នៅក្នុងរយៈពេលប៉ុន្មានថ្ងៃនេះ ក្រុមហ៊ុន Redmi បានបញ្ចេញនូវនូវលក្ខណៈសម្បត្តិរបស់ស្មាតហ្វូន Redmi k40 series ជាមួយនឹងការទម្លាយព័ត៌មានថ្មីនេះ ក្រុមហ៊ុននេះ បាននិយាយថា ស្មាតហ្វូននេះមានការទ្រទ្រង់ទៅលើបច្ចេកវិទ្យា Dolby Atmos ដែលផ្តល់នូវសំឡេងយ៉ាងអស្ចារ្យក្នុងការប្រើប្រាស់។ នៅក្នុងព័ត៌មាននេះ ក៏មានការទម្លាយទៀតថា ស្មាតហ្វូននេះទទួលបាននូវវិញ្ញាបនបត្រ Hi-Res high-resolution wireless audio ថែមទៀតផង។
ស្មាតហ្វូន Redmi K40 ត្រូវបានគេបញ្ជាក់ថា គឺទទួលបាននូវកម្រិតគុណភាព Audio ខ្ពស់ និងកម្រិត Response កាន់តែល្អជាងមុនក្នុងការប្រើប្រាស់។ សម្រាប់វិញ្ញាបនបត្រ Hi-Res នេះ គឺប្រើប្រាស់នៅលើកាសស្តាប់ HiFi និង DAP។ ស្តង់ដារនេះ គឺប្រើប្រាស់ដោយក្រុមហ៊ុន Sony នាពេលកន្លង ដែលមានការទទួលស្គាល់ដោយស្ថាប័នជាច្រើនដូចជា Japan Audio Association, Consumer Technology Association (CTA), Digital Entertainment Group (DEG)រួមជាមួយនឹងក្រុមហ៊ុនធំៗជាច្រើនទៀត។ បច្ចេកវិទ្យានេះ គឺមានកម្រិតសំឡេង 24bit/192kHz ថែមទៀតផង។
វិញ្ញាបនបត្រ Hi-Res នេះ គឺចេញដោយសហគមន៍ Japan Audio Association JAS។ បន្ថែមពីនេះ ទៀតនោះ ស្មាតហ្វូននេះ ទ្រទ្រង់ទៅលើ LDAC ឬ LHDC protocol ដើម្បីទទួលបាននូវស្តង់ដារមាស Hi-Res wireless audio។ នៅក្នុងគេហទំព័រផ្លូវការនេះ ថែមទាំងមានការបង្ហាញថា ស្មាតហ្វូនដែលមានលេខម៉ូឌែល K11 និង K11A របស់ក្រុមហ៊ុន Xiaomi ទទួលបាននូវវិញ្ញាបនបត្រនៅក្នុងខែមករា ឆ្នាំ 2021 នេះ។ ស្មាតហ្វូនទាំង 2 នេះ គឺស្ថិតនៅក្នុងត្រកូលស្មាតហ្វូន Redmi K40 series ៕
