Huawei Mate 30 Pro គឺជាស្មាតហ្វូនស៊េរីថ្មីដ៏អស្ចារ្យដែលមានភ្ជាប់ជាមួយនឹងបច្ចេកវិទ្យាថ្មីៗជាច្រើន និងមានការពង្រឹងទៅលើសមត្ថភាពនៃអេក្រង់ ការឌីស្សាញដ៏អស្ចារ្យ និងជាពិសេសទៅលើផ្នែកាមេរ៉ារបស់វាថែមទៀតផង។ ស្មាតហ្វូន Huawei Mate 30 Pro នេះមានអេក្រង់ 6.53-inch Horizon OLED display ដែលមានគែមកោងកម្រិត 88 ដឺក្រេ ជាមួយនឹងកម្រិតភាពច្បាស់ FHD+ (2400 x 1176) និងមានភ្ជាប់ជាមួយនឹងសំឡេងដ៏ពិរោះរណ្តំចិត្តថែមទៀត។ ស្មាតហ្វូននេះមានភ្ជាប់ជាមួយនឹងបន្ទះឈីប Kirin 990 processor (4G) សម្រាប់ម៉ូឌែលប្រភេទ 4G និងបន្ទះឈីប Kirin 990 (5G) សម្រាប់ប្រភេទ 5G ជាមួយនឹងរ៉េមទំហំ 8GB RAM + 256GB Internal Storage (អាចធ្វើការបន្ថែមនូវម៉េមូរីកាតបន្ថែមទៀតបានផងដែរ)។
បើនិយាយអំពីការថតរូបភាពវិញនោះ ស្មាតហ្វូនស៊េរីថ្មី Mate 30 Pro នេះ មានភ្ជាប់ជាមួយនឹងកាមេរ៉ា Leica Quad ដែលមានទំហំ 40MP SuperSensing (f/1.6 aperture, OIS) + 40MP Cine Camera (f/1.8 aperture) + 8MP Telephoto (f/2.4 aperture, OIS) ភ្ជាប់ជាមួយនឹងមុខងារ 3X optical zoom + 3D depth-sensing ថែមទៀត។ កាមេរ៉ានេះមានភ្ជាប់ជាមួយនឹងមុខងារ Dual Optical Image stabilization, Live video Bokeh ដែលទ្រទ្រង់នូវវីដអូ 720p super slow mo នៅក្នុងកម្រិត 7680fps, 4K Time-lapse, Ultra high definition Night photography, និងការទ្រទ្រង់ទៅលើមុខងារឆ្លាតវៃ Artificial Intelligence (AI) ថែមទៀត។
សម្រាប់ផ្នែកខាងមុខរបស់ស្មាតហ្វូននេះវិញនោះ វាមានភ្ជាប់ជាមួយនឹងកាមេរ៉ា 32MP (f/2.0 aperture) selfie, 3D depth-camera សម្រាប់បច្ចេកវិទ្យាដោះសោរ Face Unlock, Ambient Light និង Proximity sensors រួមជាមួយនឹងបច្ចេកវិទ្យា Gesture sensor សម្រាប់ការបញ្ជាជា Air Gestures ថែមទៀត។ ស្មាតហ្វូន Huawei Mate 30 Pro នេះដំណើរការនូវ EMUI 10 ផ្អែកនៅលើប្រព័ន្ធប្រតិបត្តិការ Android 10 ។ ស្មាតហ្វូននេះមានថាមពលថ្មដែលមានទំហំ 4500mAh ដែលបញ្ចូលថាមពលថ្មតាមរយៈបច្ចេកវិទ្យា 40W HUAWEI SuperCharge និងបច្ចេកវិទ្យាបញ្ចូលថាមពលថ្មឥតខ្សែ 27W Wireless SuperFast Chargerថែមទៀតផង។
ក្រុមហ៊ុន Huawei ក៏លុបចោលនូវប៊ូតុងឡើងសំឡេងរបស់ខ្លួនផងដែរចេញពីស្មាតហ្វូន Flagships នេះដោយប្រើប្រាស់នូវបច្ចេកវិទ្យា Touch វិញនៅលើគែមនៃអេក្រង់ចំហៀងនេះ ខណៈពេលដែលប៊ូតុង Power របស់វាគឺនៅតែរក្សានៅកន្លែងនេះដដែល។ ស្មាតហ្វូននេះមានវិមាត្រ 158.1 x 73.1 x 8.8mm និងទំងន់ 198g។ ស្មាតហ្វូននេះមាន 4ពណ៌សម្រាប់ធ្វើការជ្រើសរើសគឺ Space Silver, Cosmic Purple, Black និង Emerald Green និង Vegan leather version – Orange និង Forest Green ដ៏ស្រស់ស្អាតថែមទៀត។ ស្មាតហ្វូនស៊េរីថ្មី Huawei Mate 30 Pro នេះមានភ្ជាប់ជាមួយនឹងបច្ចេកវិទ្យាស្កេនក្រយ៉ៅដៃក្រោមអេក្រង់ និងប្រព័ន្ធ IP68 សម្រាប់ការពារទឹក និងធូលីថែមទៀត។ ស្មាតហ្វូន Mate 30 Pro នេះអាចធ្វើការចែករំលែកនូវថាមពលជាមួយនឹងស្មាតហ្វូនជាច្រើនទៀតបានតាមរយៈបច្ចេកវិទ្យា reverse wireless charging ដ៏អស្ចារ្យ៕
