ជារៀងរាល់ឆ្នាំនេះ ក្រុមហ៊ុន Samsung បានបង្ហាញនូវស្មាតហ្វូន Galaxy ជាច្រើនម៉ូឌែលដែលមានតម្លៃផ្សេងៗគ្នា។ មកដល់ថ្ងៃនេះ ក្រុមហ៊ុននេះ គឺមានស្មាតហ្វូនត្រកូល Galaxy F, Galaxy M និង Galaxy A ដែលជាស្មាតហ្វូនលំដាប់ថវិកា និងស្មាតហ្វូនថ្នាក់កណ្តាលជាច្រើនទៀតដែលបានចេញលក់នៅលើទីផ្សារ។
យោងតាមការបញ្ជាក់នៅថ្ងៃនេះ បានអោយដឹងថាក្រុមហ៊ុនកូរ៉េខាងត្បូងមួយនេះ ក៏ត្រៀមខ្លួនក្នុងការប្រកាសចេញនូវស្មាតហ្វូនជំនាន់ថ្មីនៃត្រកូល Galaxy A ទៅកាន់ទីផ្សាររបស់ប្រទេសឥណ្ឌាផងដែរ។ ស្មាតហ្វូនទាំងនោះមានដូចជា Galaxy A32, Galaxy A52 និង Galaxy A72។
សូអជំរាបថា នៅមុនពេលដែលក្រុមហ៊ុន Samsung មានគម្រោងក្នុងការបង្ហាញនូវស្មាតហ្វូនលំដាប់ថវិកា ឬស្មាតហ្វូនថ្នាក់កណ្តាលនៅក្នុងប្រទេសឥណ្ឌានោះ ក្រុមហ៊ុនបច្ចេកវិទ្យានេះ ក៏បានចេញផ្សាយនូវទំព័រទ្រទ្រង់ជាច្រើនរបស់ស្មាតហ្វូន Galaxy A31, Galaxy A52 និង Galaxy A72 នៅលើវេបសាយផ្លូវការនៅក្នុងប្រទេសឥណ្ឌាផងដែរ។ នៅក្នុងទំព័រទ្រទ្រង់នេះ ស្មាតហ្វូន Galaxy A32 នឹងមាន 2 ប្រភេទសម្រាប់ធ្វើការជ្រើសរើសនោះគឺ 4G (SM-A325F/DS) និង 5G (SM-A326B/DS)។
ស្មាតហ្វូនGalaxy A52 និងGalaxy A72 គឺមានលេខម៉ូឌែល SM-A525F/DS និង SM-A72F/DS ។ លេខម៉ូឌែលរបស់ស្មាតហ្វូនទាំងពីរនេះគឺជាប្រភេទ 4G version ។ ពេលនេះ វានៅមិនទាន់មានទំព័រទ្រទ្រង់សម្រាប់ស្មាតហ្វូន Galaxy A52 5G និង Galaxy A72 5G នៅឡើយទេ។ ចាប់តាំងពីស្មាតហ្វូនទាំង 3 នេះ ទទួលបាននូវទំព័រទ្រទ្រង់របស់វារៀងៗខ្លួនហើយនោះ យើងអាចប៉ាន់ស្មានបានថា ស្មាតហ្វូនទាំង 3 នេះនឹងបង្ហាញខ្លួនក្នុងពេលឆាប់ៗនេះ។ ថ្មីៗនេះ ក្រុមហ៊ុន Samsung អាចនឹងទម្លាក់តម្លៃរបស់ស្មាតហ្វូនថ្នាក់កណ្តាលនៅក្នុងប្រទេសនេះផងដែរ។
ស្មាតហ្វូន Samsung Galaxy A32 នឹងប្រកាសជាផ្លូវការនៅក្នុងទីផ្សារមួយចំនួនផងដែរ។ ស្មាតហ្វូននេះមានអេក្រង់ 6.5-inch Infinity-V LCD ជាមួយនឹងកម្រិតភាពច្បាស់ HD+ ។ ស្មាតហ្វូននេះមានបន្ទះឈីប MediaTek Dimensity 720 5G chipset កាមេរ៉ាខាងមុខទំហំ 32MP selfie sensor កាមេរ៉ាគោលខាងក្រោយទំហំ 64MP និងសេនស័រស្កេនក្រយ៉ៅដៃក្រោមអេក្រង់ថែមទៀត។ ស្មាតហ្វូន Galaxy A32 នឹងក្លាយជាស្មាតហ្វូន 5G ដែលមានតម្លៃថោកបំផុតរបស់ក្រុមហ៊ុននេះ។ ស្មាតហ្វូននេះនឹងមានថាមពលថ្មទំហំ 5,000mAh និងបច្ចេកវិទ្យាសាកថ្ម 15W charging ថែមទៀត៕
