្វើអោយពិន្ទុនៃការជួសជុលទៅលើស្មាតហ្វូននេះ កាន់តែអាក្រក់ទៀតនោះ គឺថា ការផ្លាស់ប្តូរទៅលើអេក្រង់របស់វា។ ក្រុមហ៊ុន iFixit បាននិយាយថា ស្មាតហ្វូន Note 10+ 5G ត្រូវធ្វើការដោះចេញទាំងស្រុង សិនទើបអាចធ្វើការផ្លាស់ប្តូរទៅលើអេក្រង់ទំហំ 6.8 អ៊ីង របស់វាបាន។
និយាយទៅ គឺពិតជាអាចមានបញ្ហាជាច្រើនកើតឡើងជាបន្តទៀត។ សរុបមក ស្មាតហ្វូន Galaxy Note 10+ 5G គឺជាស្មាតហ្វូនដែលមានសមត្ថភាពអស្ចារ្យ ហើយអ្នកមិនគួរធ្វើអោយបាក់បែក ឬមានបញ្ហានោះទេ៕