កាលពីប៉ុន្មានសប្តាហ៍មុននេះ មានសេចក្តីរាយការណ៍មួយថា ស្មាតហ្វូន Flagship ថ្មីរបស់ក្រុមហ៊ុន Xiaomi ដែលជាក្រុមហ៊ុនកំពុងតែមានសន្ទុះខ្លាំងនោះ នឹងមានការទ្រទ្រង់នូវបច្ចេកវិទ្យាសាកថ្មលឿនកម្រិត 200W Fast Charging នៅក្នុងពេលដ៏ខ្លីខាងមុខនេះហើយ។ របាយការណ៍ថ្មីនេះ គឺចេញពីអ្នកទម្លាយនៅក្នុងប្រទេសចិន ដោយទម្លាយថា នេះ គឺជាស្មាតហ្វូនថ្មីរបស់ក្រុមហ៊ុន Xiaomi ។
របាយការណ៍នេះ មានការបន្ថែមទៀតថា ស្មាតហ្វូន Flagship របស់ក្រុមហ៊ុន Xiaomi នេះ គឹមានការទ្រទ្រង់ទៅលើបច្ចេកវិទ្យាសាកថ្មលឿនកម្រិត 200W Fast Charging ដែលវាអាចនឹងប្រកាសបង្ហាញខ្លួននៅក្នុងឆមាសទី 2 ឆ្នាំ 2021 នេះ។ មានការបង្ហាញថា ស្មាតហ្វូននេះ មានការកែសម្រួលជាច្រើនបន្ថែមទៀតផងដែរ។ របាយការណ៍ដដែលនេះ បានអះអាងថា ស្មាតហ្វូននេះ ស្ថិតនៅក្នុងការអភិវឌ្ឍ។ ស្មាតហ្វូននេះ មានបច្ចេកវិទ្យាសាកថ្មលឿន 200W fast charging ថែមទៀតផង។
សូមជំរាបផងដែរ សម្រាប់ស្មាតហ្វូន Xiaomi Mi 11 Series ដែលបានបង្ហាញខ្លួនកាលពីពេលថ្មីៗនេះ គឺមានប្រើប្រាស់នូវបច្ចេកវិទ្យាសាកថ្មកម្រិតត្រឹមតែ 115W Fast Charging តែប៉ុណ្ណោះ។ សម្រាប់ស្មាតហ្វូន Xiaomi Mi 10 Extreme Commemorative Edition ដែលបានប្រកាសបង្ហាញខ្លួនកាលពីឆ្នាំមុននេះ គឺមានបច្ចេកវិទ្យាសាកថ្ម 180W charging។ ដូច្នេះហើយ ជាមួយនឹងការបញ្ចេញនូវព័ត៌មានថា ស្មាតហ្វូនរបស់ក្រុមហ៊ុន Xiaomi នេះ នឹងមានការទ្រទ្រង់ទៅលើបច្ចេកវិទ្យាសាកថ្មលឿននេះ គឺយើងនឹងរង់ចាំមើលជាបន្តទៀតថាតើ នឹងមានទំហំធំប៉ុណ្ណា?
