ថ្មីៗនេះមានការបញ្ជាក់ថា ក្រុមហ៊ុន Samsung បានធ្វើការសហការជាមួយនឹងក្រុមហ៊ុន MasterCard ក្នុងការអភិវឌ្ឍទៅលើកាតធនាគារជាមួយនឹងប្រព័ន្ធស្កេនក្រយ៉ៅដៃ។ ក្រុមហ៊ុនទាំង 2 នេះ បាននិយាយថា ដំណោះស្រាយនេះអាចជួយការពារទៅលើអ្នកប្រើប្រាស់ការប៉ះទៅលើ Keyboard នៅលើម៉ាស៊ីន ATM បាន។ បន្ថែមពីនេះទៀតនោះ អ្នកប្រើប្រាស់ជាច្រើនមិនត្រូវការវាយបញ្ចូលនូវលេខសម្ងាត់នៅលើកាតធនាគារនោះទេ នេះគឺជាវិធីក្នុងការកាត់បន្ថយទៅលើការចែកចាយមេរោគផងដែរ។
អ្នកប្រើប្រាស់ នឹងទទួលបាននូវដំណោះស្រាយដ៏ខ្លាំងក្លាក្នុងការពង្រឹងទៅលើបទពិសោធន៍នៃការចំណាយប្រាក់នេះ នៅក្នុងទំនាក់ទំនងយ៉ាងជិតស្និទ្ធិជាមួយនឹងក្រុមហ៊ុន Samsung Electronics និង MasterCard។ សម្រាប់កាតធនាគារថ្មីនេះ នឹងប្រើប្រាស់នូវបន្ទះឈីបសុវត្ថិភាពចុងក្រោយបំផុតដែលធ្វើការអភិវឌ្ឍដោយក្រុមហ៊ុន Samsung LSI ។ កាតនេះ នឹងមានបន្ទះឈីបជាច្រើនផងដែរ។ កាតនេះ នឹងជួយកាត់បន្ថយទៅលើកម្រាស់នៃកាតផងដែរ ហើយការអភិវឌ្ឍ និងការឌីស្សាញនេះពិតជាលំបាកមែនទែន។ អ្នកអាចប្រើប្រាស់នូវកាតធនាគារថ្មីនេះជាមួយនឹង MasterCard ផងដែរ។
ក្រុមហ៊ុន MasterCard បានចាប់ផ្តើមធ្វើការតេស្តទៅលើមុខងារជាច្រើននៅលើប្រព័ន្ធស្កេនក្រយ៉ៅដៃនៅលើកាតធានាគារ និងកាតក្រេឌីតកាលពីដើមឆ្នាំ 2017។ ប៉ុន្តែដោយសារតែដែនកំនត់នៃបច្ចេកទេសនោះ ក្រុមហ៊ុនបច្ចេកវិទ្យាជាច្រើន មិនធ្វើការផលិតជាលក្ខណៈទ្រង់ទ្រាយធំនោះទេ។ ក្រុមហ៊ុនទាំងពីរនេះ បានបន្ថែមថា បច្ចេកវិទ្យាថ្មីនេះ នឹងបន្ថែមនូវសុវត្ថិភាពថែមទៀតនៅលើកាតនេះ។ មនុស្សមួយចំនួនមិនយល់ស្របទៅនឹងរឿងនេះទេ ដោយសារតែវាមានការបែកធ្លាយព័ត៌មានជាច្រើននៅក្នុងពេលបច្ចុប្បន្ននេះហើយវាគឺជារឿងដ៏ធ្ងន់ធ្ងរថែមទៀត។ យើងមានន័យថា ក្រុមហេគឃ័រអាចលួចយកនូវទិន្នន័យជីវសាស្រ្តរបស់អ្នកប្រើប្រាស់ជាច្រើនដូចទៅនឹងការលួចយកនូវលេខសម្ងាត់ផងដែរ៕
