iPhone 12 Pro គឺជាស្មាតហ្វូនមួយនៅក្នុងចំណោមស្មាតហ្វូនប្រណិតចំនួន 4 ដែលបង្ហាញដោយក្រុមហ៊ុន Apple នៅក្នុងឆ្នាំនេះ។ ស្មាតហ្វូនម៉ូឌែលនេះ ត្រូវបាន Review ដោយស្ថាប័ន DXOMARK សម្រាប់ផ្នែកអេក្រង់ និងកាមេរ៉ារបស់វាផងដែរ។ នៅពេលនេះ DXOMARK ក៏បានចុះផ្សាយនូវ Review សម្រាប់កាមេរ៉ា Selfie នេះហើយវាគឺជាប់ចំណាត់ថ្នាក់លេខ 7 ស្មើទៅនឹងស្មាតហ្វូន ASUS Zenfone 6 ដែលមានពិន្ទុ 98។
ស្មាតហ្វូន iPhone 12 Pro នេះ មានសេនស័រ 12MP 1/3.6-inch Sensor ជាមួយនឹងកម្រិត f/2.2 Aperture Lens នៅផ្នែកខាងមុខ។ កាមេរ៉ានេះគឺមានភ្ចាប់ជាមួយនឹងកាមេរ៉ាមួយទៀតនោះគឺ SL3D Sensor។ ស្មាតហ្វូននេះអាចថតនៅក្នុងកម្រិត 4K (3840x2160 pixels) Dolby Vision HDR ជាមួយនឹង 24@fps /30@fps /60@fps និងវីដេអូ FHD (1920x1080 pixels) នៅក្នុងកម្រិត 120@fps។
ស្មាតហ្វូននេះ មានពិន្ទុ 101 និង 93 នៅក្នុងការថតរូបភាព និងថតវីដេអូនៅក្នុង DXOMARK Selfie។ ដូច្នេះ ពិន្ទុសរុបរបស់ស្មាតហ្វូននេះ គឺមានចំនួន 98។ តាមការបញ្ជាក់នៅក្នុងការ Review នេះ កាមេរ៉ា Selfie របស់ស្មាតហ្វូន iPhone 12 Pro នេះ អាចថតរូបភាពបានច្បាស់ និងមានភាពស្រស់ស្អាត ដែលល្អបំផុតក្នុងការប្រើប្រាស់នៅក្នុងបណ្តាញសង្គម។