បច្ចុប្បន្ននេះ បច្ចេកវិទ្យា 5G ត្រូវបានគេមើលឃើញថា គឺកានតែមានភាពទូលំទូលាយខ្លាំងឡើងៗហើយ បន្ទាប់ពីការបង្ហាញវត្តមានរបស់ iPhone 12 Series (5G) នៅលើទីផ្សារ។ និយាយពីក្រុមហ៊ុន HMD Global វិញនៅពេលនេះ គឺមានដាក់លក់ស្មាតហ្វូនម៉ូឌែល 5G តែមួយប៉ុណ្ណោះនៅលើទីផ្សារ នោះគឺស្មាតហ្វូន Nokia 8.3 5G ដែលត្រូវគេស្គាល់ឈ្មោះហៅថា Nokia 8V 5G UW ដែលមានការទ្រទ្រង់ទៅលើបច្ចេកវិទ្យា mmWave នៅក្នុងសហរដ្ឋអាមេរិក។
យោងតាមព័ត៌មានដែលចញេផ្សាយថ្មីៗនេះ បានអោយដឹងថា ស្មាតហ្វូន Nokia 5G នេះ នឹងមានការបន្ថែមនូវចំនួនសមាជិកស្មាតហ្វូនជាច្រើនម៉ូឌែលបន្ថែមទៀតនៅចុងឆ្នាំ 2021 នេះរហូតដល់ទៅ 5 គ្រឿងឯណណោះ។ ស្មាតហ្វូន Nokia 5G ជំនាន់ថ្មីនេះ នឹងមានវត្តមានចំនួន 4 ម៉ូឌែលទៀតនេះ បើតាមការទម្លាយចេញពី NokiaPowerUser ។ តាមការចុះផ្សាយនេះ ស្មាតហ្វូនទាំងនេះ នឹងមិនទាន់បង្ហាញនៅក្នុងពេលជាមួយគ្នានោះទេ។
ស្មាតហ្វូនចំនួន 2 នឹងបង្ហាញខ្លួននៅក្នុងឆមាសទី 1 ឆ្នាំ 2021 នេះ ដែលតាមពីក្រោយដោយស្មាតហ្វូនចំនួន 2 ម៉ូដែលទៀតនៅក្នុងឆមាសទី 2 នេះ។ សម្រាប់ពេលនេះ ឈ្មោះរបស់ស្មាតហ្វូនទាំងនេះ នៅមិនទាន់ដឹងនោះទេ។ ប៉ុន្តែ NPU ព្យាករណ៍ថា នេះគឺជាជំនាន់ថ្មីរបស់ស្មាតហ្វូន Nokia 5.4, Nokia 7.3, Nokia 8.3 និង Nokia 9 PureView ។
•Nokia 5.5 5G
•Nokia 7.4 5G
•Nokia 8.4 5G
•Nokia 9.x PureView
ប្រភពនេះ បានបញ្ជាក់ថា ស្មាតហ្វូន Nokia 7.4 5G នឹងក្លាយជាស្មាតហ្វូនមួយនៅក្នុងចំណោមស្មាតហ្វូនទាំង 2 នេះដែលនឹងបង្ហាញខ្លួននៅក្នុងឆមាសទី 1 ឆ្នាំនេះ។ ក្នុងនោះក៏មានការបញ្ជាក់អំពីវត្តមានរបស់ស្មាតហ្វូន Qualcomm Snapdragon 480 SoC ផងដែរ។ ប៉ុន្តែអ្វីដែលគួរអោយចាប់អារម្មណ៍នោះ គឺមានការលើកឡើងអំពីការបែកធ្លាយវត្តមានរបស់ស្មាតហ្វូន Nokia 6.3/6.4 ដែលក្នុងនោះក៏មានការបែកធ្លាយទៅលើការឌីស្សាញរូបរាងរបស់វាផងដែរ៕